Accueil
Envoyer à un ami
Version imprimable
Partager

I 12 cummandamenti di i sustenidori di u Sporting

Perchè chì u SCB hè u club di a Corsica è d'un populu sanu, perchè chì ancu s'ellu fala in National, seremu daretu à ellu... Eccu i dodeci cummandamenti chì ogni sustenitore turchinu si deve di rispettà.



I 12 cummandamenti di i sustenidori di u Sporting
1. Anti fair play, serai
E partite, sò fatte per esse vinte, pocu impreme u spetàculu. U fair-play è e fughjichje di Pierre de Coubertin, sò per i losers !

2. Criticà, ferai
U veru sustenidore di u Sporting truverà sempre à dì. Contr'à u scema tàtticu, contr'à l'intrenore, contr'à a maglia, contr'à u sandwich à a mi-temps, contr'à quelli chì cantanu, contr'à quelli chì stanu à pusà... Hè cusì, semu nati criticoni.

3. Sciappà tuttu, ferai
In spiazzamentu u tifosu turchinu hè cum'è un leone surtitu da a so gabbia. U piuttostu cum'è un gremlin's. Chì piacè di fassi rimercà, di fà u tazzu, di mette a panicca, è di pigliassi e ruchjittate di i flicchi...


I 12 cummandamenti di i sustenidori di u Sporting
4. Anti Nizza è anti OM, serai
U veru turchinu cunnosce a storia di u club è quella di a tifoseria bastiaccia. Più grandi nemichi : nizzardi è marsegliesi.

5. Per un scemu, passerai
Per cuntinuvà à sustene sta squadra quand'ella hè ultima di segonda divisione, ci vole à esse appena tontu. Ah ! Hè vera ch'ellu hè più faciule di sustene à Manchester, l'OM, u Barça o u Milan AC...

6. Contr'à l'arbitre, serai
Sustenidore, sai bè chì dapoi ch'ellu esiste u futbol, ci hè un cumplottu contr'à i club corsi. L'àrbitri, a FFF, Thiriez, i CRS, Broussard, i flicchi, a LFP, Sarkozy è Thierry Roland, tutti anu listessu scopu : mette fora u Sporting.

7. A squadra di francia, ùn sustenerai
Ogni disfatta di i bleus hè festighjata. L'eroi si chjamanu Kostadinov, Charisteas è Materrazzi. U 12 lugliu 98 ùn hà mai esistitu.
I 12 cummandamenti di i sustenidori di u Sporting

8. I macciacci, i t'abbuchjerai
Face una bella stonda chì u Sporting ùn sà più vince. A disfatta hà cunnosci bè. Ma à forza, ti sì abituatu...

9. I pattoni è i cazzotti, apprezierai
Un bellu tackle, una simpàtica cazzuttata nant'à u terrenu, un bellu pattone, eccu i gesti tènnichi chì sò appreziati in Furiani. I cuntrolli, i "une-deux", i "passements de jambes", ti n'impippi.

I 12 cummandamenti di i sustenidori di u Sporting

10. U fretu averai,
Sò anni è anni ch'è tù vai in Furiani è di pettu à u fretu siberianu l'ai pruvate tutte, trè paghji di calzette, cinque pulare, sei slips, duie sciarpe, quattru paghji di guanti l'unu sopr'à l'altru, dui calzunetti è un cache-oreilles è puru ùn ci la faci : ti siccherai sempre à Armand Cesari, u stadu custruitu nù u più grossu lucacciu di l'universu

I 12 cummandamenti di i sustenidori di u Sporting

11. À Magagnà, prurverai
u spetàculu hè spessu pèssimu, è di tutte e manere, in ballò ùn ci capisci tant'affari : sì cuntentu quandu Bastia marca è faci u musu tuttu u restu di u tempu. Allora t'annoii è ùn ti resta nunda d'altru ch'è di circà à magagnà i ghjucadori nemichi, ma ùn basta à vulè per truvà a magagna capace. È spessu, t'infanghi :
O Diabaté, tu as le diabète,
O Fournier, O Fourniret
O Meniri, tu es pas de Filitosa ?

12. In depressione, serai
In a panuplia d'ogni sustenidore di u Sporting : un bellu stock di lexomil...
I 12 cummandamenti di i sustenidori di u Sporting

u 29 di Lugliu 2010
u webmaestru



1.mandatu da ghjuvan'marcu u 29/07/2010 11:28
O webmaestru, cummandamentu 11: ai sminticatu "Tuez les tous, Dieuze reconnaîtra l'Essien ! ".

2.mandatu da Lione (di Furiani.).. u 29/07/2010 12:11
Naziunalistu è patriottu serai !!!

3.mandatu da ghuvan michele aulas assinu u 29/07/2010 14:52
n°13 francese parlerai
Si sente di menu in menu parlà corsu in furiani( in altrò dinù mi dicerete ma ùn hè u sughjettu di 'ss'articulu)

4.mandatu da anto u 29/07/2010 15:14
Per mè basta un solu cumandamentu :in casa ti nè sterai e in Furiani un c'anderai......perchè u ballo mi face .........

5.mandatu da per ride u 30/07/2010 11:36
Cummandamentu Nu 14: Avè odiu pà l'aiaccini, circarè ancu di struppialli (ghjucadori è sustenitori)

Nu 15: Piglià i soldi di u cumunu pà mantene a to squatra preferita

Nu 16: piglià ghjucadori (u più ch'ellu si pò) à u stranieru pà raprinsintà a Corsica

6.mandatu da Semula u 01/08/2010 14:01
Cummandamentu 17 : Di JoJo Petrignani ti ricurderai è averai u rispettu...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta