Accueil
Envoyer à un ami
Version imprimable
Partager

Georges Mela hà toccu l'Euro Millions

U Tour de France, nimu sà per avà quant'ellu rapurterà à a Corsica. Ma pè Georges Mela, sò quindeci milioni cash, è nunda chè per Portivechju.



Georges Mela hà toccu l'Euro Millions
Georges Mela duveria fà un spettaculu. Un stand-up. Dapoi qualchì settimana, u merre di Portivechju hè scatinatu è ùn pianta più di sorte e cacciate.

Dop'à "on ne peut pas que transmettre que du maquis à nos enfants" nant'à Canal +, l'amicu di quellu chì vulia "désanctuariser la Corse" n'hà fattu un'altra.

Tuttu u mondu s'interrugheghja nant'à e famose "retombées économiques" è ci vulerà à aspettà appena nanzu di tirà un bilanciu. Ma Jojo ùn pò aspettà è in Corse Net Infos s'infiara. U Giru di Francia, sò 15 milioni d'€, cash è solu pè Portivechju.

Micca cinque, micca dece, ma quindeci. Cumu sapella ? Cumu verificà ? Ellu solu a sà.

Purtantu, nant'à Twitter u contu Corse-Economie prevenia :

"Retombées économiques tdf : arrêtons de spéculer, il suffira de regarder le PIB corse... publication prévue en 2015

Eppo :
"#tdf #Corse retombées éco doivent tenir compte des effets d'éviction transport & hôtels + fermetures voiries & commerces + administrations"

Ma pè u nostru merre, sò quindeci milioni. Ancu di grazia ch'ellu casca solu tutti i cent'anni. Altrimente, sariamu ricchi...



u 3 di Lugliu 2013
U Webmaestru



1.mandatu da leandri u 04/07/2013 12:03
Ùn si chjamerebbe micca piuttostu Georges Ceciu?

2.mandatu da bastiacciu stortu u 04/07/2013 12:33
Tutti ricchi , ci campèmu ... Ahhhh soli i portuvecchjiacci ....??? Scusatè.....

3.mandatu da ghjuva u 04/07/2013 14:16
cume vince i soldi.??? femu e putane!!!

4.mandatu da popopopopo u 04/07/2013 22:54
Pare tuttu benny Hill ...

5.mandatu da ANTO u 05/07/2013 13:04
Perchè ,pensavate qu'elli avvissinu da fala i macheroni cotti da u celu ,in cu u so casgiu gratulatu .Cum'elli dicenu a manca :les retombées c'est maintenant .Basta a vede u stadu duv'elle si trovanu e strade chi un annu avutu a furtuna di vèdè u giru .I manghjoni fora !!!!!

6.mandatu da stumacatu u 05/07/2013 16:37
I nostri eletti e i so elettore so tutti scimiti da i soldi : un pensanu piu che à cuntàli...!!

E so i piu ricchi di a Corsica : sempre di piu !!!

7.mandatu da ghjuva u 05/07/2013 20:33
FORA!!!!

8.mandatu da picsou u 05/07/2013 21:50
Bravu o Georges, facci piuttostu u colpu di a mela cotta ... chì ti sì sbagliatu: ùn simu micca à 15 milioni ma à 14,8 milioni ... Ampara à cuntà !!!!
Poveri à noi, è corci purtivechjacci chì si dumandanu quale hè chì hà incasciatu sti soldi...

9.mandatu da Kim Jong di pappa u 06/07/2013 19:15
Da leghje nanta u situ di u figarÔ : "la ville du grand départ versé entre deux et dix millions d.euros".

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta