Accueil
Envoyer à un ami
Version imprimable
Partager

Guillaume Peretti face u GR 20 in 32 ore è senza minà un pumataghju

Da Calinzana à Conca, ci volenu di regula quindeci ghjorni. Ma Guillaume Peretti hè un campione è ci l'hà fatta in 32 ore. Cumplimenti !



U GR 20, per qualchissia d'à pocu pressu normale ci volenu quindeci ghjorni per fallu. Da Calinzana à Conca ci sò guasi 180 chilòmetri, unepochi di petricaghji, di teppe, di scoglii, qualchì vacca o muvra, parechji saccadò è una successione di paisaghji magnifichi.

Ma u paisaghju, Guillaume Peretti ùn averà avutu u tempu di prufittane.

In u 2005, Pierrot Santucci mettia 36 ore è 53 minuti per fà u GR. In u 2009, u catalanu è numeru unu mundiale Kilian Jornet battia u record in 32 ore è 54 minuti. Kilian Jornet hè quellu chì colla à u Mont-Blanc in ciavatte, cum'è voi andate à u cabinettu a notte per piscià.

U record paria impussibule à batte. Parechji anu pruvatu di fallu cascà ma ùn anu riesciutu.

Guillaume Peretti ci l'hà pruvata è ciò ch'ellu hà fattu hè da veru impressiunante. U GR l'hà fattu in 32 ore.

È francamente, quessa ci vulia à falla. Felicitazioni à ellu !

Attenzione : ùn site micca obligatu di cupià à Peretti. S'è vo ci la fate à fallu sanu, andendu pianu, senza annerbavvi è senza battevi cù i turisti, serete digià assai assai forte.

Fidighjate puru a videò di a so perfurmanza. A prununzia di i nomi corsi da a giurnalista face male à l'arechje, ma a prova di u campione hè bella.

Per l'altri, ferma a canzona di Ghjuvanpaulu Poletti L'Alta strada, cantata da Carlinu Rocchi.
Guillaume Peretti face u GR 20 in 32 ore è senza minà un pumataghju


u 15 di Lugliu 2014



1.mandatu da sardu u 16/07/2014 14:06
BRAVISSIMU!!! impressiunante, andendu versu lochi magnifichi,cumplimenti da veru!!!
ma a ghjurnalista hè pinzuta,veru?!

2.mandatu da Renosu u 16/07/2014 14:57
Felicitazioni o' Guillaume !!!!!!!!!!!

3.mandatu da acquaviva u 18/07/2014 01:13
un ci so riesciuti mica un hannu riesciuti(verbu riesce si cuniuga cun esse mica cun ave)saluti

4.mandatu da CASGIU POSTMUDERNU u 22/07/2014 16:11
Eccu un esempiu par noi tutti .
u curaghju, a forza, u sapè fà, l'umilità chi si spimenu in tarra nostra.
...È MANCU PÀ U SOLDU, solu pà u piacè di realizà un sonniu zitillinu.
Guillaume PERETTI , ch'e un cunnoscu micca, sè un eroe, vale à di ch'è tu ai e qualità ch'è no vulariamu avè. Semu fieri di cio ch'è t'ai fattu.
È bravi so stati quelli chi t'anu sustinutu è accumpagnatu.

Novu cumentu :