Accueil
Envoyer à un ami
Version imprimable
Partager

"Gigapixel" di a finale : tutti fliccati !

S'è vo site nant'à Facebook, avete vistu l'ultima moda : identificassi nant'à u ritrattu "gigapixel" di e tribune di u Stade de France.



U speaker di a finale trà Bastia è u PSG ci avia prevenutu : à un mumentu serà pigliatu un ritrattu di e tribune induve si puderà ricunnosce à tuttu u mondu.

Sapete, un ritrattu gigapixel hè un panorama induve si pò fà un zoom forte assai è precisu nant'à un detagliu. L'avete forse vistu quellu d'Obama o quellu di a vista di i munumenti di Parigi.

U risultatu di u SDF si pò vede quì è hè da veru abbastanza impressiunante. Si vede tuttu u mondu (o guasi...). À u mumentu di u ritrattu u risultatu hè di zeru à zeru è purtantu avemu più o menu tutti una faccia d'angoscia.

L'affare piace : u situ di a LFP prupone à quelli chì a volenu d'identificassi nant'à u situ, mettendu u so nome. L'affare viaghja bè, parechji l'anu fatta è numerosi sò quelli chì anu publicatu u ritrattu nant'à Facebook.

Da u latu corsu di a tribuna presidenziale dinù si face u musu, ma forse per d'altre ragione :

"Gigapixel" di a finale : tutti fliccati !

Sò veramente forti quelli chì facenu què.

Fendu cusì, ci rammentanu ch'elli ci anu à l'ochju. U missaghju hè chjaru : ùn fate micca cunnerie, hè faciule per noi d'identificavvi (fose da quì à pocu serà ancu difesa di stà arrittu durante una partita...).

Ma in più di quessa, femu da per noi u travagliu di a pulizza : ognunu ghjoca à "truvà à Charlie" è s'identificheghja ellu stessu.

A pulizza ùn hà mancu più bisognu di fà u so travagliu. L'ultima frasa di u rumanzu di George Orwell, 1984 hè : "IL AIMAIT BRIGOTHER"

Ci semu.

u 17 d'Aprile 2015
U Sgaiuffu



1.mandatu da estrimei u 17/04/2015 17:44
assai cose ci dice stu ritrattu........

2.mandatu da LFP u 17/04/2015 23:39
ma quale sò ?

3.mandatu da Atchum u 18/04/2015 20:14
tamantu ritratu!
mi tufuna u culu!!!

Si po fà listessa cosa d'estate nant'à e marine?

Novu cumentu :