Accueil
Envoyer à un ami
Version imprimable
Partager

Hantz si ne và

Hè una bella pagina di a storia di u Sportig chì si gira, cù dui tìtuli di campione, un ritornu da l'infernu, una cullata in L1 l'annata di i vint'anni di a catastrofa di Furiani. Ci serà assai emuzione sabbatu per l'ultima partita di Frédéric Hantz nant'à u bancu. Hè un tippettu chì si ne và.



Hè officiale : Frédéric Hantz si ne và di u Sporting. L'annunziu hè statu fattu oghje in una cunferenza di stampa.

A so ultima partita nant'à u bancu di Furiani serà dunque sabbatu contr'à Nantes.

Face quattr'anni ch'ellu hè à u Sporting è hà datu dui tìtuli di campioni à i turchini, di National in u 2011 è di L2 in u 2012.

Frédéric Hantz avia insistitu nant'à i valori è l'identità di u Sporting, è ancu pigliatu l'iniziativa di fà piglià corsi di lingua corsa à i so futbalori. Avia dettu à Corse-Matin :

"Je suis peut-être naïf mais je pense que si nous gardons nos valeurs nous resterons en Ligue 1. C'est-à-dire respecter notre maillot, se dépouiller sur le terrain, continuer de partager nos joies et nos peines avec nos supporters, respecter nos partenaires financiers, respecter la langue corse et l'histoire de cette île".

Hè ghjuntu in Corsica in u 2010, quandu u SCB hè falatu in National. Pocu dopu s'amparava chì a DNCG mandava u Sporting in CFA. U club era datu per mortu ma u coach hà sceltu di stà in Bastia. U Sporting finia campione dop'à un maccione contr'à Créteil. L'annu dopu, era campione di L2.

Sti dui anni sò siguramente state e stagione di u Sporting e più forte in emuzioni di st'ultimi anni, passendu da a minaccia di morte è d'un ritornu à u livellu amatore, à un ritornu triunfale in L1, l'annata di i vint'anni di a catastrofa di u 5 di maghju.

À e presidenziali di u 2012, sò stati parechji à vutà Hantz : 19 buglittini per ellu in Belgudè, 67 in A Vulpaiola...
Hantz si ne và






Hantz si ne và

Hantz si ne và

In qualchì data :

25 maghju 2010, Hantz firma à u Sporting, chì vene di falà in National. In Bastia i sustenidori sò in depressione. A missione-commandò di Faruk Hadzibegic ùn hà viaghjatu. U bosniacu ùn hà vulsutu stà in Bastia, è assai eranu attaccati à ellu. U SCB hè à paghjolu. Nant'à i cunsigli di Paul Marchioni, i dirigenti sceglienu à Frédéric Hantz.
Hantz si ne và

15 ghjugnu 2010, Bastia si piglia un pattone : a DNCG manda u Sporting in CFA. U Sporting volta à u livellu amatore. Ci vulerà aspettà più d'un mese, per esse ristabiliti in National. U 6 di lugliu a DNCG cunfirma a sanzione. Hè un aiutu di CTC chì permette di salvà u club, grazia à u travagliu di Michele Castellani è di Pierre Ghionga.
Hantz si ne và

28 ghjugnu 2010. Durante più d'un mese, ùn si sà veramente sì u club participerà à u campiunatu di National, o s'ellu cascherà in CFA. Hantz prepara i so ghjucadori per una lotta chì s'annunzia difficiule. Per a so prima surtita, porta a squadra nant'à u GR20, à dorme in i stazzi di Vaccaghja, in u Camputile.

22 settembre 2010. Primu grossu colpu di u Bastia di Hantz : un macciu di cuppa di a Lega in Sochaux, chì ghjoca in L1, u 22 settembre 2010. Nant'à a maglia di u Sporting, micca sponsor. Solu "uniti vinceremu". A surpresa hè tremenda, Bastia vince 2 à 0 (Suarez, Sans). Un gruppu hè natu. È tuttu ognunu si mette à sunnià. Forse, stu Sporting pò riesce à vultà in L2. È ancu al dilà... Bastia torna à ripiglià cunfidenza. Ancu Mathieu Robail !

4 ottobre 2010, Bastia ghjoca contr'à u Paris FC à Charléty. U PFC hè presentatu cum'è unu di i grandi di National. Hè u primu test impurtante di l'annata. In sta dumenica dopu meziornu, sò 500 i sustenidori per sta partita... I turchini vincenu 2 à 1 (Suarez, Diallo), è in Bastia si piglia l'abitutine d'andà à accoglie i ghjucadori in Puretta.

7 maghju 2011. A partita di u tìtulu contr'à Créteil. Ci vole à vince per esse campioni, ma u club di a banlieue parigina tene forte (1-1). Una volta di più, si pensa chì Bastia hà mancatu l'appuntamentu, cum'è spessu in e partite impurtante... Ma Idrissa Sylla marca un but imprubabile à l'ultima segonda, in un tazzu infernale. Di memoria di parechji, ùn s'hè mai intesu un trostu sìmile in Furiani. Bastia diventa campione di Francia di National è pò fà a festa.

21 maghju 2010. Bastia ùn pianta più di fà a festa (a cullata contr'à Fréjus, u tìtulu contr'à Créteil...). Quella sera rende omagiu à l'anziane glorie, quelli di u tìtulu di campione in u 68, quelli di a vittoria in cuppa di Francia in u 81. Furiani torna à fà u pienu. Focu d'artifiziu è Chariots de feu quella sera piena d'emuzioni. U populu turchinu torna à sunnià.


u 13 di Maghju 2014



1.mandatu da turchinu u 13/05/2014 15:15
:'-(

2.mandatu da liberu u 13/05/2014 15:36
GRANDISSIMU COACH. unu di i più grandi chi sia statu à u Sporting

avia capitu tuttu di a Corsica... ùn si vergugnava micca di e so simpatie versu i naziunalisti...

A RINGRAZIATTI FRED

3.mandatu da ù trapanadu u 13/05/2014 15:58
a u mio avisu unu di piu intelligenti di l'allenatori chi so passadi ind'é a nostra squadra...Ellu avia tuttu capitu di a Corsica é di Corsi...a scrittu una delle piu belle pagine di a storia di ù sporting.A RINGRAZIAVI PER TUTTU MR HANTZ.

4.mandatu da Maï Cuntentu u 13/05/2014 16:51
Avà chi Hantz si ne và, u sporting vincerà a champion's league in qualchi anni. Era ellu u risponsevule di a nostra gattiva stagione... Ottesimu ò decimu di u campiunatu francese chi vergogna !

5.mandatu da turchinu u 13/05/2014 16:58
hè vera chè no simu mai cuntenti
tuttu ùn era parfettu quist'annu, ma ùn simu mai stati inchietati.... micca male per noi, 19esimu bugettu di L1
l'avemu da rigrettà.....

6.mandatu da amstradu u 13/05/2014 17:01
Avemu persu à Zuccarelli, pudimu perde à hantz (hum...)

E ava, Élie Baup, Luis Fernandez e altre rumeurs di merda

7.mandatu da josefina di napuliò u 13/05/2014 20:13
stammi vicinu ùn ti n'andà ti tengu caru........lalalalalalalalalalalalala

8.mandatu da qualchinimu u 13/05/2014 20:55
Hè vera ch'aveva capitu tuttu : "...respecter nos partenaires financiers, respecter la langue corse..."

9.mandatu da ù trapanadu u 13/05/2014 21:06
quandu dicia ch'éllu avia tuttu capitu......quellu chi venera o ghjé corsu.....o allora li pregu salute......

10.mandatu da plus rien ne bétonne u 13/05/2014 21:30
Un omu intelligente,dui anni di freba ,d'emuzione ,di passione , dui altri di curagiu , u ci scurderanu mai di MR Hantz.
Sabattu tutti in furiani per rende li onore.

11.mandatu da "Verdi"nità u 13/05/2014 21:30
e megliu ave un corsu a u cummandu tecnicu......eppo "liberu", hantz un avia capitu nunda a à corsica ...facia nice....è e so simpatie incu i naziunalisti eranu ipocrite e interessate mi pare....

12.mandatu da plus rien ne bétonne u 13/05/2014 22:20
Verdi ritenimu o menu i resultati ,ancu qué si po discuta mi dicerete ,ma ùn a saperemu mai .Per quelli di i dui primu anni u si po fa megliu ,per l'altri videremu .Una pagina si gira ,un'altra sapre .

13.mandatu da Bleu azur u 14/05/2014 07:14
Un Francese di menu, bon viaghju.

14.mandatu da Fred Pantz u 14/05/2014 12:37
Tutti cume ellu !

GRAZIE PER TUTTU

15.mandatu da Lonzu Ribellu u 14/05/2014 21:20
sapete chè ?.... Mi ne futtu baulu mouhahahhaahaha ;-)

16.mandatu da J3fF2b u 14/05/2014 22:39
O fred hantz(i) awa si corsu fraté !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta