Accueil
Envoyer à un ami
Version imprimable
Partager

Hè natu l'innu di u GFCA



Cosa hè chì hè rossu è turchinu, chì hè ammazzatu in permanenza, è chì ùn more mai ?

U GFCA hà esciutu u so innu è si pò avà ascultà in linea. Si chjama "L’Eterna vultata", hè statu scrittu è cumpostu da Micheli Solinas.

Si pò stà à sente quì nant'à Sound Cloud è e parolle si ponu leghje quì.

Quelli chì cunnoscenu l'ambianza in i stadii ricunnisceranu chì a riturnella ripiglia un tube ch'elli cantanu i sustenidori ultras, chjamatu "Gam gam". Natu in e curve d'Italia, "Gam gam" hè à l'orìgine una canzona yiddish chì si pò sente in un filmu talianu (Jona che visse nella balena).

Hè diventatu dopu un successu in e discoteche in l'anni 90, cù un remix di Mauro Pilato.

L'aria hà girata l'Auropa sana, è avà n'esiste una versione corsa.

È perchè micca ? Femu puru a scumessa chì st'innu diventerà un tube di Mezavia.
Hè natu l'innu di u GFCA


l'8 di Ghjugnu 2014



1.mandatu da santu di corsica u 08/06/2014 21:26
bella!

2.mandatu da antone u 08/06/2014 22:35
GAM GAM hè una bella canzona ghjudea a l'origine :

E' un pezzu d'un testu ebraicu chi e maestre ebree deportate in li campi di concentrazione facianu cantà a i zitelli.

A traduzzione in talianu :

"Anche se andassi
nella valle oscura
non temerei nessun male,
perché Tu sei sempre con me

Perché Tu sei il mio bastone, il mio supporto,
Con Te io mi sento tranquillo."

3.mandatu da sardu u 09/06/2014 13:21
fantasticu! aghju sentitu quellu di bastia ma mi manca l' innu d' aghjacciu...un sò micca cume fà...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta