Accueil
Envoyer à un ami
Version imprimable
Partager

Hè mortu u walkman

Sony vene d'annunzià ch'ellu piantava a fabricazione di u walkman, l'ogettu chì hà rivuluziunatu u 20esimu seculu.



Hè mortu u walkman
I menu di vint'anni ùn sanu mancu ch'ellu esistia è quantu hà rivuluziunatu u nostru campà in l'anni 80.

Era quantunque un tippettu stu walkman. A segonda rivuluzione fù stata quella di "l'auto-reverse", si passava da u latu A à u latu B senza caccià è rimette u scagninu.

Era u tempu di e cumpilazioni. Si passava ore sane à cupià è arresgistrà e so canzone preferite è erate tuttu cuntentu di a vostra ultima "compil" chì mischjava Populu Vivu, Compañero è Versu tè. Ci vulia à manipulà dischi "vinyle" è scagnini durante un tempu scemu.

Avà, hè tutta robba di mp3, d'iPod, di fisciè infurmàtichi, di playlist è di musica dematerrializata.

Dunque, tuttu u mondu si ne impippa, ma hè mortu Walkman, Sony chì l'hà detta. Era più forte ch'è Superman, Spiderman è Spectreman.

A so piazza hè à u museu di Bastia, ma peccatu digià apertu vene di brusgià.

Bon, in fatti face anni è anni chì ùn stavate più à sente st'anticu ogettu di u seculu passatu. D'altronde, l'ultima volta ch'è vo l'avete utilizatu, ùn sapete mancu più quand'ellu era.

A vera infurmazione hè chì in qualchì locu di stu mondu, ci sò ghjente chì ne sò sempre à ascultà a so musica nant'à walkman. È dunque à utilizà i vechji scagnini.

In qualchì locu di stu pianeta, ci n'hè chì campanu sempre à a prestoria.


Ùn vi pare micca una infurmazione quessa ?

u 26 d'Utrovi 2010
Plasticu Bertrand



1.mandatu da Sonii u 26/10/2010 08:49
Walkam ùn era un corsu famosu....??

2.mandatu da estrimei u 26/10/2010 09:54
Requiem aternam dona eis, Domine .
u peghju he ch'ellu he rimpiezzatu di rubbaccia chi he ancu peghju per a salute .

3.mandatu da ghjuvan'marcu u 26/10/2010 10:29
@ Plasticu Bertrand,
Innò, ùn sò micca d'accunsentu. Aghju fattu u giru di e sette chjappelle, in Africa e in Sur America, aghju vistu ghjente in certi lochi persi, deserti o fureste primarie, ascultendu MP3 ! E u mo walkman compru in 1980, è mortu in ...1980. Issa merda un viaghjava in casa ma mai in... viaghju. Poca rubaccia.

4.mandatu da ghjuvan'marcu u 26/10/2010 10:31
Scusate : Issa merda viaghjava in casa ma...

5.mandatu da anto u 26/10/2010 17:55
O walkman perchè si mortu è cipolle so n'ell'ortu ,cum'elle dice a canzunetta .E s'ell'hè mortu terra adossu !

6.mandatu da MP5 u 26/10/2010 20:32
morerà u populu corsu, po more ancu Walkman, n'ai pocu primura tu o Plasticu pè sti giappunesi trarichi...

Novu cumentu :