Accueil
Envoyer à un ami
Version imprimable
Partager

Hè u mumentu d'amparà l'ochju !

Hè a sera di Natale à mezanotte ch'ella s'ampara a preghera di l'ochju. Pensateci ! Si pò ancu falla per SMS.



Hè u mumentu d'amparà l'ochju !
Dumane Natale cantavanu I Muvrini. Ma Natale ùn hè micca solu a festa di i zitelli, di a tichjina di cicculate è di i rigali fatti à l'ultimu mumentu à l'addisperu.

In più d'una festa religiosa (vi ne site scurdati ?) hè dinù u solu mumentu di l'annata induve si pò trasmette a preghera pè caccià l'ochju.

Ramintemu chì l'ochju, in francese mauvais oeil hè una vechja cridenza, spapersa in tuttu u Mediterraniu chì hè trasmessa cun u "sguardu" d'una persona ghjelosa o invigliosa. Ma si pò ancu innuchjà à qualchissia senza vulella.

Per caccià l'ochju esistenu parechje manere è parechje preghere. A più cunnisciuta essendu quella cun l'oliu.

Per quelli chì ci credenu, a prigantula di l'ochju hè efficace. Per l'altri, lasciate corre.

S'è vo vulete amparà a preghera ùn vi ne scurdate... hè a vigilia di Natale ch'ella s'ampara ! Dopu serà troppu tardi è ci vulerà à aspettà un annu torna. Si pò amparalla per iscrittu (ma u lindumane ci vole à straccià a carta) è perchè micca per SMS.

È voi, ci cridite ?

u 24 di Dicembre 2010
u webmaestru



1.mandatu da estrimei u 24/12/2010 10:32
eu ci creu, e m'ha ghjuvatu parecchje volte.
aia amparatu e prigantulle , ma un c'he mezu ch'o mi n'arricordi.

2.mandatu da KÜG u 24/12/2010 11:35
E sta sera, biimu "à l'ochju "

3.mandatu da NICOLU u 24/12/2010 11:40
AMPAREMU L'OCCHIU MERLINU A PROMEO .....

4.mandatu da mamacorsica u 24/12/2010 12:50
ié che ci credu, chi po inviami u SMS, a me mamma...U SMS u né micca pussibuli.
U bagettu a tutti !

5.mandatu da Zeruffu u 24/12/2010 14:08
Maledizione nant'a Christophe Barbier, u Charles Maurras di u XXI seculu !

6.mandatu da estrimei u 24/12/2010 14:36
BON NATALE
A TUTTI QUELLI
CHI SI PRIMUREGHJANNU
DI A NOSTRA LINGUA

7.mandatu da ochju merlinu u 24/12/2010 14:44
Gilles Simeoni elettu persunalità di 2010 in 24 ORE... l'anu da annuchjà !

8.mandatu da faciaccia u 24/12/2010 15:31
simeoni ha quattru faccie al menu . u doppiu ghjoccu un li basta micca!!!

9.mandatu da Per ride u 24/12/2010 19:16
Gilles simeoni hè u nostru KIM JONG -UN.

I cureani anu stampatu nantu à i corsi pà fà a pulitica. I simeoni sò pà "u cambiamentu in la cuntinuità", ancu i minguli sò listessi senza parlà di i "certainement", "parfaitement","evidemment", tutte parolle chì finiscenu cù "ment".

10.mandatu da umbeh u 25/12/2010 01:30
è dalli à simeoni ! ùn avete che cun ellu à cacciavvila ? serà ellu u rispunsevule di tutti i danni di a corsica ?

o zitelli un pensate micca ch'ellu ci he peghju cume nemici che Angelini e Simeoni ? chi passione......

11.mandatu da anto u 25/12/2010 14:57
u solu occhjiu chi vale a pena hè l'occhju di u culu .Quandu averanu da finisce stè fole di fa l'occju e di caccialu !Poveri di noi !

12.mandatu da U spettatore u 26/12/2010 07:40
Quandu si caccia l'ochju, un si vede piu nunda.... Attenti!!

13.mandatu da Ghjuvan Micheli u 27/12/2010 09:05
Iiè ch'e ci credu postu u femi tutti in famiglia è ancu in paesi.
Ma a socu ch'in certi paesi altri, a prighera si pìo dinò amparà a sera di a san Ghjuvan Battista. Qualessi, ùn la mi ricordu più...
Boni festi à tutti.

14.mandatu da U Palatinu u 27/12/2010 16:20
Crede o ùn crede, ùn hè micca a questione.

Eiu, credu sopra tuttu à l'Anima Corsa è à a forza di a vulintà.
Iè chì l'ochju viaghju, s'e quellu o quella chì a praticheghjanu ci credenu.
In u casu cuntrariu, ùn sò ch'è parole.

Ma in tutti i casi, face parte di l'antica Anima Corsa, forse di l'epica precristiana, è ùn devimucine micca sminticàcci.

15.mandatu da Ghjuvan Micheli u 29/12/2010 19:11
Ani da spariscia i signadori quant'à i mazzeri... Forsi sarà ancu troppu tardi.

16.mandatu da Massimu u 25/12/2011 13:14
Ié aghju amparatu l'ochju, è dopu u mo ziu amerindianu m'hà amparatu u ballu di l'acqua.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta