Accueil
Envoyer à un ami
Version imprimable
Partager

Google Street View ghjunghje in Corsica...

...è vi surveglia ! U serviziu di Google Maps, Street View ghjunghjerà à mumenti in Corsica. Attenzione, site fliccati !



Google Street View ghjunghje in Corsica...
Cunniscite siguramente Google Maps, u serviziu di cartografia è di ritratti pè satèllitu.

U mutore di ricerca americanu l'hà arricchitu cun Street View : in certe cità pudete truvà ritratti à 360 gradi di e strette è carrughji. U risultatu hè propiu impressiunante è face nascecuriosità è entusiasmu. Hè quant'à spassighjassi pè e vie di Los Angeles, New York, Roma o Parigi...

Da poi qualchì settimana, a Google Car, sta vittura chì fottograffieghja e cità una per una si trova in Bastia. Da quì à pocu siguramente chì a Corsica si truverà nant'à Street View.

Ma u serviziu di u gigante di l'internet pone un prublema : quellu di a vita privata. Senza sapella è senza avella dumandata, vi pudete truvà fottograffiatu da Google, in traccia di spassighjà u vostru cane in carrughju o di cumprà u vostru pane.

State attenti, à mumenti nant'à Google puderete forse cascà nant'à u ritrattu d'André Paccou in traccia di fà u so footing, di Jérôme Polverini in short in traccia di brunzà o quellu di Jean Zuccarelli fà u roller. Attenti chì Google ùn vi pigliessi in fotto à a surtita di l'apperitivu !

Cusì, certi sò stati pigliati in traccia d'esce da un Sex Shop, di fà i so bisogni in carrughju o ancu di rende à l'entrata di u pub inglese... U giurnale The Sun raporta a storia d'una donna chì hà dumandatu u divorziu dopu à avè vistu u ritrattu di a vittura di u so maritu davanti à a casa d'una amica.

Da chè alimentà a pulèmica di u rispettu di a vita privata nant'à a tela. Trà Google Street View chì vi surveglia in carrughju è Facebook induve a ghjente li garba tantu à cuntà a so vita (cun fottò, CV è resi conti minutu per minutu...), u travagliu di a pulizza hè più ch'è facilitatu.

u 23 d'Aprile 2009
u webmaestru



1.mandatu da Urelianu u 23/04/2009 12:08
A me piace assai Google Street View! Ghjè un strumentu fantasticu! oh, pudete vede i lochi induve site andati, o induve anderete... E cusì ancu Bastia sarà nant'a Google Earth Street View!!

2.mandatu da Anto u 23/04/2009 21:01 (da un teleffuninu)
È per vede estrimei in traccia di manghjassi una panetta

3.mandatu da castineta u 24/04/2009 00:36
si puderà dinù vede Camillou nant'à u parking di Via Notte à 6 ore di matina?

4.mandatu da estrimei u 24/04/2009 07:17
si estrimei si ritira in Castineta, forse ch'ellu ci scrucchjerà a tutte st'americcanate !

5.mandatu da in cauda venenum u 24/04/2009 08:45
UN SI PUDERA MANCU PIU CACA TRANQUILLU PER A MACHJA

6.mandatu da heliofobu u 24/04/2009 13:23
Hè vera O "In Cauda ...", mà allora ci vole da fà "Google machja" !

7.mandatu da higins u 24/04/2009 13:49 (da un teleffuninu)
À quandu google paese é google niolu ?

8.mandatu da heliofobu u 25/04/2009 01:52
Tantu ch'un c'hè "Google caboulot"... Ci ne surtiremu...

9.mandatu da circinelludiguagnenativupeliguagnesusosanguaversatu u 25/04/2009 13:38
nantu à "google foot view" sè sicuru d'ùn esse vistu s'è tu sè bastiacciu !
; )

10.mandatu da Fafanellu u 27/04/2009 07:29
Hè bè d'essa un pocu flicatu, t'avemu bisognu d'ordini in tempu di crisa !!!!!!!
Eiu aspettu Google Cattucci Publichi, è Google Manif :p

11.mandatu da Piratella u 27/04/2009 11:28

Hum, Big Brother hè in marchja, a sapemu dipoi un pezzu,..

Hà da ghjunghje in Aiacciu? Nò, ùn ci credu...

Pensate à tutti 'ssi funziunarii aiaccini attavulinati in caffè à l'ora di u travagliu?


12.mandatu da heliofobu u 27/04/2009 23:14
E pe l'utopisti chi ci credenu sempre... Un bellu "google isoloir" ?.. Chi tanti biglietti a chjave... Eccu chi l'emu da vede i collabo !

13.mandatu da henry smart u 05/05/2009 01:58
Noi parlemu di google è di robba americana, ma un simu capace in Corsica di diununzià u "fichier" base élèves " messu in piazza ind'è e scole primarie !!
Emu da andà à dumandà à i nostri stitutori perchè ch'elli sò pochi à parlà di què !!
emu da dumandà à i nostri direttori di scole di sceglie trà cullaburazione o resistenza, emu da move cum'è parenti primurosi di i nostri figlioli (hè vera ch'ùn vutanu micca !!)
BEF : base élèves FORA !!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta