Accueil
Envoyer à un ami
Version imprimable
Partager

Hè natu u giurnale U Vagabondu

Sin'avà faciamu i macchi, A Piazzetta era "u solu" giurnale gràtisi in lingua corsa. Ci hè dinù U Vagabondu...



Hè natu u giurnale U Vagabondu
Ùn hè micca tutti i ghjorni ch'ellu nasce un giurnale in lingua corsa è ci vole à salutà l'iniziativa.

L'associu studientinu Ghjuventù Vagabonda hà lanciatu u soiu, si chjama U Vagabondu.

Hè un misincu, stampatu à 5000 esemplarii è hè datu di rigalu. A squadra chì si n'occupa sò tutti studienti è u scopu hè di prumove è difende a lingua è a cultura corsa.

U nùmeru 1 hè esciutu di dicembre, quellu di ghjennaghju vene da quì à pocu.

Allora felicitemuli è ch'ellu campi 100 anni U Vagabondu !

L'associu hà u so contu twitter è so pagina Facebook.

Tenite forte !

u 16 di Ghjenaghju 2011
U Webmaestru



1.mandatu da estrimei u 16/01/2011 20:07
s'elle he , sanu sanu , in lingua corsa , mi, primureghja assai .
si qualchissia a sà , ch'ellu ci dica cum'ellu ci'ole a fà per buscallu.

2.mandatu da MM. u 16/01/2011 20:23
Una campa ! Ch'ella duri 100 anni st'avvintura nova !!!

3.mandatu da U Palatinu u 16/01/2011 21:32
Eccu quì una bona nutizia ch'ùn pò ch'e ralegràcci ! Più i medii di spartera di a lingua esistenu, è megliu hè.
D'un altru latu, mi dumandu (è sta dumanda vi cuncerna dinù) cumu pò fà, un ghjurnale gratisu, per tene u colpu senza arruvinà quelli chì u facenu.
Nutizia interessante, in tutti i casi !

4.mandatu da RattaviaCeca u 17/01/2011 00:26 (da un teleffuninu)
u distribuiscenu appena dapertuttu! U meiu l'aghju trovu à u casinò di Corti... Un bellu travagliu ch'elli facenu quì ! Forza !

5.mandatu da strepsil u 17/01/2011 00:30
peccatu, in bastia ùn l'aghju trovu. felicitazione à i nostri studienti.

ma parlemu menu di lingua, PARLEMU LA !

6.mandatu da RattaviaCeca u 17/01/2011 00:34 (da un teleffuninu)
ha è per u Palatinu, cumu facenu per micca aruvinà si quelli di u Vagabondu ? Anu l'aiuti è ne facenu a publicità, ma sopr'à tuttu, urganizeghjanu serate, cuncorsi di carte o di mora, feste nustrale, ecc... Alora andate ci puru numerosi

7.mandatu da ghjiseppa u 17/01/2011 00:34
eiu l'aghju vistu in Bastia è in Aiacciu a e gare !!! chi piacè bravu e tenite fortu !

8.mandatu da estrimei u 17/01/2011 07:52
a dumanda di U Palatinu he assai gherbata.
u mio penseru he ch'elli un cerchinu "subventions" .
ch'elle ci sianu publicità , feste , e forse chjame a quelli chi so luntanu da Corti o chi un si volenu spiezzà, derrà piu forza a stu verde di sperenza.
ghjudtiddimu , o strepsil: "PARLEMU LA ! "

9.mandatu da topupinutuazezzu u 17/01/2011 12:36
ch'ellu campi 100 anni !!!

10.mandatu da anto u 17/01/2011 14:25
Bona furtuna, l'idéa hè bunissima e u cumpreraghju , so sicuru chi si po truva in Corti forse ancu a l'Oriente !

11.mandatu da Michè u fliccu u 17/01/2011 17:20
ghjè un vagabondu chi ha disignatu a cupertula ?

12.mandatu da rughjatore u 17/01/2011 17:46
O Antò, hè gratisi u misincu, è iè, è scrittu sanu sanu in Corsu

13.mandatu da orsucciu u 17/01/2011 17:47
O Antò, hè gratisi u misincu, è iè, hè scrittu sanu sanu in Corsu.

14.mandatu da francesca u 17/01/2011 19:10
Salute à tutti!
Facciu parte di l'associu Ghjuventù Vagabonda.
Prima vi ringraziu di u vostru sustegnu!
Dopu pè risponde appena à e vostre dumande pè chì u misincu sia gratisu femu serrate cum'ellu hè statu dettu è circhemu sopratuttu "sponsors" ind'è i cumerci è quelli chì ci volenu aiutà...
Eccu... Vi ringraziu torna una volta!

15.mandatu da Cugnome u 18/01/2011 00:35
Appena trista sta cuprendula... Ma Felicitazione a sti giovani !

16.mandatu da orsucciu u 29/01/2011 19:42
Hè surtitu U VAGAONDU numaru 2, da quì à pocu dispunevuli appena dapartuttu in Corsica (Aiacciu, Biguglia, Bastia, Gravona, Niolu, Corti, a piana, Bunifaziu forsi, dinò u Sartinesi...)

17.mandatu da Ghjuvanni u 09/12/2012 18:46
Ghjuvanni
Dicu à Francesca chì gratis vene da u latinu "gratis" avverbiu dunque invarievule.

Novu cumentu :