Accueil
Envoyer à un ami
Version imprimable
Partager

Hè cambiatu ancu u futbol

30 anni dopu à a morte di Claude Papi, u Sporting hà fattu firmà un difensore ghaneanu chì ghjucava in Ukraina.



Hè cambiatu ancu u futbol
Samuel Inkoom, natu à u Ghana, hà ghjucatu in Sguizzera (FC Bâle) è in Ukraina (Dniepr Dniepropetrovsk) hà firmatu pè sei mesi à u Sporting, grazia à u so agente inglese. Si dice chì u novu nùmeru 2 di Bastia hè un bonu ghjucadore.

Dui anni fà, u SCB era falatu à u livellu amatore. Oghje, entre in u futbol business mundializatu.

Bon, hà un stile appena differente di Claude Papi, chì hè mortu trent'anni fà.

Ellu, ùn hà mai vulsutu parte di Corsica, malgradu e pruposte di parechji grandi clubs francesi è ancu una dumanda di u Cosmos di New York. Preferia stà in u so paese di Portivechju è andà à caccighjà.

Altri tempi, altri usi...


u 4 di Farraghju 2013
U Webmaestru



1.mandatu da henry smart u 05/02/2013 09:47
Ie , ghje per quessa lasciemu corre u ballo prufessiunale è custruimu una vera pulitica spurtiva !

2.mandatu da Niolu u 05/02/2013 09:57
Ci vole a fa ghjuca i giovanni corsi, tuttu mondu ghjuca a u football ind'è noi !

3.mandatu da Campagnolu u 05/02/2013 10:33
Quessu ci vole a calmà lu subbitu

4.mandatu da Calvoise u 05/02/2013 12:48
Ùn hè micca u futbol chi hè cambiatu.

5.mandatu da Libertà per i panzarotti u 05/02/2013 14:45
ùn hè micca per noi u ballo "mudernu", diceremu piuttostu oghjincu...

6.mandatu da ANTO u 05/02/2013 16:42
Ognunu vèdè mezziornu a a so porta .

7.mandatu da Corsi-k u 05/02/2013 19:27
@webmeastru :
Comu si dici "poujadisme" in corsu ?
Populismu?
Ci semi

8.mandatu da Antone u 05/02/2013 20:54
U pallò hà cambiatu, troppu soldi, u Qatar compra a coppa di u mondu è u PSG, i futbalori sò miliunarii è i supporters sò smicards...

Cuntinuvate di fidighjà stu sport di ladroni

9.mandatu da Mega Bastiacciu u 06/02/2013 12:40
À dì chì tandu si pudia siappà l'anche, imbaruffà si senza penseru, minaccià, si venia quì cù a paura è oghje ùn si pò mancu più lampà una bomba agricula, una buttiglia in capu è nasce un terramotu. Ùn hè più sportu, duv´è sò i veri valori... arrestu quì chì mi scappa u pentu.

10.mandatu da stumacatu u 06/02/2013 12:56
U capiscu micca cio ch'avette apressu à stu ghjucadoru che nimu in Corsica un deve cunosce : hè un rinforzu, e basta !

E po Bastia a SEMPRE avuttu stranieri e ancu neri !!

Chi saria statu Bastia senza D Dzajic, J Repp, I Pantelic, A Drobjnak, M Soumah, L Moravcik, D Ferreira, R Milla, PF Heidkamp, M Essien, M Novaes, M Kanian, F Mendy, J Zimako e tanti altri stranieri o neri che devu dementicà ?!!

Dimula franca, si Bastia o Aiacciu un devianu cuntà che sobra ghjucadori corsi...

11.mandatu da Antone u 06/02/2013 17:40
O stum, u prublema un hé micca ch'ellu sia stranieru... Quale ha dettu quessa ?!?

Hé piuttostu chi nanta e so fotto ha l'aria appena connu

12.mandatu da Corsi-k u 06/02/2013 23:46

@webmaestru :
Comu si dici "poujadisme" in corsu ?
Populismu?
Ci semi

(Cf. A Piazzetta d'arimani : Piccatu d'un avè buscatu qualchi fotò, in biancu e neru di qualchi maccareddu "corsu" (?), pà fà cunstratu. Comu l'eti sapiuta fà arisera cun gerbu e dilicatezza.)

A toccu à toccu ci emi da ghjunghja, ancu assai chi certi lettori un suvitani u versu.
Bonna sera

13.mandatu da u webmaestru u 07/02/2013 00:57
Ti ringraziu o Corsi-k,

eramu digià "bobos gauchistes mondialistes" pè certi,
un ghjornu semu stati catini chì difendenu i patroni è u gran capitale,
dopu ci anu dettu chè no eramu cunservatori è riazziunari di diritta,
ma ancu di grazia pocu dopu eramu catini di cumunisti,
ci anu dettu dinù chè no aviamu favurizatu à Hollande à l'ultime presidenziali,
è ancu chè no eramu stati troppu duri cù u centru.
avemu riesciutu à diventà amichi cun parechji eletti di diritta è di manca,
è di siguru certi naziunalisti anu dettu chè no eramu traditori di a Nazione.

avà, semu "poujadistes" è "populistes".

Alò, quessa ci mancava...

Ai siguramente ragiò d'ùn suvità u nostru versu, ma forse ci hè appena di paranoia dinù, nò ? Peccatu chè tù voglia spiecacci appena di più.

Ma ùn ti ne fà, un ghjornu, A Piazzetta dinù si pianterà.

14.mandatu da upennu u 12/02/2013 18:57

micca poujadisme ma razzisimu sottu intesu , avemu da ripiglià a lista di tutti i ghjocadori attuali o passati di u scb (e secb) ? cuntrastu faciule trà u simbulu d'un epoppea passata e u nerachjolu sbarcatu da l'avio .. articulu puzzicu tantu nant'à u fondu che nant'à a forma .
inno un vi fate micca passà per bobò (s'ellu l'hà scrittu unu hè chi un ci hà capitu nunda) , tutti l'articuli (o guasi) vanu nu u listessu sensu e pare bellu che smaritu u spiritu scherzosu di qualchi annu fà .

15.mandatu da Antò Fil u 18/02/2013 17:13
S'ellu hà ziffratu (o signatu ) speremu ch´ellu firmarà ind´u club è ch´ellu si tenga fermu

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta