Accueil
Envoyer à un ami
Version imprimable
Partager

I Corsi, i Media è u Razzisimu...

Prima i fatti. Una fucilata è trè giovani di ceppu arabu sò feriti. A stampa ne parla è ne traparla. Per avà, a mutivazione razzista di l'attu ùn hè ancu pruvata. Cum'è in u 2004, a Corsica torna à esse u veculu di u razzisimu...



corsica, media, razzisimu, iff, arabi, fora, racisme, corse
corsica, media, razzisimu, iff, arabi, fora, racisme, corse
Quandu ella accade una sturiaccia in Corsica, si spiccianu i media è i pulitichi da fà ne una generalisazione di u cumpurtamentu di i Corsi. Elli chì sò cusì individualisti in casa soia, piglianu un versu culturalista è à dilla franca, razzistu, quandu elli contanu di dinunzià u razzisimu di i Corsi...

U razzisimu francese

Hè vera chì in fatti di razzisimu sò stati elli in core à a creazione di st'idea pulitica. Arricurdemu ci di a crescita di l'odiu contru à i tedeschi dopu à a disfatta di Sedan. Tandu, eranu l'universalisti francesi à ripiglià l'argumenti razzisti di i tedeschi. In u so libru "la défaite de la pensée" ancu Alain Finkielkraut si lagna di a :« contamination progressive de la cause défendue par les idées de la cause combattue. Telle est pourtant le paradoxe de cette querelle franco-allemande : l’opposition théorique s’atténue à mesure que l’antagonisme se radicalise » [...] « Né de la défaite de Sedan et nourri du drame des provinces perdues, le nationalisme français n’est rien d’autre que l’acclimatation en France de tous les thèmes du Volkgeist ». Fatt'è fine chì l'odiu di u nemicu si traduce pian pianinu in un mimetisimu.

U cunsumerisimu mediaticu ?

Ma turnemu à st'affaracciu aiaccinu. Attenti, mancu si tratta quì di difende, di capì o peghju, di ghjustificà a fucilata di venneri sera, ch'ella fussi razzista o micca. Mancu si tratta dinù, di mette à tutt'ognunu ind'è listessu saccu. L'analisi suciopulitica merita di più ghjudiziu è rinculu. Dopu st'affaracciu, sò duie e quistione da pone si. A prima hè posta à a Ghjustizia : cumu serà chì qualchissia tiressi nant'à trè giovani? A seconda si pone à noi altri citadini : cumu serà chì a stampa tiressi ancu ella, à palle rosse, nant'à i Corsi?

U sfocu di i media

Ch'ella fussi per l'affare Kébé di u SCB o per quella sturiaccia aiaccina, pare chì i media si lampessinu, cum'è prede nant'à una tematica chì piace à e so ghjente. Affare d'audimat di sicuru ma di ripresentazione di i Corsi dinù. Fatt'è fine chì ancu puru s'è a stampa è una manata di puliticacci li vole oppone, u Corsu è l'Arabu si ritrovanu unu à fiancu à l'altru in u palazzu di i paganacci di a retorica republicanista.

U razzisimu è a respunsabilità di i pulitichi

In quantu à a crescita di u razzisimu, in Corsica cum'è in altrò, chì ne serà di a respunsabilità di e leie d'upinione è di i quelli chì inghjennanu idee pulitiche. Quale hè u "pauv'con" chì parlava di "karcher" è di "racailles"? Hè cusì chì stu galantu omu l'hà fatta à aduprà è à ghjucà si d'un insecurità sicura da accresce u sintimu d'insecurità di i francesi è a so pupularità dinù... Hè più faciule à caccià si ne incù i musginati o i pessimi di a periferia republicana chè à caccià si ne incù i golden boys di Wall Strett o di a City... Eppuru, ùn pagheremu tutti e malfatte di sta manata di colli bianchi?


Da leghje u parè di Gaston Pietri : quì.

u 7 d'Utrovi 2008
Ahmed Zumar



1.mandatu da in cauda venenum u 07/10/2008 08:22
DI TUTTE MANERE SI SA CHI TUTTU HE FATTU PER STRUGHJE U POPULU CORSU I MEDDIA FRANCESI SI NE TECHJANU QUAND'ELLU SI PASSA QUALCOSA IN CORSICA UN CI PONU PADE FACE PIU DI 260 ANNI CHI SUPPURTEMU U SOIU U RAZZISIMU (fautrentrerdanlmoul ) CIO CHI MI FACE DINU RIDE HE CHI QUANDU SI PASSA QUALCOSA CUN MAGREBINI OMU SI SCORDA CHI QUESSI ANNU UNA CARTA D'IDENTIDA FRANCESE NOI SIMU I STROUMPF

2.mandatu da Culomba u 07/10/2008 12:15
U razzisimu contr'à i Corsi hè un ghjocu auturizatu, puliticamente currettu : sè i Media rimpiazzessinu a parolla "Corsi "da "Arabi" o "Ghjudei" , cascherianu sottu à a lege francese contru à u razzisimu. Ma di i Corsi si pò dì tuttu, perchè privassine?

Per sminticà a crisa finanzaria, e bastunate contr'à tutti i diritti suciali è demucratichi, sminticà a calata di a capacità di cumprà, hè un divertimentu piacevule, gratisi, federatore pè i Francesi di sputà nant'à noi...

3.mandatu da squadra di u splendide u 07/10/2008 14:53
in corsica ci vole à fà si tutti GAY chi quessa a cumunità hè ricunnisciuta!! sapete cio chi ci ferma à fà?? FEMU CI FALA I PANTALONI

4.mandatu da Elvira u 07/10/2008 16:04
Ma quiddi di A SQUADRA DI U SPLENDIDE ùn sò micca amichi di CHJAVIER di i volta? IoI

5.mandatu da estrimei u 07/10/2008 17:33
a mè , quellu chi cunturbeghja u piu e quellu di "fr3 corse" e di rcfm .
mi spieggu , sti dui strumenti di u statu francese -generalizeghju, he capita chi ci so di e cose chi so belle , ma chi servenu di scusa a tuttu u restu - mettenu tuttu u so viziu a sminui tuttu so chi he a pro di a Nazione e di u Populu Corsu .
se vo parlate di Naziunalisimu site figliolu o figliulinu d' Hitler . impuntelleghjanu nant'a u fattu chi tuttt'omu chi sta in Corsica he corsu (s'ommu mette in usu sta manera di pensà so clavier e kouchner chi ci'hanu da amparà a esse corsi )

6.mandatu da NOI u 07/10/2008 19:14
Bella futugraphia di noi in u stadu francois coty (aca) , pensemu chì u razzismu contr'à i corsi hè un fattu schirzosu di i meddia francesi è di u statu francesu. Vulenu mostrà a la ghjente francese " I GATTIVU CORSI RACISTI " (per l'affare Kébé etc) avà pà la ghjente cuntinantale chì guardani TF1 "i corsi sò racisti" puntu è basta

7.mandatu da Urelianu u 08/10/2008 12:15
Mi pare che a sucetà corsa si stìa rendendu contu chi c'hè stu razzisimu. Era ora!!! Cusì se a legge u permette, insultemu ci o figliò!

8.mandatu da circinelludiguagnènativupèliguagnesusosanguaversatu u 08/10/2008 14:21
chi hè ssa storia di u stadiu COTY (ACA) ?

9.mandatu da circinelludiguagnènativupèliguagnesusosanguaversatu u 08/10/2008 14:22
Uuups ! Aghju capitu, mille scusi...

10.mandatu da NOI u 08/10/2008 22:57
faci nullà

11.mandatu da L'apa u 11/10/2008 13:16
Chì serebbenu i giurnalisti è u Statu francese s'è noi altri Corsi ùn esistiamu micca ?...
Esiste o no... si sà avà ch'ella ùn si pò parlà di razzisimu contru à una cummunità ch'ùn hè micca ricunnisciuta è a cummunità Corsa ùn esiste micca, simu francesi o ghjente ! ma di quelli salvatichi, di quelli ch'ùn anu ancu capitu chì per esse omu ci vole à pensà francese, è cum'è no simu
"arriérés culturels" (cf. barbier, giurnalistu di l'express) è ch'è no' ùn vulemu sorte di u nostru caru 19u seculu, ci mettenu à u scornu cù l'arichjoni !
bùùùùù !!! gattivi sugetti !!! ùn ci ne si caccia nunda !!!
Allora piuttostu chè di circà à travaglià una cria nant'à tuttu ciò ch'ùn và micca in Francia, è a lista hè longa ùn a sapete ?, i bravi sullati di Sarko (ci serà una parentia cù u ben d'Hitler ?) seguitanu à a lettera i cummandamenti di u führer : parlà d'altr'affari, tuppà l'ochji à u populu francese ch'elli ùn si possinu rende contu di a situazione pessima di u so paese è sopr'à tuttu di e manghjerie di i so capi. È chì facenu i bravi sullati ? "La Star'Ac", "Voici", è cum'ellu c i vole à fà quantunque una cria d'infurmazione "La Corse"

12.mandatu da Suffia u 26/10/2008 20:49
Bella lettera di Gaston Pietri chì spiega assai bè, à u mo parè, a situazione attuale.

Sicuramente simu posti cum'è un populu razzistu, ancu se a nostra situazione ùn hè paragunevule à u cuntinente.
Cum'è sempre simu noi i cattivi Corsi!

Ma eiu vogliu quantunque dì un 'affare: ùn duvemu truvà scuse per esse razzisti.
Simu un populu generosu,
i nostri antenati, parenti, anu suffertu di u razzisimu,
anu travagliatu cum'è cani, sò partuti per anni è certi ùn sò mai vultati...hè cusì per ogni famiglia...
A nostra storia sumiglia assai à quella di tanti imigranti.

Allora,
tocca à noi di fà rispettà a nostra cultura, e nostre idee senza fà usu di stu sintimu stumachente chì hè u razzisimu!!!
Vergogna à i razzisti!

Ùn hè ghjustu di fà passà i Corsi pè u populu più razzistu,

ma ùn hè ghjustu di accettà u razzisimu gratuitu!!!!

13.mandatu da circinelludiguagnenativupeliguagnesusosanguaversatu u 27/10/2008 11:08
Eu razzisti ùn ne cunoscu, senòfobi si ! Ci voli ad impiigà i paruli ghjusti pà spiigà certi fatti, ch'osinnò ùn ci capisciaremi mai.
U razzisimu hè una teuria pulitica, a senufubia hè a paura di l'altru chi si sprima di maneri diversi. A maiò parti di l'affari di "razzisimu" ch'accadini in Corsica parini più senufubia ch'è razzisimu. S'è no' circhemi à parlànni ùn c'è bisognu d'impiigà u vucabulariu pessimu di i media francesi o profrancesi distinatu à sottuméttaci !
Ghjè par quissa chì a lettara di u canònicu Pietri, ripubblichinu storicu, ùn mi garba tantu. Voli edda fà passà i corsi pà un populu "micca razzistu" ma cun figlioli chi u poni essa difendendu "a nostra cultura, e nostre idee "...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta