Accueil
Envoyer à un ami
Version imprimable
Partager

Gilbercopter

Ma chì serà andatu à fà u puverettu di Gilbert Casanova in stu tristu imbuleghju di tràfficu di droga in eliccòtteru cun unepochi di caïds di banlieue ? Trista sorte, quella di l'anzianu militante di u MPA...



Gilbercopter
Ùn si sentia più parlà di Gilbert Casanova dapoi qualchì tempu è eccu chì l'omu face forte : u so nome s'hè ritruvatu in prima pagina di tutti i media francesi.

Ci vole à dì chì l'affare hè originale. Un tràfficu di droga in eliccòtteru da u Maroccu chì duvia dopu parte in direzzione di a banlieue parigina.

I media anu avutu difficultà à definisce à Gilbert Casanova. Prima presentatu cum'è un "notable corse ", dopu cum'è un " ex-notable ", finalmente si ritene " ex-figure du nationalisme ".

Face assai "ex"... Hè chì u tippu ùn c'era più.

Al dilà di a magagna nant'à l'anziani di u Mouvement Pour les Affaires, chì ritenerà a storia di a generazione di i naziunalisti di l'anni 90 ?

Chì bilanciu si ferà di i Charles Pieri, Alain Orsoni, Jean-Martin Verdi, François Santoni, è astri Gilbert Casanova ?

Chì sò state e vittorie per u populu corsu, qualesse l'avanzate purtate da st'omi ?

Per avà si trattà sempre d'attualità è ùn ancu di storia, è l'affari sò troppu freschi.

Forse ùn avemu ancu abbastanza rinculu per parlanne di manera ogettiva, senza passione.

Ma un ghjornu, per ùn micca cascà in i listessi errori, per preparà una Corsica chì sia sana, ci vulerà bè à fallu, stu bilanciu...

È voi, chì ne pensate di sta storia ?

PS : Ci hè un prublema tennicu cù i cummentarii ma pudete parlanne nant'à u forum

u 2ndu di Lugliu 2008
Toussaint Tinunda



1.mandatu da Omi fieri u 02/07/2008 10:35
Bell'articulu scrittu qui ! Chi mustrà l'esempiu d'omi chi ne si so messi pieni in borsa e chi anu lascia cascà u naziunalismu perchè i so soldi e l'interessu persunale.

L'esempii so differenti di una personna a l'altra, ma chi pensa di isse personne, anziani rispunsabili naziunalisti, chi avà vendenu a droga cume s'elli vendenu una vittura...
Di isse personne chi si so pigliatu un club, cume s'elli eranu eredi di questu qui. Per riprudisce a l'uguale u clanismu ch'elli criticavanu 5 o 10 anni nanzu, mettendu in piazza amichi o a famiglia.

Un so chi traditori !!! So elli ch'anu lampati a miseria in l'anni 95-96, perchè un eranu ne naziunalisti ne nunda, ma affaristi !

Per quelli chi vendenu a droga, ci vole a mette li fora di a nostra suciètà. Un anu micca a so piazza !
Personne senza etica, senza mentalità, senza volori cume issi trafichenti... so boni à purtà a u lozzu !!!

2.mandatu da estrimei u 02/07/2008 13:10
possu acertà chi nu u 90 cumme nu u 60,u 70 , l'80,u 90 e u 2000 ci so stati e ci so militanti sinceri e di qualità , ma u spiritu "blin blin ", cum'elli dicenu i francesi a fattu e disgrazie.Nepochi si cridianu piu intelligenti, piu maligni e a disgrazia he chi ci so chi ci anu criduttu: certi militanti 'un erranu che clanisti !
e per quessa chi so cunvintu ch'ell'un po esse che l'onestà , a dignità e a vuluntà di l'ommu corsu chi po salvà u nostru Paese. per ripiglià u pueta francese diceraghju: per grande ch'elli sianu i cerbelloni(quand'elli so cerbelloni...), un so che omi e anch'elli devenu esse afrenati quand'ellu ci'ole.
e capita ch'aprezzieghju e ch'o so d'accunsentu 'ncu l'articulu di Toussaint Tinunda e a risposta d'Omi fieri

3.mandatu da GWM u 02/07/2008 13:16
ah mi dispiace o Estri, ma u spiritu "blin blin", ùn hé micca listessu affare, riguarda un certu paese in Capicorsu...for' di quessa, t'hai ragione. Bell'articulu.

4.mandatu da estrimei u 02/07/2008 13:40
o GWM,
forse passeraghju per un nicentre ma u " paese in Capicorsu..." un mi venne micca?cappia la !

5.mandatu da GWM u 02/07/2008 13:53
iè, ghjè nurmale ch'è ùn ti ghjunghjessi micca; aghju lampatu sta "scherzighjata privata" perchè cunniscimu, incù unipochi partecipanti di a Piazzetta, un tippu cugnumatu "Blin-Blin" chi sta in Capicorsu...M'ha fattu ride a to formula perchè a sprissione di i ghjurnalisti francesi mi pare d'esse piuttostu "bling bling"...Eccu...

6.mandatu da a verità si face u 02/07/2008 14:14
OMI FIERI hà dettu tuttu cio ch'ellu c'era à dì.

nunda da aghjustà.

A STORIA GHJUDICHERÀ L'OMACCI CH'ANU TRADITU A LOTTA


7.mandatu da castagnu u 02/07/2008 18:03
quelli chi hannu ruvinatu a corsica so tutti quessi cun l'eletti tradiziunali clanisti
a corsica he stata tomba da i corsi bravu bell'articulu

8.mandatu da TonyMontana u 02/07/2008 19:34
S’infracica a nostra terra da stu flagellacciu di a droga. Vergogna à tutti i « sciuttati » è quelli trafficanti, ch’elli stianu in cuntinente o in Maroccu, mà micca in Corsica !

9.mandatu da A Volpa u 02/07/2008 20:16
a u principiu i nationalisti faccia paura à i pinzzuti, dopu annu vulsutu fà paura à i corsi, e ava facenu ride à tutti, paura un ci ne piu, e simu a risa, u statu francese si campu, e i nostri ghjuvannotti si piglianu ani e ani di prighjó, eccu é quelli chi si dicenu "nationalistes modérés" capicinu micca chi a sola spérenza per salvà u nostru populu dié à lotta, micca stiachere, ne putachi , solu un raportu di forze pó salvà u populu Corsu, per un avene fatu di libertà

10.mandatu da Omi fieri u 02/07/2008 20:51
C'era un'epica induve esse corsu, ghjera d'assumigliassi a i naziunalisti, di sta cun 'elli, di parlà corsu, di rispettà i vechji e sopratuttu di cumbatte a droga e tuttu chi s'avvicinava à a mentalità cuntinentale...
Oramai, pè a maio parte di i ghjuvanni corsi (basterdi piuttostu ch'un anu corsu che a casate, e di menu in menu) esse corsu vole di : fumassi un tizzone o megliu pigliassi un "rail di coke", parlà francese, chi parlà corsu vi fate passà pè paisani, vestesi cume travesti, aduprà a mentalità cuntinentale, cullà in Paese à vede i vechji tutte e quatra anni (chi ci'anu da fà in Paese ? c'hè nunda à fà quassu... e i vechji si ponu moresi, senza chi nimu un l'amparessi !) . In chjesa un ci vanu mai se un hè pè maritassi piu tardi chi ci vole à fà a festa quantunque... UN credenu in nunda, mancu in i so pedi...
Si scrivenu a u chomage e si piglenu un creditu pè a vittura annant'a u spinu di i parenti, pè cullà e fallà u corsu d'aiacciu o u boulevard in Bastia.
Hè cusi, basta a di chi oghje 90% di i corsi mettenu a Corsica sottu terra...
Oghje un si parla chi di "parè"... l'apparence tout est dans l'apparence, et derrière un grand vide...
Simu a nanza ultima rughjone di francia a u nivellu di u PIB/abitanti chi misura a richezza/puverta di e rughjone:
Ma a 2e a u nivellu di l'abunamenti in purtatoghji (portables) daretu à Parigi, a siconda a u nivellu di l'immatriculazione di vitture, a prima cuncernantu e vitture di luxe/abitanti...
A chi ghjove di veste si in Prada, e di cundusce un audi... s'ellu hè pè manghja u pane seccu a sera ?! e ci ne parechji cusi.

Allora hè nurmale quandu capite què, chi certi appena sumeri, chi si piglienu pè scemi, franchenu u passu e provenu di stanta u so pane scruchendu personne o vendentu à droga, ch'ell'hè piu facile chi di discidassi tutte e mane pè andà à zappà.

So diventati mafiosi, trafichenti, latri, scruconi... perchè mentalità un ci ne piu. Famiglia e amichi un ghjocanu piu u so rolu, e avà so diventati cume elli...



SIMU BELLI A VI DICU !

hè megliu d'andà a chjnassi, bona notte :)

11.mandatu da drobnjacku u 03/07/2008 01:03
discussione interessante...

ancu s'o ùn sò micca d'accunsentu cun cio ch'è vo scrivite, ci so punti interessanti.

avete quantunque una visione appena nera di a giuventù è di a vita, ancu s'ellu ci hè un fondu di verità

tutti i giovani ùn so micca sbacconi, sciuttati è impinzutiti

punti di satisfazzione è d'optimisimu ci sò in a giuventù corsa è in i naziunalisti (micca tuttu)

ma cumu vulete luttà contrà a francizazione è contr'à mundializazione ? qualessu populu oghje in u mondu ci la face à luttà contr'à què ?

i baschi ? sempre purtati in esempiu ? pensate, anch'elli si sciuttanu...
i soldi ? l'affarisimu ? ma oghje ùn ci hè più ch'è què, in ogni locu di stu pianeta...

eiu credu sempre in u populu corsu, perchè face 2.000 anni ch'è no simu quì, chi sta terra n'hà vistu d'astre, è chi firmerà sempre qualcosa

ancu s'ellu hè di più in più difficiule di resiste, eiu ci credu

12.mandatu da Tarass Bulba u 03/07/2008 00:23
è chi nè pensate di un tippu chi scrive ch'ellu ci vole à stirpà i "sciuttati" è chi firma u so cummentu incù u cugnome "Tony Montana"...?

13.mandatu da TonyMontana u 03/07/2008 14:11
Carissimu Tarass Bulba,
Cume tù l'ai scrittu nanzu ghjè ghjustu un cugnome, in raportu à u filmu Scarface chì m'hè assai piaciutu trà l’interpretazione di l’attore Al Pacino, ghjuchendu Tony Montana. Vistu a to firma, mi si pare ch’ellu ti garba dinù u settesimu Arte. Sapia chì u cumentu ch’aghju lacatu rispechja u mo parè persunale, chì ùn hà nunda à vede cù quellu « pseudò » ch’impieghu annantu à a Piazzetta. Mà rifletteraghju a prussima volta di u cuntestu mentre u quale vogliu serve mi ne…
Tanti saluti. À prestu…

14.mandatu da Tarass Bulba u 04/07/2008 13:52
Eccu.
Anc'à mè mi piace Al Pacino; a so figura ch'eiu preferiscu hè quella di Tony d'Amato in "Any given Sunday" ( traduttu "L'infernu di a Dumenica" in francese...).

15.mandatu da U Sgiauffu u 26/07/2008 16:38
femu cunniscenza cun Gilbert Casanova !

ascultemu l'emissione "Palisà" d'Alta Frequenza...

http://www.alta-frequenza.com/index.php/fr/podcast/palisa/(offset)/70

16.mandatu da Black block u 27/07/2008 22:25
...ma Tarass Bulba dumandava chi pinsà di un tippu chi vole stirpà tutti i "sciuttati".

17.mandatu da RESISTENTE u 09/09/2008 18:37
Vogliu scrive in francese per chi tuttu u mondu capisca .
La situation est d'une gravité extrème et certains se réjouissent des arrestations sans cesse plus nombreuses de militants ou d'anciens militants nationalistes .Certains de par leur comportement se sont écartés de la lutte et nous n'avons pas à les juger .Il urge de mettre en place un mouvement avec des militants sincères qui n'ont pas de casseroles au cul pour redonner au NATIONALISME CORSE toutes ses lettres de noblesse . Nous n'avons pas besoin de dixaines de milliers de militants mais seulement de gens déterminés.
Aujourd 'hui l'ETAT Français distribue les gifles et nous n'avons plus les moyens de répondre .Ne laissons plus nos jeunes remplir les prisons françaises , réorganisons la lutte .
EVVIVA U POPULU CORSU

18.mandatu da piratella u 10/09/2008 01:14

O Resistente, ferebbi megliu di scrive in inglese, chì tandu u mondu sanu t'hà da capisce. Cù u francese, face poca ghjente...
S'ellu hè cusì impurtante u to discorsu, ùn ti cuntentà di 'ssa lingua persa.
Aiò!
Ùn hà sensu di mughjà "evviva u populu corsu" è di ùn aduprà a lingua di 'ssu populu.

Siate più sinceri ,tutti quelli chì dicenu "per esse capitu, aghju da scrive in francese, parlà in francese".(cum'è in u forum RCFM)
In fatti, vi vene megliu in francese di spiecà certe cose, ùn hè una vergogna, hè una rialità, ma ùn circate più scuse false...

19.mandatu da estrimei u 10/09/2008 06:48
o RESISTENTE ,
a piazzetta he statu fattu per quelli chi praticheghjannu u corsu !


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta