Accueil
Envoyer à un ami
Version imprimable
Partager

I 12 sbaglii di Mafiosa

Ùn vale a pena di fidighjà à Mafiosa, A Piazzetta l'hà fatta per voi. Eccu i dòdeci sbaglii i più tamanti di a seria di Canal +...



I 12 sbaglii di Mafiosa
N'avemu digià parlatu parechje volte, u prublema cun Mafiosa ùn hè micca quellu di i "clichés" nant'à a Corsica è ch'è no semu i sempiterni gattivi di l'umanità (tandu, ch'averianu da dì i Siciliani cù Il Padrino ?).

Nò, u prublema hè chì a seria hè pocu cunvincente. A capimaffiosa hè impalaficata (Hélène Fillières pare surtita da u campu di vacanze di a CNRO), i persunagi mancanu di finezza, u rìtimu hè losciu, ci annuiemu.

Peccatu, Canal hà i mezi di fà megliu è semu luntani da The Shield o 24 Heures. Allora si fideghja a seria per curiosità, "per vede e facce" di i figuranti è u ghjocu di l'attori corsi (certi si ne sortenu bè !), senza veramente interessacci à a storia.

Eppò pè e storie di gangsters, basta à leghje i cutitiani. A Brise de Mer, u Petit Bar, a cuccaina, e fucilate, e manghjerie... l'avemu tutti i ghjorni sott'à u nasu, nò ? A pudemu dì : ancu u vechju Derrick hè megliu ch'è Mafiosa.

Eccu i dodeci sbaglii i più grossi di a seria :

1. Ind'i caboulots, e zitelle sò pacchetti. Si vede chì i scenaristi ùn vanu mai à beiesi un colpu à u caboulot cum'è tuttu u mondu.

2. Sott'à u caffè u Pénalty, ci hè una sala di musculazione. Aiò... Avete a voglia di travaglià appena i vostri pecs voi à l'apperitivu voi ? Perchè micca una sala di squash sott'à u Corsica Bar è una bibliuteca à u Maracana ?

3. A droga passa pè battellu. Noi, sapemu chì in Corsica passa pè eliccòtteru.

4. Ùn si parla mai di u Cunsgliu Generale. Nisuna parolla nant'à l'omi pulitichi corsi (fora di i naziunalisti...) è ùn trafficheghjanu micca cù i preservativi. Stranu, sapemu bè chì certi pulitichi sò ASSAI vicini di u grande bandittisimu...

5. Ci hè una maffia in Corsica. Avà ! Quelli di u Petit Bar è a Brise de Mer ùn anu mai esistitu. Ancu Francis Mariani l'hà detta : « La brise de mer ? c'est de la pipette, un mythe ! Elle n'existe pas ».

6. E buatte di notte sò tenute da i maffiosi. N'importa chè ! In Corsica e buatte sò tenute da ghjente bè, onesti, rispettèvuli è gentlemen.

7. Si vedenu pocu i flicchi. Purtantu, trà a bac, i CRS, i gendarmi, i falsi flicchi è quelli in civile, ùn si trova ch'è di què. A pulizza gobba hè omnipresente !

8. I maffiosi volenu custruisce in bor'di mare. Hè l'idea maestra di a stagione 3 di "Mafioz". Sì battenu tutti pè bettunizà u liturale à colpi di prugetti è di casino. Rassicuratemi, ùn hè micca vera ?

9. U racket esiste. In Corsica i drugati, a maffia è u racket ùn esistenu micca. Ùn ci hè ch'è banditi d'onore simpatichi, bravi è umanisti.

10. Alain Orsoni hè di ritornu in pulitica. Anu ancu trovu u mezu di fà vultà u pòveru Alain Orsoni in pulitica. Jean-Michel Michelangeli chì ghjoca u naziunalistu Bonafedi (certi nomi !) hè veramente u sosie d'Alain Orsoni.

11. I flicchi sò bravi. In a seria, i flicchi sò guasi simpatichi. Micca manipulazioni, barbouzes, GPS, nunda nant'à i bravi zitelli di a DNAT, e bastunate in guardia à vista. Mancu una pruvucazione ! Pare un spot publicitariu pè a Pulizza Naziunale.

12. U fronte esiste sempre. Bah, face un pezzu chì i maffiosi anu pigliatu a suprana nant'à i clandestini in Corsica...

È voi ? Avete fidighjatu ? Chì n'avete pensatu ?

u 7 di Dicembre 2010
U Sgaiuffu



1.mandatu da Marboeuf u 07/12/2010 10:45
Ci vole da dilla franca, ciò chi ci stumaca u più ind'a serìa, ghjè chi ghjè stu metecu di Nader chi si stampa a Sandra !

2.mandatu da estrimei u 07/12/2010 10:51
eu paggu abbastanza pe avè a televisiò, basterà!
dunque a maffiosa nu u fieghju .
Ma nantu a fr3 c'he "plus belle la vie" chi he un ernese assai periculosu , chi vole impone un solu sguerdu , u soiu , nantu a sucetà .

3.mandatu da sanza nome u 07/12/2010 11:09
U "tintu" di F. mariani , avia dettu , quandu l'avucatu generale li dumandava di spiegassi nanta quelli di u locu chjamatu "la brise de mer" : , a risposta era " heureusement que le bar ne s'appelait pas les 3 petits cochons" !!!

4.mandatu da Vannina d'Ornano u 07/12/2010 12:26
13 / i corsi esistenu sempre ... mà à sente di mai nunda nant'à a classe pulitica di

corsica nè di dritta nè di manca..... ùn si face falà ch'à naziunalisti... serà ancu qui

prupanganda...??

Sti film ùn meritanu d'esse fighjati, e canal + hè una "scena" mundialista...!!

ch'elli brusginu tutti..!!

5.mandatu da anto u 07/12/2010 14:14
Un possu di nunda chi un feghju mai a télévisio !Ma u caboulot "u penalty" in fondu a u marcà u cunoscu ,e i soli musculi chi travaglianu ,so quelli di u bracciu quand'ellu si beiè un colpu ! Parenu folè !!!!!

6.mandatu da Cugnome u 07/12/2010 16:00
U palu pè quelli corsi chi anu ghjucatu in sta parudia di "plus belle la vie" !!!

7.mandatu da cazzinferru u 07/12/2010 17:42
Mal ghjucata e mal fatta sta mulizzeria ci face torna una bella publicita, u realisatore a vistu ghjustu postu chi millaie di tonti fideghjanu sta cunneria. Ma ci vole a ricunnosce chi ognunu a dirittu di fa cio ch'ellu vole cu i so soldi ,u veru stumacheghju he chi he scrittu in caratteru forte ( avec la contribution de la colectivité territoriale de Corse ) in fatti l'avemu pacatu ancu noi ,a ci simu fatti infica , torna una bella maffia quessa.

8.mandatu da estrimei u 08/12/2010 07:46
"in fatti l'avemu pacatu ancu noi ,a ci simu fatti infica , torna una bella maffia quessa. "
he ghjust' o cazzinfe' . e se tu sapessi i solli chi si ghjittati in " subventions " ! :
http://www.corse.fr/Liste-des-subventions-versees-aux-associations-en-2009_a2681.html

9.mandatu da PULENDAGHIU u 08/12/2010 11:37
per contu meiu,un fideghiu micca sa cuneria di "maffiosa".A sola volta quella mi hé gherbata di jidiulà, mé pigliata a voglia di cacà .E ancu megliu di battesi una sega,cusi magaru passa u tempu.......

10.mandatu da Pedanu u 08/12/2010 14:37
Canal + ùn hè pro-arabi è anti-Corsi ??

11.mandatu da corsu u 09/12/2010 15:02
a sapete cume i sardi chjamanu l'italiani : pulentaghii

un'he micca un scherzu

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta