Accueil
Envoyer à un ami
Version imprimable
Partager

I Capicursini dumandanu l'indipendenza!

U FCCL ùn hè micca u Football Club Corti Liverpool. Nò, hè u Fronte per u Capicorsu Liberu. Hà rivendicatu sta notte l'attentatu à a timpesta contru à u portu è u tunnellu di Bastia. L'ultima azzione hà dannighjatu a strada à u livellu di Siscu.



I Capicursini dumandanu l'indipendenza!
Azezu per via di u tempurale, Ange Santini hà dichjaratu subitu : "s'elli volenu l'indipendenza, ch'elli a piglinu!". Hè vera chì st'ultimi tempi, cresce a zerga di i Corsi contr'à i "lucchisoli capicursini".

U prublema hè ch'ellu costa caru u Capicorsu à a cummunità isulana. Prublemi di cunnessione elettrica, micca cunnessione Internet, prublemi di strade, prublemi di cummunicazione radiofonica è via culturale... S'omu mette d'accantu i Susini è l'Albertini, u puttachju dice ch'elli serianu più di ceppu tuscanu, pinzutu, purtughese o arabu chè niulincu...

Ancu a so squadra di ballò, a Squadraccia Capicursina si face rimarcà nant'à tutti i terreni di Corsica. À chì zappa u terrenu, à chì face u maccu è ùn corre micca, à chì face a scimia à ghjucà cù e mani. Quill'altru trova a scusa di u ballò per inturcà si in ogni paese... Un antru si piglia per un cane à a battuta... U più ch'elli si facenu rimarcà hè per l'azzuffi è e cazzuttate. Avvezzi à e scunfitte, a terza mi-temps, a facenu nanzu à u macciu... Per un antru annu, i dirigenti di u club, pensanu avà à creà un Panzarottu Boxing Club...

In quantu à u FCCL, si dice prontu à fà azzione al di là di e fruntiere storiche di u Capicorsu. Dumanda a creazione d'una leia marittima à bon pattu trà u Capicorsu è u cuntinente corsu. Rivendicheghja dinù a pussessione di a cità di Bastia, incù u tunnellu è a citadella. Cum'è in Ghjerusaleme, Bastia s'appronta à campà a so prima intifada...

u 6 di Ghjenaghju 2009
U Generale Ghjacumusone



1.mandatu da Seneca u 06/01/2009 06:43
E quale simu ?!
E rifletite bè a l'etimulugia di a parola "Capicorsu"... (capimachja, capi d'opara, etc.), allora, avà, sè un'avete ancu capitu induve ell'hè a putenza...

2.mandatu da senesega u 06/01/2009 08:48
capimozzu
capispazzinu
capicloscia
capicatinu
capistronzu... eccetera...

hè vera ! rimarca ghjudicosa o Seneca

3.mandatu da Piratella u 06/01/2009 11:54

Eppo i Capicursini sò stati i più grandi navigatori è pirati di u mondu, a sapete chì ci eranu i Capicursini cù Cristofanu Culombu à scopre u Mondu Novu!

Senza u Capicorsu, a Corsica hè...scapata! Ci vole à fà tuttu per impedisce a secessione, aiò, à tutti patti!! O Santini, lampalli i millioni, u Capicorsu i vale bè, nò?


4.mandatu da Urelianu u 06/01/2009 11:59
AHAH!!!! Indipendenza per i Capicursini!!! :-P

5.mandatu da Giraglia u 06/01/2009 12:07
CAPICORSU ZONA LIBERA!!!

6.mandatu da anto u 06/01/2009 14:01
tantu megliu, i capicursini sò tutti ranciconi !

indipendenza di u Capicorsu per rilancià l'ecunumia di a Corsica !

7.mandatu da circinelludiguagnenativupeliguagnesusosanguaversatu u 06/01/2009 15:55
iè...! Abbandunemu puru 'ssu i[boulet chì ci costa tantu caru ! Quandu 'ssi semi maffieux ùn avaranu più i nostri soldi, pienghjaranu pà vultà ind'u nostru giron !!! Tutti l'avantaggi ch'elli hanu saranu persi cù a so indipindenza di merda ! Cherenu a so indipindenza ? Ch'elli a pilganu ! A nostra Corsica si sentarà megliu senza sta manza di maffiosi, scrucconi è fainéants !
Ci sogu passatu una volta, in ssu rughjonu... Iscia! Mi si parìa d'essa vultatu 200 anni in daretu: u patrò di u bar pizzaria, cappillutu è barbutu ùn parlava ch'è di ballò è di culu è s'era stallatu pettu à a giandarmaria pà prufittà megliu di les avantages de la fonction publique senza l'incunvenienti ! S'avia trasfurmatu a nostra Santa Bandera in un logò ridìculu pà fà rida i turisti è cusì piglià i so soldi ! Puuuuù ! A sapeti, 'ssa ghjenti quì ...! Megliu luntanu, mi !

8.mandatu da seneca u 06/01/2009 19:09
Caru senesega, mi si pare di sente, in lu to pertinente postu, u prufume di sta patetica "ghjelosia muntagnola" che noi patemu spessu ind'u nostru magnificu rughjone... Mà, simu magnanimi è clementi, è t'aspettemu a bracci'apperti per fatti scopre lu mare...
;-D

9.mandatu da U patrò di u bar pizzeria, cappillutu è barbutu u 06/01/2009 23:00
Ti sbagli o circinellu, mi so messu davant'a giandarmeria per difendela !
Ci vole a fa casu, so cumpletamente martelati 'ssi luresi ...
:)

10.mandatu da capcorsins, la corse aimez-la ou quittez-la u 07/01/2009 12:12
sarebbe ora chi a Corsica si sbarazzi di sti topi di capicursini. tutti manghjoni, stercaghji, trafficanti, suldaghji è minuti ch'ùn raportanu nunda à l'ecunumia di l'isula.

anu sempre trafficatu cun l'occupante : cummerciu cù i genuvesi, cù i francesi. si dice chi à l'epica di pasquale paoli, so millaie di capicursini à essesi lampati in mare di disgrazia perchè eranu partigiani pro-francesi.

basta cù u capicorsu, u veru cancaru di a corsica!

11.mandatu da Seneca u 07/01/2009 20:50
Chi vulete fà ?
Certi eranu fattu per girà u mondu è fà furtuna, nudendu ind'u champagne, vulendu annant'a nulli d'opium, svegliendusi incu e piu belle donne di a pianetta annant'a letti di dollars...
E d'altri eranu fattu per corre apress'a capre per ste muntagnacce cutrate, pilone a collu, incu unica cultura quachi ghjam'e risopondi pecurini...
Ghjè inghjustu, mà ghjè a Corsica...
A voi ! :-D

12.mandatu da Capicorsu in lotta u 07/02/2009 16:50
Sì, a vulemu l'indipendenza di u Capicorsu, ma tagliate più in ghjò: u megliu sarebbe di lacà Bastia à a Corsica (ci vole à ragiunà nant'à issu prublema : hè di primura), ma allora, ind'u Capicorsu, mettiteci e Casevechje, Astima, a Guaitella, l'Alzetu, è tutta a Pieve di Lota. Cusì i nossi eletti ùn ci rumperanu più e stacche cù e strade è micca e strade, è una bettunizazione di a terra capicursina chì vole trapassà quella di Portivechju in schifizzu.
Evviva u Capicorsu libaru!!!!

13.mandatu da mazzulettu u 11/05/2009 21:45
evviva u bar des îles in Macinaghju!!!!!

14.mandatu da Jerome P di Luri u 15/06/2009 11:13
O grossi coni che site, eiu so Capicursinu, so di Luri.
Cio che e scrittu sopra mi facce ride...
L'articulu di "U generale" e veremente scrittu be, mi so campatu ogni seconda ... ma quandu vecu l'animuzità di a ghjente quì, mi dumandu s'elli hanu pigliatu què cume a verità !... un a so micca perche qui si dice qui simu rancichi... po esse perche rima .. e u peghju e quandu sentu chi custemu caru e chi ci so troppi sbanditi qui! ... un ci he nunda in capicorsu, strade rote chi partenu in l'acqua, micca di reseau per u portable, micca l'ADSL, dunque, forse nunda a piglia...e micca tutti i mafiosi cume in cità....
alora dite cio che vulete, ma lasciate tranquile a nostra pieve...

15.mandatu da Piratella u 15/06/2009 19:39

Aiò, cumu ci puderiamu passà di u Capicorsu? A Corsica seria "scapata"! lol


16.mandatu da bertu u 13/07/2009 10:51
Capicorsu terra meravigliosa!
Bertu (Genova - Zena)

17.mandatu da Jerome P di Luri u 15/01/2010 22:35
A salute ! fussi la puru ! ma per andà a sorte in Bastia cumu em'a fà ?? mdr

Novu cumentu :