François Damiens in Corsica

François Damiens hè tontu liatoghju è hè da piglià à pattoni. A saperanu quelli chì l'anu cruciatu ind'è noi, chì hà esciutu un DVD di "caméra cachée" da sbillicassi.

Tinti à quelli chì anu avutu a sfurtuna di cruciallu. Cun François Damiens ci sò duie suluzione. Sia riesce à favvi fà n'importa chè, sia vi face arrabbià è vulete pigliallu à cazzotti.

Attenti spoiler : ùn s'hè micca fattu minà, ma hè passata vicinu.

Perchè stu tippu hè scemu compiu. L'attore chì s'hè fattu cunnosce cù e so famose "caméras planquées" prima in Belgica è dopu in Francia avia prevenutu ch'ellu vulia vene à stuzzicà i Corsi. Ci l'hà fatta.

À u situ 20 Minutes spiega ch'ella ùn s'hè micca passata sempre bè.

Bon, in verità stuzzica assai i turisti dinù. È parechje scene di u so DVD in Corsica sò da sbillicassi.

Per disgrazia per elli, Fanfan Tagliaglioli u presidente di u GFCA, Maestru Spadoni (per i più cunnisciuti...) si sò fatti intrappulà...

u 19 di Nuvembre 2014

Accueil

Envoyer à un ami

Version imprimable

1.mandatu da Bogli'''' a morte di u glub ! u 19/11/2014 09:25

Stu tipu hè veramente scemu !!!!

Francescu Damiens unu di noi !!!

2.mandatu da capicursina u 19/11/2014 10:10

ùn m'hè mai piaciutu stu tippu
a macagna belgica ùn mi tocca
u numeru 1 ghjè Mascone (di prima, quandu era tuttu in corsu)

3.mandatu da hanzu u 19/11/2014 12:43

e scene à RCFM so terribile !!!

4.mandatu da pichju u 19/11/2014 17:35

eccellente !!! ci he quellu in Nizza dinù, à more di rise

http://www.dailymotion.com/video/x2a55ve_francois-l-embrouille-le-ministre-belge-camera-cachee_fun

5.mandatu da francescu damiani u 20/11/2014 20:26

guardate a faccia di u tippu cù a maglietta arancia in u filmettu di u coming out (pensu chì FD, s'hà chjappu dui pattoni o hè passatu vicinu..) da crepà di rise..

6.mandatu da DNAT u 20/11/2014 20:30

Spadoni hè più fine ch'è ellu, chì macagnone, bravo maître !

7.mandatu da lechinois u 20/11/2014 21:01

u filosoffu aiaccinu hè troppu forte, a l'hà cacciata a pazzia Francescu

8.mandatu da antone u 21/11/2014 01:36

Peccatu m'averia piaciutu di vede Spadoni chì li mette un pattone !!!

9.mandatu da Francis blanche u 07/12/2014 16:41

Mi sò campu à vede i filmetti eppuru m'anu lasciatu un gustu stranu in bocca, un calcosa di male esse di vede a ghjente fassi burlà sinamente à mettesi à a risa (scusate ma Spadoni chì si facia manighjà u pettu ùn m'hà fattu ride, nemmenu a ghjuvanotta chì à a fine dice "vous savez il n'y a que des fous ici").

Da un puntu di vista antropologicu m'hè parsu intarissante:

L' agressività vinia assai da e donne corse (e video e più "gattive" toccanu i francesi) è quessa ùn mi stupisce tantu. M'hè parsu dinò chì l'omi corsi avianu appena di dipiù u sensu di u ridiculu (ùn li paria mancu vera d'avè un tontu simule sott'à l'ochji), sò ancu statu stupitu di micca vede à calchissia muntalli à sega à l'usu nustrale (Forse chì l'usi si perdenu o allora ùn l'anu micca messa).

Ùn ci scurdemu chì ùn sò state messe cà e video chì a ghjente hà datu u so accunsentu, un ghjornu, quale a sà?, avaremu u restu...u megliu?

Novu cumentu :