Accueil
Envoyer à un ami
Version imprimable
Partager

I 30 scumpienti di a Corsica d'oghje

C’eranu i Sept péchés capitaux, les Dix plaies d’Égypte, les Douze salopards, les Trente millions d’amis… noi avemu i Trenta scumpienti di a Corsica.



I 30 scumpienti di a Corsica d'oghje
1. A terra corsa à vende : Hè vera, hè più faciule di vende u so terrenu ch'è di piantacci i pomi. Allora vindimu tuttu, custruimu lotissements, casali è bungalows. I Corsi sò entrati in una corsa frenètica à i soldi degna di i paesi di u terzu mondu. È u peghju, hè ch'elli ùn si rendenu mancu contu chì vendenu a so terra à i più ricchi, mettenu i so figlioli fora...

2. U clanisimu : A sapemu, i pistunati è e piazze date contr'à un votu esistenu dapoi Filitosa. Quelli chì facenu i muzzi pè l'omi pulitichi dinù. È voi ? Site liberi ?

3. A cunsumazione, u parè : U Corsu d'oghju ùn hè micca cunsumatore, hè hypercunsumatore. Mette un caleçon pull-in, hà listesse Ray-Ban ch’è Sarkozy, è parte in vacanze à Disneyland. U restu ùn hà più nisuna impurtanza. A Corsica hè dunque a regione a più povera, ma a più forte in cunsumazione (teleffuni, vestiti, grandes surfaces...). Ci hè un prublema, nò ? Basta d’avè u caddie pienu è d’esse à a moda. Et qui on est !

4. A maffia : Ùn v'inchietate, i nostri figlioli averanu u travagliu : feranu i muzzi in l'intraprese tenuti da i capimachja trafficoni di u turisimu è di i stabilimenti di notte. Eppò maffia in Corsica, ùn ci n'hè.

5. A droga : Vinti anni fà, u drugatu era un marginale, un malatu. Oghje, un cuccainumanu hè un tippu bè. Truvate ch'è no avemu fattu i prugressi ?

6. A tramandera chì ùn si face più : Sì a Corsica perde a so cultura è a so identità, ùn hè micca sempre colpa à “l’état français”. Noi dinù, ci avemu una parte di respunsabilità. Perchè a transmissione di a lingua, di a cultura, di i valori, di i canti... s'hè rotta ? Sì a Corsica s’assumiglia à n’importa qualessu dipartiementu francese senza anima, ùn ci vulerà micca à lagnassi.

7. U cumplessu d’esse corsu : Per certi, tuttu ciò chì vene di Corsica ùn vale nunda. Semu tutti incapaci, a nostra lingua un patois arcaicu, ùn avemu nè storia nè patrimoniu, quelli chì vanu à l'università di Corti sò capre. Infatti, meritemu di smarisce è di diventà « cum'è l'altri ». Hè ciò chì hè in traccia di passassi in stu paese, nò ?

8. I criticoni : Bon hè vera, criticà hè u sport numeru unu in Corsica, dapoi sempre. D’altronde, avete ancu u dirittu di criticà A Piazzetta, è ancu d’insultacci nant’à www.apiazzetta.com. Ma quantunque, sapemu dinù chì 99% di i criticoni sò ghjelosi. È chì ùn fendu nunda, almenu ùn serete micca criticatu...

9. A corsa à i soldi : Oghje, tuttu hè in prumuzione in Corsica. Ci vole à fà i soldi fendu n'importa chè. Immubiliare, sciarcutteria corsa di porci chinesi, casgiu corsu di latte sardu, case è terreni vinduti à n’importa quale, privatizazione di u liturale, piazze di parkings à 15 €, rubbaccia pè turisti... Si face di menu in menu qualità, è purtantu ùn ci hè mai statu tantu poveri. Saria tempu di scambià qualcosa nò ?

10. A telè : Secret Story, Cauet è i Feux de l’Amour. U veru corsu cunnosce tuttu di TF1.
I 30 scumpienti di a Corsica d'oghje

I 30 scumpienti di a Corsica d'oghje

I 30 scumpienti di a Corsica d'oghje

I 30 scumpienti di a Corsica d'oghje

I 30 scumpienti di a Corsica d'oghje

11. Eurodisney : U corsu d'oghje viaghjaᅠ: và in Disneyland. Ma ùn hè micca a curiosità d'andà in altrò, sò più simpàtichi Mickey è Pluto.

12. A mittumania : Circate di cuntà quantu mittomani cunniscite, ch'elli sianu mittunelli o grossi mittò, pretensiunuti o ambiziunuti. A mittumania hè a malatia di u seculu in Corsica è ùn hà ancu finitu d'arruvinà stu paese. Cumu si dice "imposteur" in corsuᅠ?

13. I dj : Cinquanta anni fà, i Corsi vulianu sia entre ind'e culunnie, sia entre in a pulizza. Digià ùn era micca terribule. Oghje, volenu fà sia DJ, sia Tony Montana. Micca sigura ch'ella sia megliu.

14. U fatalìsimu : Hè cusì... Chì voli fà... Baccalà per Corsica... Face 1000 anni ch'ellu si dice chì "Corsica non avrai mai bene" è cuntinuvemu à accettà tuttu ciò chì ci accade senza fà nunda. Bah...

15. Ponte Novu : 1769, u principiu di a fine, u principiu di i guai.
I 30 scumpienti di a Corsica d'oghje

16. U tuttu turisimu : Nunda di megliu pè arruvinà un paese ch’è di vulè sviluppà l’ecunumia di a Corsica unicamente nant’à u turisimu, cuncentratu nant’à 15 ghjorni d’estate. Pupulazione multiplicata pè 10 in certi lochi, appititti maffiosi, bettunizazione, idea ch’ellu basta à fà a stagione per campà...

17. A perdita di a memoria : È chì n'avemu da fà di e nostre ràdiche, di l'antichi, di a memoria, di i nostri lochi, di nostra storia... Sta sera ci hè « L'amour est dans le pré » è basta ch'ellu ci sia u Johnnie Walker nant’à u comptoir.

18. U cunfurmìsimu : “Manghja à gustu toiu, vestiti à gustu di l’altri...” dice u pruverbiu. Hè per quessa ch’è no avemu tutti listessi vestiti, listessi spechjetti di sole, listessu teleffunu ?

19. I supporters di l’OM : Hè talmente più faciule di sustene un club forte è riccu ch'è un club corsu poveru è chì strazieghja... Vede dinù “cumplessu d’esse Corsu”.

20. I karaokés : Iè, in 2011, ci sò sempre i stabilimenti chì organizeghjanu serate karaoké. “Femme” di Jean-Luc Lahaye è “Une autre histoire” di Gérard Blanc, ci vole à arrestà...

21. A ghjente chì ùn facenu più “l’appel de phares” : O zitè, ditela quand’elli ci sò i flicchi nant’à a strada...
I 30 scumpienti di a Corsica d'oghje

22. A passione di u goffu : Durante 10.000 anni, i Corsi anu sappiutu custruisce belli paesi è belle case integrati à u paisaghju. Oghje, à colpi di parkings, hangars, grandes surfaces è lotissements, a Corsica s’assumiglia à a Seine et Marne o à a Meurthe et Moselle. Cumu serà ch'è no semu cusì forti pè imbruttà u nostru paese ? Cumu ci ghjudicheranu e generazioni future ?

23. U mitu di u travagliu di dui mesi : Facciu a stagione, “je me gave” è dopu mi riposu. Nunda di megliu per diventà un populu di lonzi. Ma ùn diventeremu micca tutti ricchi cusì...

24. L’accentu francese : “Rodidon hé t’as mis où l’saucisson keurse ?” Nò, ùn hè più pussibule di sente què...

25. Facebook : Voi dinù, avete di più amichi nant’à Facebook ch’è in a vita ? Quantu tempu ci passate ? Avete pigliatu a pausa per a vostru ritrattu di prufilu ? Vi site digià pigliatu in fottò cù u vostru iPhone ? Megliu : avete u vostru book di mittomanu ? À parte quessa, nò, Big Brother ùn esiste micca. LOL.

26. I canterini di pizzeria : Ind’i tempi, cantà era una tradizione, un piacè, un mumentu di festa da sparte cù i so amichi. Oghje, si canta pè fà i soldi. “On se monte un groupe ?” S’ellu hè pè massacrà Catena è Compañero, hè forse megliu à stà in casa...

27. I nomi struppiati : J'monte à Piétra, j'vais à Alandaux dans le Boziaux puis à Vénacaux et à Farinol, avant de repartir à Erbalunga, à Cargèz et à Portitch. C'est beau la Keurse...

28. A distruzzione di a natura : A ricchezza di u nostru paese hè a so natura, per avà sempre appena priservata. Ma cù a frenesia di custruzzioni, quandu a Corsica s’assumiglierà à a Côte d’Azur, quand’ellu ùn ci firmerà più nunda, cumu feremu ?

29. U passatisimu : “C’était mieux avant, nanzu sì chì, ind’i tempi...” Bon, in fatti, micca sempre.

30. L’identità ridotta à... un gadget : Chì vole dì esse corsu oghje ? Purtà un ribellu in oru, mette un autocollant “souvent conquise jamais soumise” nant’à a vittura, mughjà “mort aux vaches” in burdata, appartene à un gruppu Facebook “je suis corse et j’en suis fier”... È dopu ?

30+1. A nurmalizazione : Pianu pianu, u populu corsu entre in u rangu, manghja, beie, cunsumeghja è fideghja a telè, cum’è tutti l’altri catini di stu mondu. Avete da vede, avemu da finisce u populu u più beauf di u mondu...
I 30 scumpienti di a Corsica d'oghje

I 30 scumpienti di a Corsica d'oghje

u 14 di Dicembre 2011
U Sgaiuffu



1.mandatu da Muntese u 14/12/2011 02:34
Un sogu micca fieru di st'articulu ma ghjè a verità. O figlioli a populu fattu bisognu a marchjà!!!!!

2.mandatu da U Palatinu u 14/12/2011 08:41
Tuttu và male, ind'è noi, ma hè spessu una faciulità di dì, di pinsà ch'e hè a colpa di l'altri, è micca a meia. Tutti l'altri sò culpevuli, ma micca eiu.
Hè tuttu u sindromu Kaltenbrunner, què.
È ùn hè manc'appena gloriosu per noi.

3.mandatu da U Palatinu u 14/12/2011 08:45
O Muntè, per ch'e u populu marchjessi, ci vole ch'ellu si discitessi.
È ùn mi pare micca per oghje, ne per dumane, disgraziamente.

4.mandatu da KüG u 14/12/2011 09:38
30+2: I Pinzuti

5.mandatu da Belzebuthu u 14/12/2011 10:35
30 + 3 : Émile Zuccarelli
30 + 4 : Jean Zuccarelli

6.mandatu da Alexferox u 14/12/2011 10:37
Mi scappavanu basi e lacrime (basi, aghju dettu !) leghjendu ste 30 verità...
Un vogliu micca ingrassà a famiglia di i fatalisti mà cumu si po fà ? I nostri ghjovani struiti un trovanu micca travagliu e cusi parte in fume dapoi ani e anni a generazione di "cervelli" e un ci fermà più chi 3 classe suciali : a liberale (turisimu, cumerciu = i più pudenti), i disgraziati suciali (i più numerosi) e qualchi funzziunarii (i più sottumessi à u clanu)...
E i nostri eletti, tutti tutti un n'hannu che Pariggi e a Francia in bocca.
Guardate l'Alsace un n'ha micca dumandatu l'avisu di u statu per strughje i so dipartimenti... E noi un n'avemu che pulitichi friduluti e sottumessi.
? Ci vuleria cunsulte per inventà una manera nustrale e muderna di "Pensà, campà e cunsumà corsu".

7.mandatu da U Palatinu u 14/12/2011 11:00
À u livellu o à un altru, ne simu tutti culpevuli. Hè troppu faciule di dì ch'ella hè a colpa di l'altri. Hè a nostra colpa cummuna.
Simu tutti infangati in a via di a faciulità di e nostre esistenza, faciulità chì si vede dinù in a nostra capacità à lagnàcci, dicendu sempre ch'e hè a colpa di l'altri è micca a nostra s'e tuttu và male.

Attenti à sta via, chì à u puntu u più stremu, pò cunduce à u "sindromu Kaltenbrunner"

L'articulu ch'o vengu di scrive nant'à u "sindromu Kaltenbrunner


8.mandatu da Patanok1905 u 14/12/2011 12:43
E i "franc-macs" da Angelini à Giacobbi, ùn sò micca un scumpientu ? Un si nè parla ?

Ma forse a pudemu ritruva in a "nurmalisazione" di u 30+1...

9.mandatu da Disgraziatisimu u 14/12/2011 17:13
À ruvina di à corsica so i corsi

10.mandatu da Indianwarrior u 14/12/2011 18:15
U peghju hé quantunque u clanisimu, a maio parte di l altri scumpienti so ghjustamente liati a l incumpetenza di i nostri eletti clanisti !!

11.mandatu da Claude E. u 14/12/2011 20:20
30+... e ben di esse "modere" e contra i gativi. un fatte micca u male ghje male

12.mandatu da Magnum u 14/12/2011 21:58 (da un teleffuninu)
30+5 JEAN MENCONI
30+6 NRJ CORSE
30+7 GENEVIÈVE MOINDROT

13.mandatu da BaronMariani u 14/12/2011 23:09
Tout le monde semble d'accord pour dire que la Corse est à vendre et qu'elle pourrait y laisser son âme. Je suis assez d'accord sur l'analyse hélas.

Pourtant je me dis que s'agissant de l'âme corse, elle est plus résistante que ne l'imaginent certains et qu'il est raisonnable de garder espoir.

Mais la Corse à vendre, ça oui, je l'observe.

Et comme les acheteurs d'ici sont pauvres...

L'affaire semble réglée :(

Sauf que si on crois qu'un avenir meilleur est possible, au lieu de vendre, on préfère alors louer. Reste à convaincre.

Pour ma part, vue de Corte, je me dis que la pression touristique pourrait ne pas peser que sur le littoral, qu'elle serait cette pression bien plus supportable, plus durable, si elle s'exercait partout, d'une façon mieux répartie.

La Corse n'est pas une longue plage, c'est aussi une montagne.

C'est pourquoi parfois en me levant, quand je vois la neige sur les sommets en face, je me dis qu'il serait bon pour tous qu'on puisse aller y skier en famille.

Mais je rêve, je fais l'enfant. et comme on nous prédit qu'avec le réchauffement climatique j'aurai bientôt les pieds dans l'eau...



14.mandatu da marbeuf u 15/12/2011 00:23
31 A musica sud-americana, 40 anni che ci vole a suppurtà sti scumpienti latino, à un puntu tale chi, i ghjovani dicerbellati d'oghje credenu che Companero, Ti stupu in facia o Carnaval sò musiche tradiziunale corse... Chi calamità...
32 Mérimée, sta closcia pathètica ci hà cacatu sturiacce puzzinose tremende, "Matteo Falcone" hè un' abuminazione, senza parlà di u schifosu "Colomba" chi farebbe passà "Mafiosa" è "L'enquête corse" per capi d'opara. C'hè da adisperassi...
33 U filmu "Scarface", fighjulendu què, tutte e nerpie si stizzanu u minchju sugnendu d'esse un ghjornu un vituperatu assasinu cucaïnumanu. In generale, i stronzi maravigliati da qué sò i primi a rompecci e stacche incù "A droga basta, stirpemu a rimigna" è altre cunnerie...

15.mandatu da Piatamò u 15/12/2011 03:36
Hè tardi è t aghju u sonnu ma un articulu cusì vi dà una scuzulata pà qualchì minuti... Mi dumandu dapò qualchì sittimani se ùn ci sbagliemu micca in tuttu è se issu genaru d articulu com'è tuttu ciò chì si senti dapò u riacquistu ùn sariani ch'è cunnarii à li fini. Avemu discorsi cunvinti chì una cultura si devi sempri mantena , ùn scambià Che pocu à pocu, chì i 99% di l aghjenti devini campà ind'eddi nascini in sinu à a so morti, chì l issezza di l omu si trova in i tiurii filusofichi, u bè ,u ghjustu , u sputicu, u sinatu... Ma u mondu ùn hà mai avanzatu cusì più di centu anni à a fila in auropa è più và è più pensu ch edda ci hà da tuccà ad avvargugnà ci d avè dapò 40 anni tratattu i nosci anziani chì ani intagratu a francisazioni di vigliacchi nucenti è zucchi. Pari ividenti oghji di ricusà à perdita di l anziana cultura corsa di u seculu 19 ma ci sbagliemu. A vita cambià oghji in u mondu sanu più lestra che mai. Ancu i populi persi in i furesti mandani i ziteddi à à scola. Vituperii ci n hè à i quattru capi di a pianeta allora basta incù issu riflessu di u culunizatu rimitendu sempri in causa l estru corsu à ogni cosa torta. À ogni ebbica c hè affari à middurà è à lacà è basta. Ùn voddu micca lacà pinsà chì dunqua ùn ci saria nudda à dì. Si prova sempri di rifletta ma mori di cosi ditti quì è in altrò dapò un pezzu sò discorsi cunfurtevuli d' uccidintali fiddoli è eredi di una suprananza icunomica chì ci hà cacciatu di i bisogni primi di l omu. sta suprananza se ùn seti ancu à capiscià la hè par compia si è a miseria a più nera che mai c'aspetta. U nosciu mudellu di sucità , basatu à nantu à u sfruttà è l arrubeghju dì i populi ditti "sottisviluppati" par circà dì campà un sonniu fattu d asgiu mentri chì i ziteddi travaddani à 3 anni è chì si mori frustu à 40 anni in parechji paesi, ci hà da vultà in coddu. Tandu tuttu sta critica par un sì o par un nò sarà bedda vana quandu ci hà da vulè à caccià si a fami. Semu intesi chì mori d affari ùn vani micca ind'è no ma a noscia intrata in à mundialisazioni da po 50 anni ci dà d altri basi par avanzà ma
se " l idintità corsa" si ni va à malavia ùn hè Che colpa à quiddi chì a volini creda più unta è fina Che un antra è chì si lagnani dì a situazioni trova inveci d impignâ si in u mondu à vena dì manera cuscienti, svighjata è aparta.

16.mandatu da ANTO u 15/12/2011 07:48
Hè stata detta "u peghju nimicu di a Corsica hè u corsu !".Senza parlà di a pulitichella e di u clanismu duvè parecchji trovanu a manghjà.Un c'hè che di vède u mumeru di sumeroni e di stercaghjoni chi si trovanu a u cunsigliu générale o a l'assembléa di corsica pè capisce chi ssu paèse ha véramente presu a falata !

17.mandatu da Casanis u 15/12/2011 14:12
eccu a realità di a Corsica d'oghje, micca quella mitificata di "tempi fà", di "ind'è noi ùn si passa micca cusi", "in Corsica simu i piu forti"..... un cornu si !

st'articulu he tristu, ma ci vole a esse cuscente di sta realità per puddè scambiala

a ghjente ùn pensa piu ché di manera individuale, un pensa piu ché a u so piacè persunale, à cumprà, à cunsummà.... so finiti i sognii di scambiamenti cullettivi, di "bien commun", di populu.....

ma in u listessu tempu si trova assai ghjente stumagata da tuttu quessa, ci so sempre assai ghjente sincera, passiunata, disinteressata.... ma ognunu hé in u so scornu

ALLORA MUVIMUCI !

18.mandatu da pruverbiu u 15/12/2011 16:23
he megliu a cumpra male ch ' a venda be

19.mandatu da Ulongu u 15/12/2011 19:23
31. I vechji in C15 chì viaghjanu à 30 à l'ora.
32. U fattu chì in 2020 ùn ci serà più pastori.
33. I funziunarii pinzuti.
34. I funziunarii corsi.

20.mandatu da Pseudo-connu u 15/12/2011 21:59
I giovani di l'UDF
I vechji di l'UMP
L'emissione di cucina di RCFM
U Quick
Alain Orsoni
Quelli chi vedenu Alain Orsoni in ogni malfatta di stu paese

21.mandatu da J G u 16/12/2011 08:12
-------------- Invece di contà i scumpienti contemu piutosto e nostre pussibilità
1 se tu si sottu a padrone guarda ch'ellu sia corsu ( micca cusi faciule )
2 se tu vendi a to terra vendila prima a un corsu ( micca cusi faciule )
3 se tu hai da comprà compra di preferenza corsu (micca cusi faciule )
4 se tu hai da impiegà , impiega prima un corsu ( micca cusi faciule )
5 se tu ti voli marità , maritati c un corsu ( micca cusi faciule )
6 se tu hai da tombà tomba piutostu un corsu ( quessa e faciule )
-----------------A seguità a un'altra volta

22.mandatu da mattu u 16/12/2011 14:33
O Piatamò, si bellu è bravu ma un ci vole micca à fà passà quelli chi s'interrugheghjanu nantu a l'evuluzione di a sucetà corsa per vechji macucchi azezi e arcaichi

criticà a realità di a corsica d'oghje un vole dì vulè vultà in a Corsica di "tempi fà" è di missiavu

allora, per via di quessa ci vuleria à accettà tuttu cio chi si passa in giru à noi ? di siguru ch'ellu ci vole a esse ottimistu, ch'ellu ci vole à fà invece di criticà sempre....

ma ci vole à esse cuscente che no campemu in un epica di mediucrità ideologica, culturale, suciale..... u mutore di tuttu cio chi si passa oghje in u mondu (micca solu in Corsica ma in u mondu sanu) hè u soldu, u prufittu, a corsa à u benestà persunale, a cunsumazione, u parè......

si l'identità corsa si ne và à caternu (o piuttostu s'ella "evuluveghja") hè colpa dinù à a mundializazione, à u capitalismu è a ricerca di u prufittu a tutti i patti. un vale a pena d'accusà sempre "l'état français colonial" (a so parte di respunsabilità anch'ellu), un vale a pena d'accusà sempre i Corsi (basta l'autoflagellation chi ci piace tantu), ma pochi parlanu di u pesu maiò di a cunneria di sucetà di cunsumazione chi arruvineghja l'identità e e culture da per tuttu ind'u mondu. micca solu inde noi;

23.mandatu da J G u 17/12/2011 07:36
1 -- A terra a vende
Dimula franca , s"elli un sö l'arabi chi zappanu per un SMiG a altrissia un si trova !
E pö a terra un si pö vende che a quelli chi ponu comprà , Se vo a date in affitu per che vo un'a puidi travaglia a di per voi , dopu pe ripigliala ci vole che vo varghete a u tribunale , he tutta una mentalità a rivede per un avé prublemi ? suvente e cose sö chjare ma incu a cattiva fede diventanu torbie .

24.mandatu da J G u 17/12/2011 08:09
2--U clanisimu --e voi site liberu ?
Quale hé chi he liberu ? l'impiegatu ha bisognu d'un patrone , un patrone a bisonu d'impiegati , i cumercenti hanu bisognu di clienti e i clienti hanu bisognu di i cumercenti, a ghjente a bisonu d'accasassi i proprietarii hanu bisognu d'affità e so case , l'omu ha bisonu di l'animale e l'animale a bisognu di l'omu , u nostru destinu hé di campà inseme ......
A libertà d'ognunu finisce indu'ella cumencia quella di l'altru
Aghjudemuci invece d'esse ghjelosi di tuttu

25.mandatu da J G u 17/12/2011 08:36
3-- A cunsumazione , u parè
Quelli chi hanu i solli in veru un hanu bisognu di pare chi sö
Quelli chi sö sensati avé i solli ma chi un hanu micca abastanza pe tene u sö rangu si indebidegnanu pe mostràssi a l'altura ; compranu i so panni sopra misura a creditu e doppu u poveru cummercente ci vole ch'ellu li corri appressu per ave" a pezzi e a bucconi i so solli ,Quelli chi tiranu u diavule pe a coda so appressu a u menu caru e a me parte di u tempu compranu zenza avé bisognu per ritrovassi dopu cun dui pedi in un listessu scarpu

U paré " c'est de la scèmité pure et simple "( scemité = un hé ancu entratu in u diziunariu )

26.mandatu da paesani u 17/12/2011 16:50
andette a nantu u situ di corse matin e dumandete se si po scrive in corsu postu ch'a l'assemblea tuttu u mondu he per a lingua corsa .per avali un si po scrive in corsu a nanta corse matin inde i post it dopu l'articuli

27.mandatu da U Palatinu u 17/12/2011 17:01
Bonghjornu o Paesanu.
Hè vera cio ch'e dite. Cunoscu assai stu situ, è hè vera ch'e stu custatu m'addispera.
Site u stessu "Paesani" ch'e quallà ?

28.mandatu da moderato ma non troppo u 18/12/2011 04:00
à i puri è duri :
cumu spiegate chi i molli vutessinu contru à u bugettu di giacobbi e chi l'indipendentisiti vutessinu abstention????? poveri à noi.... chjachjare, chjachjare è arrangiamenti in sottu....

29.mandatu da J G u 18/12/2011 10:33
4 e 5 -- A mafia e a droga
A tutti quelli qui sô for di strada chi volenu fà a so legge , chi tombanu pe i solli o pe i so interessi particulari
A quelli chi vendenu a droga , a tutti quelli chi hanu u spirdu tortu , a gattivera adossu :
--------------Chi natale per magia
--------------A ognunu oghje dia
--------------A pace e l'armunia
--------------Una cuscenza e un core
--------------E una cria d'amore

30.mandatu da J G u 19/12/2011 08:38
6-A tramandera un si face più ?
quessa si pudia di fin'a l'annate sessanta , ma dipoi u riaquistu i corsi si sô ripigliati

7- u cumplessu d'esse corsu , pianu pianu si ne và , ancu si secondu l'attualità qualchi volta un c'hé micca da vantassi d'esse corsu .

8 - i criticoni ; a critica disceda i sonnuloni !

9- i solli ;
hé u sollu su vagabondu chi guasta u mondu !
O Petru Pà , o Petru Pà , zenza solli un si pô stà
Hé u sollu su vagabondu chi guasta u mondu
Tu chi a sai o Petru Pà , dimi cio ch'ellu c'iole a fà !

10- A télé : ci vole a campà cu i so tempi !
scrvite a babbu Natale ch'ellu vi ne porti una se vo un avite ancu !

11 - sô vecchjia e un sô mai andata a Disneyland
ferraghju una crestula pe pui andacci !

31.mandatu da U Palatinu u 19/12/2011 12:03
Cuncernendu Eurodisney, perseguitu à ùn capì.
Quandu era chjucu, sò statu meravigliatu da Fantasia è ancu avà, cunsidercu ch'ellu hè una maraviglia (sopra tuttu per l'epica), ma u parcu di Disneyland, ùn capiscu micca l'intaressu.
Spergu ch'e mi scusarete.

32.mandatu da U turchinu u 19/12/2011 12:59
Povera Corsica...

33.mandatu da J G u 20/12/2011 05:21
Quand'é vo scrivite i corsi cusi , i corsi culà , fate esatamente cume i razzisti anti corsi .Un hé micca una manata di maladi chi sô i riprisententi di i corsi .
Quessi si credenu superiori a l'altri pensanu chi elli soli hanu a raggiô , sô predenziunuti , vantadori , ma un riprisentanu micca a Corsica ne i Corsi .un sô ne eleti ne accetati da a magiorità dunque malgradu tuttu u rumore e é malfatte ch'elli facenu per mantenesi d'attualità un riprisentanu che a elli e qualchi fanaticu chi crede chi cu un fugile accollu, una pistola in stacca si pô direge un populu .

A LOTTA PATRIOTTA SI MA U FANATISIMU NÖ

chi Natale per magia
Ancu a elli oghje dia
A page e l'armunia
una cuscenza e un core
e una cria d'amore

34.mandatu da Piatamò u 21/12/2011 22:12
O mattu ti ringraziu pà u intaressu che t ha purtatu à à me raghjunata. Socu d accunsentu incù tecu è ghjustapuntu ùn vecu micca parchì parlà sempri di l omu corsu inveci di parlà di l omu simpliciamenti; è Ùn crergu micca chì prima fussi statu meddu ch'è oghji. À cultura francesi chì s hè imposta ind'è no ùn hè rispunsevuli di i vituperii d oghji ancu s edda hà presu troppu piazza è chì ci tocca à fà vultà à cultura corsa à u primu pianu. Pà finiscia trovu chì à manera dì prisintà u prublemu incù issa specia di nustalgia di a sucità paradisu di nanzi francia hè stupida falza è pocu ghjuvativa pà l avvena.

35.mandatu da michinaghjafà u 25/12/2011 10:03
Leghjendu i mo testò aghju una mansa di "joyeux Noel" è i "bon Natale" sò belli pochi.
O testò, parlami corsu !

36.mandatu da J G u 02/01/2012 05:27
Per l''annu novu chi a rimpiezzatu
l'anu vecchju chi si ne hé andatu
VI pregu salute e curagiu
Travagliu onestu a voluntà
Di che beglie e di che manghjà
Amicizia e sincerità
ma sopratuttu a pace
Chi senza ella nunda si face
A pace di u core
a spertera cun amore
campà e lascia campà
e assai benistà

Novu cumentu :