Accueil
Envoyer à un ami
Version imprimable
Partager

I Chinesi pè l'indipendenza di a Corsica !

Antone Aiello hè un malignone. Hà capitu nanz'à tutti ch'ellu ci vole à mettesi bè cù i Chinesi. Cù sta storia di boycott di i ghjochi olìmpichi in sulidarità cù u Tibet, numerosi sò i Chinesi à dumandà in rapresaglia l'indipendenza di a Corsica...



Semu bè piazzati pè sapè chì à i francesi li piace à dà lezzioni di demucrazia à u mondu sanu ma senza rimettesi in causa a so propia pulitica. Cusì, quelli chì si prensentanu cum'è i figlioli di a filusuffia di i lumi, vanu à sustene cause luntane induve spessu ùn ci capiscenu nunda. Ma li permette di mustrassi cum'è grandi intellettuali chì vanu à cumbatte l'oscurantisimu à l'astru latu di u mondu.


Di siguru si face in funzione di l'attualità è di ciò chì si passa à u vingt heures di TF1. Di tantu in tantu volta u Tibet, eri era u Ciappas, i Kurdi o ùn sò chì poveru pòpulu in brama di a so libertà.

Dunque, cù i prussimi ghjochi olìmpichi chì anu da passassi in China, ùn ci n'hè più ch'è pè u Tibet. Ma attenzione, passata a festa, capulatu u santu ! Di settembre ùn si ne parlerà più, più nimu ùn s'hà da interessà à ciò chì si passa in Lhassa.

Qualchì voce si face sente, cum'è Uri Avnery, militante pacifista israelianu chì denunzia l'ipocrisia di quelli chì sustenu u Tibet, ma micca i Baschi o i Corsi

Ma i Chinesi sò maligni. Scuntenti di vede dassi lezzioni à qualchì settimana di i J.O, rimandanu a balla à u mustacciu di i Francesi : d'accordu pè dà l'indipendenza à u Tibet, ma cumminciate voi à dà l'indipendenza à a Corsica ! Hè ciò ch'avianu dinù rispostu i Iugoslavi è Slobodan Milosevic à i francesi sustenianu tandu u Kosovo.

"Liberté pour la Corse !; mughjavanu i chinesi chì eranu in Parigi quand'ella hè passata a fiamma olìmpica.

Di poi, u muvimentu indipendentistu corsu di China cuntinuveghja à fassi sente : nant'à u net si cappianu i cummenti : certi pruponenu di fà striscioni è bandere à favore di l'indipendenza di a Corsica durante i ghjochi !

Seguiteremu e cumpetizioni spurtive di st'estate per vede si certi mettenu e so minacce à esecuzione... Per una volta ch'ellu ci hè un interessu à fidighjà i ghjochi olìmpichi !

In tantu, i siti chinesi n'aghjustanu una fetta...

N'hà parlatu ancu David Abiker à France Info.

Allora si i Chinesi ci si mettenu anch'elli, pò cummincià à trimà Sarkozy.

Serà quessa a "cumunità di destinu mundializata"...

u 12 d'Aprile 2008
U Sgaiuffu



1.mandatu da leie u 12/04/2008 10:33
ci hè duie leie chì ùn viaghjanu micca quella chì tocca à Uri Avnery è quella di "nant'à u net si cappianu i cummenti". Piccatu pudianu esse intarissante

2.mandatu da u webmaestru u 12/04/2008 11:45
à ringraziatti, i sbaglii sò curetti !

3.mandatu da estrimei u 12/04/2008 16:04
stu Sgaiuffu he un veru sgaiffu!
giru u girabile per avè infurmazioni e a piu bella a trovu nantu a Piazzetta.
quant'a me , ancu so pigliu a pradesa di i tibbettani chi hanu u dirittu , cumme tutti ,a l'autodeterminazione,m'averaghju da appassiunnà per sti ghjochi olimpichi?

4.mandatu da ribella u 17/04/2008 19:41
solli, solli, è torna solli eccu u sport d'oghje. Un c'era che dà vede à "David Douillet" , eri sera dopu ave ricevutu u debrifing dà Sarko, pè ave ricevutu a mustacciata dà i chinesucci chi l'hanu spintu a fiamma olimpinca , spinta digia tante volte chi u simbulu un hà piu nunda di credibile ! à incinderanu torna cù i fulminenti !
Mà chi omi !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta