Accueil
Envoyer à un ami
Version imprimable
Partager

Hè sempre a SNCM chì vince à a fine

A CTC vole supprime l'aiutu suciale, chì prufitta à a Corsica Ferries. È quale hè chì hà da tuccà u jackpot ?



Hè sempre a SNCM chì vince à a fine
Gary Lineker avia dettu in l'anni 80 chì "u futbol hè u sport chì si ghjoca à 11 contr'à 11, è à a fine sò l'alemani chì vincenu".

Noi puderiamu dì chì in materia di trasporti, e suvvenzioni sò spulate è hè sempre a SNCM è a CGT di Marseglia chì vincenu à a fine.

A CTC vole supprime u dispusitivu di "l'aide sociale", chì prufitta à a Corsica Ferries per e ligne di Tulò è Nizza. Cunsequenza : u prezzu di u bigliettu custerà più caru è a pusizione di Corsica Ferries serà indèbbulita.

Quelli chì si ralegranu : a SNCM/Veolia chì si pusiziuneghja in situazione di monopolu nant'à e ligne trà Corsica è Francia.

À una cunferenza di stampa data in Marseglia da u direttore di a Corsica Ferries, i marinari CGT di a SNCM sò spuntati cù una... bandera francese (!) : " Vous ne respectez rien et nos emplois sont menacés de disparition " hà dettu u marinaru. Da vede u sugettu di France 3.

In quant'à ella, pudemu esse siguri chì a SNCM ùn rispetta micca l'interessi di a Corsica... Hè purtantu grazia à noi chì a cumpagnia cuntinuveghja à campà, mantenuta sott'à perfusione di suvvenzioni pè risultati catastròfichi.

Pocu tempu fà, ancu i sustenidori bastiacci si n'eranu pigliati à SNCM, unu di i più grossi sponsor di l'OM è ch'ùn dà mancu una meza baiocca à u Sporting...

Davant'à a minaccia, a Corsica Ferries hà lanciatu una petizione chì circuleghja bè nant'à Facebook. Ùn semu ch'è à u principiu di a partita...

Chì ferà a CTC ? Una volta di più, vulerà prutege l'interessi di a CGT Marsegliese, rinfurzendu a manumessa di Veolia nant'à a Corsica ?

Face purtantu una bella stonda ch'elli sò unepochi à tichjassi nant'à u spinu di a Corsica. Per chì risultati per noi altri ?

u 16 di Nuvembre 2010
u webmaestru



1.mandatu da Cursichella u 16/11/2010 00:22
O Coccò,

Marc Dufour ghjoca a carta di a Corsica : http://bit.ly/c135vR
Sara cusì pussibule ch'ellu un cunuscessi micca u sò cartularu ?
O altrimenti vi sbagliate... OM un hè micca "Olympique de Marseille" ma "Olimpica di Muru"... Avete verificatu à Muru s'ella tuccava suvvenzione di a SNCM ?

Per la Miseria ! Fate u vostru travagliu di giurnalista ! ;))

A prestu

G

2.mandatu da Cugnome u 16/11/2010 02:04
Dufour, ghjè quellu chi ha messu a paghjolu a so anziana sucetà, air littoral ? Un hé cusì?

Saria ora di falla finita cun sta sncm chi si carca cù i nostri soldi e chi prufita a l'economia marsegliese. BASTA a cumeria!

Ma bartoli e bucchini un ponu anda contra i so camaradi di a CGT......

3.mandatu da Le gars de la marine u 16/11/2010 07:31
Emu da vultà à a situazione di u 1976 sin'à u 2001...ma oghje a SNCM ùn hè più publica ma privata incù i capitalisti di Veolia...

4.mandatu da estrimei u 16/11/2010 07:45
quelli chi hanu participatu a l'emmissione di rcfm , merti scorsu , o chi l'hanu stata a sente , averanu amparatu - omancu nantu a un puntu - chi:
-a ctc distribuisce assai solli pe u maritimu.
-L'Auropa he disposta ha dà assai solli pe a lea maritima di i porti corsu versu l'astri di l'Auropa -Sardegna , Sicilia , Spania ..... -
-e cumpagnie maritime chi scumbattenu in Corsica -e ancu a cgt di i marinari di Marseglia - di a Corsica si ne impippanu , cum'elli dicenu in Bastia .
-i prezzi praticati da u portu di Marseglia pe u trasportu di a robba he vergugnosu.


per contu meiu, so sicuru una cumpagnia corsa , publica, diretta da un direttore generale chi renderia i conti , una volta l'annu , a un cunsigliu di direzzione - micca paggatu , e chi un dispone micca di piezze gratisi - cumpostu da eletti di a ctc
seria u piu bellu mezu di :
assicuracci l'impieghi .
pigliacci tutti i benefizii di i bisogni di a cumpagnia (manghjusca , panni per l'impieggati , prudutti di pulizia .... )
assicuracci un serviziu ghjuvevulle pe u nostru Paese .

he capita ch'ellu ci vuleria a paralla di i manghjoni chi s'infrugnanu in ogni locu!

5.mandatu da estrimei u 16/11/2010 07:48
scusate i mio sbaglii. s'ellu si puia currege dopu avè publicatu ci ne seria menu.

6.mandatu da GWM u 16/11/2010 09:32
a "cuntinuità" territuriale, vale à di, esse ligati strinti à a Francia, è nunda di più.

7.mandatu da FREYSSINET u 16/11/2010 10:36
Hè Vera O GWM, eo ùn darebbe nunda nè à a SNCM nè à a Corsica Ferries..

8.mandatu da Zeruffu u 16/11/2010 10:58
Hé quessu u cumunismu di Bucchini: serve a Veolia. A Corsica Ferries un mi piace tantu, e preferiscu a SNCM. Ma u fattu si sta chi l'ipocrisia di sgio Bucchini mi da u vomitu...
In piu di quessa, issu tipu un riprisenta nulla !

9.mandatu da SNCGT u 16/11/2010 15:49
saria ora di finisce cun stu cataplasmu chi ghje a SNCM, à u serviziu solamente di a CGT di i marsegliese, in più avà ghjè veolia !

SNCM BASTA !!!

guardate sti mullizzi cù a bandera frencese,tuttu hè detta !!!! L'INTERESSI DI A CORSICA = ZERU, tuttu per MARSEGLIAo Bucchini ci fatichi !!!!

a Corsica Ferries un sarà talmente megliu, ma almenu ci so i Corsi ind'a direzzione,u parsunale.....

10.mandatu da Berk u 16/11/2010 16:32
Mansa di closce di a cgt, dicenu difende i so impiechi, ma a nostra l'ecunumia si ne morre!!! E i nostri impositi ghjovanu a finanzà a elli

11.mandatu da imbecille u 16/11/2010 17:25
nanta a bakchich u direttore pinzuttu di l'ufficiu di i trasporti he attacatu pe altri pinzzutti chi credanu chi u direttore ( y carsalade) he corsu

e veru, ghjè una bella manghjaria, ma quellu chi manghja he un veru francese chi campa in parigi e vene ogni settimana in corsica (150 biglietti in tre anni e 150 notte d'hotel allora che t' ha una casa in pariggi !!!!)

abbastanza

moralita di a storia

se u direttore fussi statu corsi,tamante ecunumie!!!!

12.mandatu da boat people u 16/11/2010 18:29
Péghju che a CGT marseille(omancu elli difendenu i soi),u"nostru caru" STC marinari.
Per di veru che quelli mi danu u vomitu.

13.mandatu da Cernobilu u 16/11/2010 19:44
Mosconi, candidatu di u NPA di Besancenot
Mosconi chì difende à Veolia,
Duttore Gecchigliu o mister hyde??
Valia a pena di fà campagna contr'à Alfonsi tandu.

14.mandatu da U Rossu... u 16/11/2010 20:18
E senza batelli pè andà in francia, ùn stariamu megliu ?

15.mandatu da per ride u 16/11/2010 21:56
moralita di a storia

se u direttore fussi statu corsi,tamante ecunumie!!!! dettu da Imbecile (hè ellu chì a dice).
Pierre OLMETA hè corsu. È mi pare chì A PIAZZETTA u mintuveghja ind'a scruccunaria di i marcati sviati di u Cunsigliu Generale (2 milioni € par avà: soca si ne pò pagà viaghji e nuttate d'hotel).
Eiu ùn vogliu piglià a pratesa di nimu, ma dumandu à quelli chì a sanu: quantu sò i corsi nantu i battelli gialli? Quantu sò e so paghe?
Sapemu oghje chì l'aiutu dettu "suciale" era datu senza cuntrolu à a CF è à a MOBYLINE.
Quì dinò poca a manghjeria.
Ma a trova l'anu trova!

16.mandatu da appinzapalu u 17/11/2010 00:50
GMW ha raggio, ci vole à caccià a cuntinuità territuriale e basta

strappemu e catene cu a francia e basta !

17.mandatu da anto u 17/11/2010 08:18
A CGT ha bisignu di denari pè fa una grande statula a unu di i so militanti i piu arrabiati : J P ISRAEL, chi a fattu piu male a i Corsi chè Luiggi Piombu!

18.mandatu da imbecille u 17/11/2010 08:23
@per ride
bakcchich ha attacatu l'uficiu ma c'hera di piu un disegnu racista inclusu contra i corsi meschiendu l'attaca contra l'ufficiu e l'attaca contra i corsi manghjoni .eccu u problema.

infurtunatamentu u direttore di l'ufficiu he pinzuttu,socialista e rocardianu

in stu casu precisu l'attaca contra i corsi ha fiascatu (enrico porsia s'he sbagliatu)

puntu e basta
un vole micca di che tutti i corsi so senza tacca, ben intesu !!!!!

19.mandatu da Stuzzicabugnu u 17/11/2010 08:24
Forza piaci à Giacobbi, Bartoli è Bucchini di tichjà à Veolia è à dufour!
Eiu mi dispiaci assai di veda i ME solda andà à sta ghjenti è à l'OM
Aspettu u dibatitu à a CTC par cunnoscia u parè di i "naziunalisti "
Quantu à a SNCM ,pensu che qiddi chi a susteninu ùn ani mai viaghjatu annantu à i so batelli è ùn parlu micca di l'accolta di u so parsunali à bordu!

20.mandatu da Ghjuvan Paulu Palestina u 17/11/2010 09:45
Nunda à chì vede cù u sugettu, ma vulerebbe aghjustà ch'eo inculu u Beaujolais nouveau.




Bona ghjurnata à tutti.

21.mandatu da Ridìculu u 17/11/2010 18:55
A SNCM face travaglià ghjente qui è in marseglia, forse micca tutti corsi, mà ùn femu i difficiuli, basta chi ghjente (ancu pinzuti )pussinu stantà u so pane( Simu cusi noi altri corsi, simu di quelli chi spartenu) eppo naziunalisti seranu belli d'accunsentu...

22.mandatu da Diavulezza u 17/11/2010 20:04
U portu di marseglia hè tenutu dà i Corsi (u mezu è a cgt), ci avemu tutti interessi diretti

Ò indiretti, pè fà passà afffari (Arme è tipi in cavalla tandu, droga avà..) so ci perdiamu q

què sarebbi un disastru.

E quandu ùn c'era à "Continuité territoriale"... u mondu girava listessu ?

23.mandatu da muammar u 18/11/2010 10:51
Quandu sentu st'alpozzo di a cgt chi dice ch'elli difendenu à corsica é i corsi, mi ghjunghje a frebba...

24.mandatu da Ali gator u 18/11/2010 18:12
A corsica hè stata invintatta dà Diu pè aiutà u portu di "Marseille" ...averiamu dà esse unurati no ??

25.mandatu da topupinutuazzezu u 19/11/2010 15:15
ci hè da "piglia e da lacà" ma sempre di piu a piglia che in Cadinu-Matin...
http://www.bakchich.info/Avis-de-tempete-a-l-Office-des,12413.html

26.mandatu da ccm u 20/11/2010 21:40
Francesi cont'à noi corsi, vinceranu sempre..sempre !!!

Novu cumentu :