Accueil
Envoyer à un ami
Version imprimable
Partager

Giacobbi, solu à u mondu



Paul Giacobbi si serà intesu bellu solu venneri sera in l'emissione di Frédéric Taddei "Ce soir ou jamais" nant'à France 2. U tema era : "Qui est propriétaire de quoi ?", ma s'è vo l'avete mancata, ùn avete mancatu nunda. U presidente di l'esecutivu era quì per difende u statutu di residente.

In faccia à ellu, l'altri invitati ùn eranu quì ch'è per ridesine di i Keurses. È tutti, di siguru, ùn capianu u perchè di stu prugettu.

Pascal Salin, ecunumistu, hà prupostu un'idea semplice per fà calà u prezzu di u fundiariu. Postu chì Giacobbi dicia chì u liturale era statu prutettu, basta à fà cresce l'offerta per fà calà i prezzi. È custruisce dunque à buzeffu è à fà vene a ghjente : "mais enfin, y a d'la place en Corse !" Custì almenu hè chjara, l'omu difende a culunizazione di pupulamentu.

Périco Légasse, maritu di l'accanita ripublicana Natacha Polony, hà passatu u so tempu à ridesine di u prugettu di statutu di residente : "vous aurez l'indépendance avant !"

Gaspard Koenig, scrivanu è giurnalistu tuttu in pretensione, hà a suluzione per noi : "ben dites aux Corses qu'ils n'ont qu'à pas vend'm'sieur Giacobbi". Cummencia à diventà longu.

Tandu si sente Giacobbi spazientà : "vous n'avez pas inventé le fil à couper le beurre apparemment."

Sola, a filòsoffa Judith Revel paria capisce u prublema di u fundiariu è u fattu chì solu i più ricchi (fresteri) trovanu à allughjassi in e grande cità, è chì hè listessa in Parigi induve i studienti ùn ponu più stà.

L'emissione si compie cù un storicu, Bruno Fuligni, autore di u libru Tour du monde des terres françaises oubliées è chì face u ricensu di tutte l'isule è l'isulotte francese in u mondu, antichi resti d'un passatu culuniale.

L'occasione hè troppu bella per Périco Legasse : "Finalement si j'comprends bien, y a plus qu'la Corse qui n'est pas française" è tuttu u mondu ride di sta bella cacciata.

Hè sempre longa, a cumpagnia di i nostalgichi di u passatu culuniale...

U situ di Ce soir ou jamais
Giacobbi, solu à u mondu

u 10 di Maghju 2014


Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta