Accueil
Envoyer à un ami
Version imprimable
Partager

Hè a bandera corsa a più grande di u mondu

Facenu sedeci anni chì in Conca hè festighjatu l'ottu dicembre. E in a muntagna appiccicheghjanu a bandera corsa a più grande di u mondu. Di chè fà scimisce à Estrosi è à Thiriez.



Hè a bandera corsa a più grande di u mondu
Hè tamanta, face 300 m², hè stinzata nant'à a Punta Calcina in Conca (si pò vede da a strada), hè schjarita di notte, è hè dunque a bandera corsa a più grande di u mondu.

Di chè dà u trimuleghju à Estrosi, Thiriez, è u publicu di l'Allianz Riviera di Nizza.

Hè l'associu A Punta di l'Ortu chì hà in qualchì modu inventatu st'operazione "una muntagna, una bandera".

Pè a festa di a nazione, duie bandere corse tamantone sò appiccicate in a muntagna : quella di a Punta Calcina dunque, è un'altra nant'à a Punta di l'Ortu, più chjuca (63 m² quantunque).


Hè a bandera corsa a più grande di u mondu

Si prepara l'altra bandera, più chjuca (63 m²), è a bandera storica cù i giganti marini è a curona :
Hè a bandera corsa a più grande di u mondu

Ma u prugramma di a festa di a nazione in Conca ùn si reduce micca à e bandere in a muntagna. Quist'annu e festività sò previste pè u sabbatu u 6 di dicembre.

Ci seranu canti è soni a sera, ma ancu una sfilata cù un "curteghju stòricu" cù I Naziunali ma ancu ghjente di parechji paesi (una quindecina !) è cunchesi. Omancu 150 persone in custumi appruntati à posta da i paisani sò aspettate !

Eccu l'affissu :

St'articulu hè statu traduttu nant'à u situ Ampargu a lingua corsa.

u 2ndu di Dicembre 2014



1.mandatu da capicursina u 02/12/2014 16:47
Deve esse una bella festa, ma hè appena luntanu...

2.mandatu da Ghjuvanluca u 03/12/2014 09:38
Viva à Nazione!
Bellissima festa ma appena luntana da Cagliari; Speru bè di collà un ghjornu.
Promessa

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta