Accueil
Envoyer à un ami
Version imprimable
Partager

Ghjunghje l'estate...

Oghje, travagliate voi ? Innò ? Buh, zittu, mancu à dilla! Àiò, spiegate la à u vostru patrone ch'ellu ghjunghje l'estate, ch'elle vi stumacanu è a so faccia è a so voce. Fate li u rimbeccu è dite li chì quaranta anni fà, u mese maghju s'apria à petrate...



Una donna spugliata in Lozari. Quantu ellu ti pichja troppu u sole, metti u bob...
Una donna spugliata in Lozari. Quantu ellu ti pichja troppu u sole, metti u bob...
Sottu à u sole, u mare...

Ma iè, eramu 40 anni fà... Invece oghje, sessantottipanzati ch'è no'simu, a moda ci porta più à falà à u mare chè à falà in carrughju... U mottu "Sous les pavés la plage", pare ch'ellu fussi statu rimpiazzatu da "Dopu u travagliu, andemu u mare"... Hè cusì ch'ellu degenereghja l'individualisimu di l'omi di u 68...

Ancu eiu, a ricunoscu, ci sò statu à u mare. Cumu resiste? Aghju ancu pigliatu unepochi di ritratti. Tenite, per esempiu, trà altre bellezze, aghju vistu trè bionde di quelle svedese... Trè bionde sò di fatti altrettanti pezzò chì curanu a panza...

Quale simu???

Puh chì ghjurnata eri! Incù l'amichi, avemu ancu arrigistratu un picculu filmu. O le risate! A vi la dicu, andate ci puru à u mare ma fate casu ch'ellu ùn vi pichji micca troppu u sole. Ùn si sà mai...

Corsican is beautiful...

Avemu ancu, in i nostri ricordi, sta passata d'un cuntributore di A Piazzetta. Cridite à mè, ci sò i pezzò ancu ind'è noi... Guardate cumu li face l'amore à sta zitella. Chì tanti Georges Clooney è Brad Pitt! Iè, Corsican is beautiful !

u 6 di Maghju 2008
Sbanditu



1.mandatu da seguela u 06/05/2008 15:46
ghjunghje ancu seguela...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta