Accueil
Envoyer à un ami
Version imprimable
Partager

Happy end pè u bugettu di a CTC

Era u feuilleton di a settimana. Ghjovi era ghjornu di crisa maiò à a CTC : u bugettu ùn passava micca è pisava a minaccia di a demissione è d'un'elezzione nova. Ma venneri hè statu u ghjornu di miraculu di a pulitica corsa. À a fine di a ghjurnata, tuttu u mondu a via vintu.



Rammintemu appinuccia i fatti. Ghjovi era u ghjornu di u votu di u bugettu à l'assemblea di Corsica, chì ùn hà ch'è una magiurità relativa. L'elettori si sò prununziati, una magiurità nova s'hè stallata per dui anni. Perchè ùn lascialla micca travaglià ? Perchè semu in Corsica.

È ghjovi, u bugettu ùn passava micca u votu. Tutti i gruppi di l'opposizione minacciavanu di vutà contru : cummunisti, diritta, PRG è FN.
Happy end pè u bugettu di a CTC

U vechju fronte anti-naziunalistu di l'anni 80 era di ritornu. A twittusfera s'hè mubilizata :




U hasthag #pulitichella scalda nant'à Twitter.

In Aiacciu, si parla d'una demissione, è forse d'un'elezzione nova...



A situazione hè pessima. In casu di ricusu di u bugettu, tuccheria à u prefettu di fallu. Un'umiliazione per l'esecutivu naziunalistu, chì certi sarianu belli cuntenti di vede.

Ma certe volte, a pulitica corsa hè miraculosa. Dop'à longhe riunione à porte chjose, un accordu hè trovu. A diritta, a manca è u FN s'astenenu. U bugettu puderà passà. Solu i cummunisti votanu contru.


Tandu, tuttu u mondu si feliciteghja. Simu cum'è in un episodiu di Happy Days. Tuttu u mondu hà vintu.



I naziunalisti anu intesu u frombu di u ritornu di a CFR, chjamatu un tempu "cordon sanitaire" anti naziunalistu. Sola EDG twitta ch'ella ùn averia participatu à u blucchime :


Oghje tuttu u mondu si feliciteghja di u votu di u bugettu. Hè bastata pocu per ch'ellu ne sia altrimenti. Ma sta settimana ùn hè micca a pulitica chì hà vintu in Aiacciu.

Ch'averianu pensatu l'elettori in casu d'elezzione nova ?

u 16 d'Aprile 2016



1.mandatu da france u 17/04/2016 09:48
ridiculi..... avemu l'omi pulitichi che no meritemu.
dite di Canioni ma a dritta e a manca ùn so megliu
a dritta cerca d'esiste ma ùn serve a nunda
Giacobbi m'arreca u vomitu e Tatti ùn si vergogna di nunda

NULLISSIMES !!!!

2.mandatu da antonu u 17/04/2016 12:20
Sinonimu di Tatti : ridiculu

3.mandatu da flèche u 17/04/2016 22:02
bravo à i nostri presidenti naziunalisti belli intelligenti simpatichi è chì mettenu da cantu a so vita prufeziunale à u serviziu di a Corsica ciò chì certi manghja merda funziunariu di u Statu ùn sò capace di fà ma chì cercanu à dà lezziò quandu chì si ritrovanu sempre in goda à fà illusione...cunsigliu à sti Signori di a diritta : cuntentate vi d'esse belli pè u restu serà pè un'altra vita !!!

Novu cumentu :