Accueil
Envoyer à un ami
Version imprimable
Partager

François Tatti face saltà a merria

François Tatti hà annunziatu (in francese) dumènica à Cuntrastu ch'ellu hè candidatu à l'elezzioni municipali di 2014 in Bastia. Jean-Jean è Milù anu siguramente appreziatu.



François Tatti face saltà a merria
E povere elezzioni cantunali chì cascanu da quì à un mese ùn interessanu à nimu ma a pressione cummencia digià à cullà pè e municipali di... 2014.

Dumènica in l'emissione Cuntrastu François Tatti hà cappiatu una piccula bomba : "je souhaite être candidat en 2014" (en français dans le texte).

Eccu, avà hè fatta.

Si sapia ch'Emile ùn si presenteria più, ma di a so successione ùn si ne parlava. Trà Jean-Jean, in nome di a tradizione famigliale è Francescu, scusate, François u sempiternu nùmeru 2, ùn ci vulia à parlanne. Era un sugettu tabù, moltu più chì u futtogliu era caldu pè Jean Junior.

In più di quessa, si Tatti ci và, ùn si puderà più parlà di trasmissione ereditaria di u putere. È sò i naziunalisti chì risicheghjanu d'esse imbestiati... Invece, per ciò chì tocca à l'idee ùn ci serà nisuna surpresa : François hè bè u figliolu di Milù. Ùn ci hè ch'è da vede a so ultima cacciata contr'à a lingua corsa.

Allora, Jean-Jean di Pappà o François Tatti (en français dans le texte) ? Avà chì a bomba hè schjattata, aspettemu a cundanna...

u 28 di Farraghju 2011
U Webmaestru



1.mandatu da Alexferox u 28/02/2011 16:38

Un libru, unu solu à cumprà : "Blythe Masters." di Pierre Jovanovic. per capisce a crise financiaria di 2008 e a crise alimenaria chi ci aspetta, licca dumane mà oghje. O ghjente, fate l'hortu et preparatevi a scurdabbi di i Carrefour e altri Casino. Ropa gattiva per a salute e u porta-foglie ! Per quelli ch'hannu i mezi cumprate argentu e oru, per l'altri pregatevila bonna :-)) ! Un burlu micca, leghjite e fate leghje stu libru !

2.mandatu da estrimei u 01/03/2011 10:57
perche , o Alexferox , ti pare ch'ella serà finita a manghjeria 'ncu e cullettività ?

3.mandatu da Alexferox u 01/03/2011 15:23
Un vogliu micca fà u predicadore à 2 euro, mà vistu ci ho chi si prepara in francia e nè un mondu, pensu chi i nostri cari manghjoni un hannu pui per tantu a tratichjassi. A debita di a Francia tocca u celu. In 2008 Lagarde hè andata a washington a mettesi in dinochjii per stinzà l'impresti naziunali. U caru DSk a signatu in 97 sottu a u guvernu Jospin un accordu per a privatizazione di a salute, l'educazione e di tutti i servizii publichi. Diritta o "manca", paderemu prestu a fame. A suluzione : sviluppà l'ecunumia lucale, sminuiscie a cunsumazione sumerina (mulizzi a prezzi d'oru) e fà l'ortu ! Parennu fole mà un so micca. A Corsica puderia esse un agrottu e un micro-mondu alternativu senez esse nè pumadaghjiland nè mafialand !

4.mandatu da ANTO u 02/03/2011 07:16
Da qui a tandu assai acqua passera sottu a i ponti ,sopratuttu oghje chi sprufonda u celu !

5.mandatu da zeruffu u 02/03/2011 10:28
A citadella Zuccarelli stà pè cascà. I prossimi à tenela sò i "molli" (di regula, si devria dì piuttostu "l'umuli" ma passemu).
Un aghju più dubitu nant'à l'accessu à u pudè.
I me capatoghji sò di dumandammi à chi ne seremu à issu mumentu quì.
A situazione hè dighjà catastròfica, è forse quandu saremu à e rispunsabilità ùn puderemu micca riparà in tuttu i disguasti d'oghje.
In quant'à me, oghje ùn aghju più nisunu rispettu pè ste generazioni di u dopu guerra chi hanu permessu chi tuttu què accadi. Si parla à spessu di u rispettu di l'anziani, di a famiglia, di l'antenati, ecc. Ma sò elli chi c'hanu messi in una situazione cum'è a nostra. So elli chi hanu distruttu a lingua, chi hanu impeditu u naziunalismu di riesce quandu era encu ora una suluzione, sò elli chi lascianu à i soi "zitelli" un paese arruinatu duve ùn hè più pussibule di truvà un alloghju, mentre chi ci sò millaie di casa à ricconi pè i pinzuti istatinchi, è duve ùn hè più pussibule di truvà un travagliu. Ste generazioni sò elle i rispunsevuli. Senza elle, avriamu pighjatu u pudè è tuttu saria altru dapoi vint'anni.
Mi dumandu un affare. Cunniscite à Denethor, u persunaghju di U Signore di l'Anelli di Tolkien ? Hè quellu chi deve mantene u Gondor, in attesa di u ritornu di u Rè. Mà in realtà hè diventatu scemu - cum'è i nostri - è face tuttu ciò che pò pè impedisce u ritornu di u Rè dà mantenesi ellu stessu nant'à u tronu. A u stremu di a so tuntia, dà l'ordine à u so figliolu - rispettosu cum'è noi - di parte in missione suicidiu dà fassi tumbà. E u figliolu a face. Dopu dà l'ordine à u so figliolu di fassi brusgià. Oghje campemu in Corsica in un circondu psiculògicu paghjesu, è ch'omu purria battizà "u cumplessu di Denethor".
Sin'à duve a vostra pietà figliulina anderà ? Sin'à u suicidiu cullitivu ? O cum'è me ete da disubidisce è capisce chi i nostri sò scemi è incurabili ? E ch'ellu ci vole à guardalli cum'elli sò in rialtà, di manera ughjettiva ?

Novu cumentu :