Accueil
Envoyer à un ami
Version imprimable
Partager

Grazia à st'appiegazione, u vostru smartphone cunnosce u corsu

Hè nata a prima appiegazione chì permette à u vostru smartphone di cunnosce a lingua corsa. Pratica per currege i sbagli è fà e suggestione in corsu.



Hè à l'iniziativa d'un purtivechjacciu, Jean-Noël Cucchi, ch'ella hè nata a prima tastera chì integra a lingua corsa in u so dizziunariu.

Bon, "tastera" serà a nostra parolla per dì "clavier" (u ci prupone u dizziunariu Infcor, vi và ?)

L'appiegazione si chjama SwiftKey. Hè gratisa, è ricunnosce a lingua corsa :

Grazia à st'appiegazione, u vostru smartphone cunnosce u corsu

Hè cusì chì SwiftKey vi face suggestione è currezzione in corsu :


Grazia à st'appiegazione, u vostru smartphone cunnosce u corsu
Spiega Jean-Noël Cucchi chì l'idea hè di prumove l'usu di a lingua corsa, è d'aiutà quelli chì ùn a sanu parlà : "U fattu di pudella scrive rompe una barriera. Quella di a timichezza, di a paura di sbagliassi, è permette dinù d'amparalla".

Tucchemu à u prublema di a famosa paura di u sbagliu chì tocca à tanta ghjente. Un pesu chì frena tanti Corsi chì ùn ci la facenu à parlà, ma chì scrivenu di più vulenteri in corsu.

"Sta barriera hè sciappata dinù in fine d'apperitivu, ma hè cumplicata di spiegà ch'è no andemu in caffè tutte e sere per parlà corsu..."

Hè vera, è ùn ci vuleria micca chì a lingua sia una cagione di malatie di u fegatu.

Spiega Jean-Noël Cucchi : "J'utilise un clavier sur mon téléphone, qui fait de la prédiction de frappe et il est multilingue.
C'est un des plus utilisés, il est gratuit, il a plus de 2 000 000 de téléchargement sur Android. Il a d’ailleurs été depuis racheté par Microsoft. C'est un potentiel énorme.
"

Dop'à una dumanda d'aghjustu di lingue, un ingeniere in carica di e lingue l'hà cuntattatu. Ci hè solu bisognu d'alimentà a basa di dati. L'appiegazione hà bisognu di testi, di siti web per analizà e frase è pudè anticipà e parolle.

A Piazzetta cuntribuisce cusì à alimentà sta basa di dati, di manera gratisi. Precizemu chì nè Jean-Noël Cucchi, nè A Piazzetta toccanu qualcosa nantu.

È custì ne prufittemu per dì ch'è no ci sentemu appena soli è ch'elli mancanu siti in lingua corsa aghjurnati di manera regulare.

Dop'à esse stata dispunibule nant'à Android, u dizziunariu di SwiftKey si trova dapoi oghje à dispusizione nant'à Apple.

A murale di sta storia hè chì tuttu u mondu pò purtà a so petra à prò di a lingua. Sì i Corsi si decidenu à vulè salvà a so lingua, tuccherà à elli di falla. Forse ch'ellu ùn vale a pena d'aspettà a decisione d'un ministeru :

"Sì tuttu ognunu porta una petricella, ci hè manera di fà un grande munumentu. Sì tuttu ognunu ci và di a so iniziativa, hè a sucetà chì avanza. È s'è no semu abbastanza à fà quessa, averemu vintu."

Hè detta.

Per caricà nant'à iPhone è iPad :A leia nant'à iTunes

Per caricà nant'à Android : A leia nant'à Google Play


u 19 di Maghju 2017



1.mandatu da estrimei u 21/05/2017 09:12
à a piezza di "tastera"( hè a parulla taliana "tastiera") mi pare chi scrittoghju accunsenteria

2.mandatu da Luca u 28/05/2017 04:40
a me mi pare chi "à a piezza" e più francese che corsu d'altronde scrittoghju esiste dighjà vole di écritoire o inscription in corsu a contu meiu pensu chi seria più che ora d' accettà chi u corsu u u talianu si sumiglianu e di fane una forza invece di vede u male dappertuttu a volé fà di u corsu una lingua tutta soia sradichendu a tutti i costi a so matrice tuscana a si tomba a lingua face avà 30 anni chi certi autoproclamati corsofoni volenu fà una forma di neocorsu fendune a norma quandu si vede u risultatu un si puo che pienghje oghje ùn c'e piu nimu chi parla corsu sia u vechju che u novu

3.mandatu da Ghjunghjiticcia u 03/08/2017 08:07
Dopu lettu st'artìculu, aghju caricatu l'appiegazione di a tastera Swiftkey. Marchja propiu bè in 5 lingui senza prublema.

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta