Accueil
Envoyer à un ami
Version imprimable
Partager

H1N1 : a cagoule obligatoria ?

MAM vulia interdisce a "cagoule". Disgraziatamente per ella, a màschera risica di diventà obligatoria per via di a grippa messicana.



H1N1 : a cagoule obligatoria ?
Chì sdiliccia per MAM. U mese scorsu a ministra di l'internu vulia interdisce quelli chì portanu cappuccini durante e manifestazioni.

Oghje, si tratta di rende obligatoriu u portu di màschere per prutegesi da u H1N1. Ma più efficace ch'è a sèmplice màschera è megliu ch'è u Tamiflù, a cagoule saria segondu à certi mèdichi a più bona arma contr'à a terribule influenza messicana.

Piuttostu ch'è di tazzà i nostri poveri purcelli (malgradu a pulèmica di u figatellu velenosu), hè a suluzione a più faciule à aduprà chì puderia salvacci da sta nova sfurtuna chì hà digià fattu parechji morti da l'altra parte di l'Atlanticu.

È s'ella era a cagoule à salvà u populu corsu ?

u 4 di Maghju 2009
U Sgaiuffu



1.mandatu da Zecca u 04/05/2009 13:40
Chi imbrogliu ! Ma forse serà fattu apposta l'affare. Durante e manifestazioni, si a ghjente si pò chjappà l'influenza, ancu megliu, aggarberà u guvernu. Seranu menu à vutà contr'à ellu a e prossime elezzioni. A selezzione naturale cumu si dice. E ghjè l'annu di Darwin.

2.mandatu da zappatistu u 04/05/2009 14:18
hè per quessa chi u subcummandante Marcos porta a cagoule ! per prutegesi di a grippa !

3.mandatu da Kugùrn u 04/05/2009 14:29
Eccu. In u Chiapas, l'hanu adupratu dà poi un pezzu, per ogni tippu d'attività.

[]

4.mandatu da Kugùrn u 04/05/2009 14:30
[http://nadir.org/nadir/initiativ/agp/free/mexico/equipo_futbol_zapatista.jpg]

5.mandatu da franck zappa l'ortu u 04/05/2009 14:34

6.mandatu da Culomba u 04/05/2009 21:03

MDR...

Ma ci hè un prublemu : dopu cumu ricunnosce un raid di u GIGN da un gruppu di turisti giappunesi??

7.mandatu da Antò u 05/05/2009 13:17
Aghju un' idea pè u prossimu articulu.
"10 ragione di andà a Aiacciu pè vedè u derby" !

8.mandatu da Domenico u 06/05/2009 11:36
Un c'hè micca una parolla corsa per chjamà a "cagoule"?

9.mandatu da francescu di castagniccia u 06/05/2009 14:40
a cagoule he dino a suluzione per anda a à piaghja senza avé paura da u sole

10.mandatu da lingua nostra u 06/05/2009 21:46
Serà u cappucciu o u cappuccinu

11.mandatu da Cincinellu u 09/05/2009 15:33
cagoule = u camisgiu ?

12.mandatu da lingua nostra u 10/05/2009 02:19
Hè un sbagliu d'adoprà càmisgiu per "cagoule", u càmisgiu hè u vestitu biancu di i cunfratelli, chì pò avè un cappuccinu o nò. A cappa hè a mantelletta di villutu nantu à e spalle in certe cunfraterne, micca tutte. U talianu dice cocolla è buffa per cagoule ma noi ste parolle ùn l'avemu. Ùn fermanu ch'è cappucciu è cappuccinu, chì un cunvenenu tantu, hè vera. A cagoule è u cappuccinu sò differenti. Ci vole à truvà una parolla. O allora adoprà "a visera" ? È dì "mascherati" per cagoulés?

13.mandatu da Piratella u 10/05/2009 05:09


o ...a cagula ?


Ùn ci femu cagà, aiò! -))

Novu cumentu :