Accueil
Envoyer à un ami
Version imprimable
Partager

Greva in Hollywood !

Da desperate housewives à desperate actress... Emu da pienghje!



Da desperate housewives à desperate actress... Emu da pienghje!
Da desperate housewives à desperate actress... Emu da pienghje!
Sò più di trè mesi ch'ella dura. Sò in greva i scenaristi, l'attori è i realizatori d'hollywood! Oramai si tratta ancu di rimandà a ceremonia di l'Oscari prevista pè u 24 di ferraghju! Chì tanti CGT è STC! Elli sì chì tenenu forte!

E radiche di sta greva sò da visticà da e parte d'Internet è di i novi modi di cunsummazione di e ghjente. Postu chì cala sempre di più a frequentazione di e sale, l'attori, i scenaristi è i realizatori s'opponenu à i pruduttori. Volenu tuccà una parte più impurtante di i soldi inghjennati da i DVD è Internet. Invece i pruduttori dicenu elli chì ci vole à rimpattà a calata di i benefizii di a televisiò è di u sinemà.

Certi filmi chì averianu à esse arrigstrati quistu annu sò oramai previsti pè u 2009! Certe emissione ùn sò più prudutte ma ridifusate. In quantu à i passiunati di Lost, 24 ore chrono è Desesperate housewives, tenite forte postu chì s'hè piantatu l'arrigistramentu di ste serie.

Peghju, in ottanta anni, sarebbe a prima volta ch'ella sarebbe castigata a ceremonia di l'Oscari! In risposta, u sindicatu di i pruduttori paraguneghja sta mossa suciale à u boicottu di i Ghjochi Olimpichi trà Americani è Russi in l'80 è l'84! Di sicura, si credenu in un americanata di quelle salite !


u 13 di Ghjenaghju 2008
Sbanditu



1.mandatu da strampalatu u 13/01/2008 18:21
chi catastrofa sta greva... averanu pigliatu à sta gloscia di JEAN PAUL ISRAEL o chè in Hollywood ?

LIBERTA PER BELLICK
JACK BAUER SEMPRE CUN NOI

2.mandatu da Sbanditu u 14/01/2008 08:42
À sente l'ultime nutizie, mi si pare di sì. Sarebbe partutu incù a so squadra di i marinari marsegliesi. Un aviò Falcon li purterebbe ind'è Eva Longoria per presentà e rivendicazione di l'attori i più sfavurizati sucialmente. Infine, a curpurazione di i trinichelli di SUD-rail averianu purtatu u so sustegnu à l'attrice americane.
Fate mi sapè s'è avete d'altre nutizie di primura nant'à sta mossa suciale curpuratista !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta