Accueil
Envoyer à un ami
Version imprimable
Partager

I Chjami Aghjaleskov cantanu Borgograd / И Чями Агхялесков цантану Боргоград

Hà da esce da quì à pocu u novu dischettu di u famosu gruppu Chjami Aghjaleskov, dinù chjamatu i Cori di l’Armata Corsa. Una di e canzone e più aspittate da u publicu sarà di sicuru Borgograd, in u filu di u cantu di i partighjani ci ramenta e prove di li nostri gluriosi antichi.



Pochi ecchipati di pettu à una di l’armate e più putente di u mondu di l’epica, per via d’un curaghju ch’ùn si ritrova ch’ind’è e Nazione chì anu a brama di campà libare arradicata à u più prufondu di u so essare, l’avianu fatta à triunfà di u nimicu.
Surtendu vitturiosi d’una battaglia di quelle strategiche, facianu cunnosce à e forze imperialiste, quelle chì raprisintavanu u foscu di a barbaria, a vulintà di custruisce un mondu novu, di libertà.
Nantu à l’aria di a tracunnisciuta canzone pupulare : L’Armata Corsa hè a più putente, I Chjami Aghjaleskov participeghjanu à un opara salvatrice di riacquistu storicu, sparghjendu sti fatti à u nostru populu sanu. Dicenduli « in quellu Borgu a storia chì fù »
Cù tanti ringrazii ad elli, A Piazzetta rigala à i so lettori stu cantu patrioticu.


chjami_aghjalesi_piazzetta.mp3 chjami_aghjalesi_piazzetta.mp3  (1.16 Mo)



u 12 di Dicembre 2008
Mazzone



1.mandatu da Ziu Dumè u 11/12/2008 22:08
Ci hè da dumandà si quale serà stu Mazzone... Aiò, dite la quale hè stu tippu chì cerca e canzone russe nant'à Youtube? Ùn averà chè què à futte?

Oghje, ùn la facia à dorme. In a nuttata sò andatu nant'à Piazzograd. Ci aghju intesu una canzona di i chjami aghjalesi cantata in russu. VDM

2.mandatu da GWM u 12/12/2008 14:45
http://fr.youtube.com/watch?v=bWwE56y-THM&feature=related

e metti u sonu "à fondu", tovaritch!

3.mandatu da Zitellacciudiucismonte u 12/12/2008 15:12
Dunque sò capiscu bè, a Canzona corsa hè stata copiata da i Cori di l'Armata Russia è da Quilapayun ?????? ;-)))))))))))

4.mandatu da Cumpalliols u 12/12/2008 20:42
Iè, o Zitellacciu di u Cismonte.
Hè quessa dà veru

D'altronde, ùn ci vole à macagnà troppu à i slavi : per u mumentu, sò (eiu), in piena neguciazione cun'un'certu Antònìn Krakutchnik, présidente di a Republica Bolduvaca, per dumandàllu d'aiutà a Corsica ; u solu prublemu hè ch'ùn parlu micca a lingua di a Bolduvachia.
Ci seria un'interpratore, in stu situ, per aiutàmmi ; u nostr'avvene si ghjoca avà cun e mio neguciazione.

5.mandatu da filidatu u 13/12/2008 00:57
'ssa canzona hà a virtù di mette in risaltu un passu di a nostra storia pocu cunisciutu da a ghjente .
tutt'ognunu cunosce à ponte novu per disgrazia diceraghju, ma sò più pochi quelli chì cunoscenu a battaglia di u borgu duve avemu chjipatu i francesi

6.mandatu da circinelludiguagn�nativup�liguagnesusosanguaversatu u 13/12/2008 16:11
chjipatu è polsu !

7.mandatu da circinelludiguagn�nativup�liguagnesusosanguaversatu u 13/12/2008 16:16
... è sbrembatu

8.mandatu da Piratella u 13/12/2008 22:09

Dice chì a canzona hà da esse presa da imnu da una grande squatra di pallò corsa...-)

9.mandatu da circinelludiguagn�nativup�liguagnesusosanguaversatu u 14/12/2008 10:54
l' OM ???

10.mandatu da Sminticone u 14/12/2008 17:54
Chì canzunaccia...

11.mandatu da heliofibu u 14/12/2008 21:22
Ch'avemu da arruvina cume cultura per u prossimu riacquistu ?
I percuzionni di i pygmè,
I flaute d'osse di fochi di l'innuiti,
E corne longhe di li bushmen ?
Aio, basta...



12.mandatu da Quill'altru u 15/12/2008 18:17
U prossimu riacquistu ? Si trattarà forse dighjà di compie quellu primu...
Eppò in sè ùn hà nulla di cundannevule di ripiglià stili stranieri : certi a si sò bè pruvati à u Rock corsu, ne ? Ma bon hè vera chì di canzone rusie è sudamericani ne simu tratechji in veru !
Di più ch'avemu un stile nostru :
"Vecu nantu à una ghjambe-e-la-a-a..."
Ci campemu !

13.mandatu da Michele Sogoffu u 15/12/2008 19:07

Россия — священная наша держава,
Россия — любимая наша страна.
Могучая воля, великая слава —
Твоё достоянье на все времена!

Припев:
Славься, Отечество наше свободное,
Братских народов союз вековой,
Предками данная мудрость народная!
Славься, страна! Мы гордимся тобой!

От южных морей до полярного края
Раскинулись наши леса и поля.
Одна ты на свете! Одна ты такая —
Хранимая Богом родная земля!

Припев

Широкий простор для мечты и для жизни
Грядущие нам открывают года.
Нам силу даёт наша верность Отчизне.
Так было, так есть и так будет всегда!

Припев


14.mandatu da Pà i corsi impanzati vili e traditori u 15/12/2008 19:29
Contr'à Francia imperialista
Manu di li spluttatori
Contr'à i corsi impanzati
Sempre vili è traditori
Liberendu la Nazione
Feremu a revoluzione.

Per la terra di lu cumunu
Da i nostr'antichi lasciata
Chè n'avemu scumpartuta
Eppò oghje abbandunata
Liberendu la Nazione
Feremu a revoluzione.

Per la libertà di l'omu
Cù li populi fratelli
Contr'à u capitale ingordu
Chì li porta à i macelli
Liberendu la Nazione



15.mandatu da Zitellacciudiucismonte u 15/12/2008 23:57
http://fr.youtube.com/watch?v=zeoh7vU6XsE&feature=related

16.mandatu da boarf u 17/12/2008 12:18
capiscu nunda

17.mandatu da machja u 17/12/2008 15:07
Tutti issi gruppi corsi, di u Riaquistu, cume I Muvrini, I Chjami Aghjalesi, Voce Di a Gravo, I Surgenti, Canta, A Filetta, l'Albinu,etc, hanu principiatu sottu i tindoni di u muvimenti di a LLN, certi eranu militanti di a nostra lotta, e i soli spetatori eranu i naziualisti.
Si so servuti di a lotta per fassi cunosci, e oghje u rimproveru chi lo pudemu falli, e di s'esse pianu, pianu alluntanatu, di u so primu e piu sinceru publicu.
For di L'Arcusgi, so divintati cantadore prufessiunali, e hanu lasciatu casca u militantisimu.
Certi dicenu ch'ell hè l'andatura naturale per i musicanti e cantadori, hanu sceltu a carriera piutostu che d'impignassi acant' a l'astri militanti, e si so smiticati di quelli chi l'hani messi ind'e u lume.

18.mandatu da Heliofobu u 17/12/2008 18:13
Per ciò chi cuncerna i gruppi di u "riacquistu" (un mi piace tantu sta parolla pritenziunuta è sopprafatta...), sò piutostu d'accunsentu cun tè...
Mà per ciò chi ghjè di a musica Corsa oghjinca, ancu di grazia chi si pò sminticà di u militantisimu, a pulitica, a LLN o chi nè sò... ! Ci vullerebbe a piantà un ghjornu ste canzone calamitose incù "Libertà" in ogni frasa...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta