Accueil
Envoyer à un ami
Version imprimable
Partager

I Corsi messi fora ancu da i paesi

Sin'avà, i Corsi eranu messi fora da u liturale. I pippol, e maffie è e residenze segundarie l'avianu cacciati da certe zone in bor'di mare. L'affare di u pastore di E Valle di Rustinu ci mostra chì a speculazione immubiliare tocca ancu l'internu.



I Corsi messi fora ancu da i paesi
Corsicos go home ! Ma per andà induve ?

Attenzione, l'infurmazione chì vene ùn vene micca da u Ribombu ma da Corse-Matin.

Face qualchì tempu chì u liturale di Corsica hè diventatu troppu caru per i Corsi. Cumprassi una casa in Portovèk (ex Portivechju), Bonifaziu o Coti Chjavari hè impussibule per assai di noi.

Pianu pianu, ci semu fatti à st'idea. U bor'di mare hè riservatu à i ricchi fresteri, pippulacci, maffie corse è russie, speculatori. A pressione immubiliare hè troppu forte. In certe cumune di Balagna è di u meziornu, semu à più di 70% di residenze segundarie.

Trippa per noi, ùn aviamu ch'è da ùn vende a nostra terra è da sceglie megliu i nostri eletti è u nostru mudellu di sviluppu.

Aviamu a scelta : turisimu è residenze segundarie o agricultura è ambiu ? Avemu sceltu u bettonu, talmente più faciule è ràpidu.

Ma pensavamu chì tutte e manere, ci fermeria l'internu di a nostra isula, i nostri paisucci sarianu a nostra riserva indiana. Quì, nimu veneria à circacci. U centru di a Corsica saria priservatu... ah iè ?

Pensate... Andate à dumandà à Paul Muglioni, pastore à E Valle di Rustinu.

À cantu à u situ archeulogicu di Santa Maria di Riscamone, nant'à un terrenu agrìculu, hà compru un certu Monsieur Bourdier, ingenieru chì travaglia à u Brasile. Ci vole fà a so residenza segundaria. L'infurmazione hè data da Corse-Matin.

Bourdier hà sviatu e lege per acquistà terreni riservati di regula à l'agricultura.

A mubilizazione di sustegnu à Paul Muglioni hà addunitu 150 persone l'altru ghjornu.

Stu Monsieur Bourdier hè u sìmbulu di a spatrunizazione chì tocca ciò ch'è no avemu di più caru : a nostra terra. U fresteru chì face a so residenza segundaria per vene 15 ghjorni à l'annu contr'à u pastore. Cù a cumplicità di certi Corsi è di i servizii di u Statu, si pò torce a lege senza prublema. U peghju hè ch'elli ùn si rendenu mancu contu chì fendu cusì, arruvinemu u nostru tesoru è cundannemu à a miseria i nostri figlioli.

Oghje l'affare hè mediatizatu, ma di Bourdier, quantu ci n'hè in Corsica ?

Segonda dumanda : senza liturale nè mancu più paesi, induve anu da indà i Corsi chì fermanu ?

u 26 di Maghju 2010
U Sgaiuffu



1.mandatu da A Volpa u 26/05/2010 07:18
C'emu à ritruvà tutti in Barchetta !!!

2.mandatu da PEPETRU u 26/05/2010 10:35
ùn ci ponu fà du' o trè riserve? paesi novi da stacci no' ? saremi tranquilli

3.mandatu da Risu u 26/05/2010 10:52
V'aghjà dí qual'cosa.indè i nosci paesi avà un ci è più chi furesteri.e pó micca duttore,avucati o inginieri.innó,so tutti ''cas sociaux'',rmisti e altru.indè mè un sgió merru a fattu custruisci 2 hlm,lasciemu corre ció chi ci e in drentu ,miseria ,briacchini,...
Prifergu ave 2 residenzi sicundari incu i tipi chi un venani mai,piutostu chi si dui hlm,impuiti di cazzî marini

4.mandatu da machja u 26/05/2010 11:56
O Risu ,e quale hè chi ha elettu issu merru ?
In si paesi di l'interu ci so tutti quelli chi sustenenu i clanisti,per un pezzu di pane,dipoi seculi,e chi hanu arruvinatu u nostru paese,fendu parte tutti i ghjovani,perche da per elli un ci era piu avvene inde noi.
Oghje pagemu care tutte isse ignuranze,ingànni,stupidàghjne,detti e ridetti,a a nostra ghjuventu chi si ne andata stanta u so panu in altri paesi.
I frusteri elli un so scemi,e si ne so avisti di tutti e ricchèzze di a nostra terra,e oghje so pronti a piglia cio che no avemu tralasciàtu.

5.mandatu da anto u 26/05/2010 15:36
Sempre ramentassi chi s'omu po cumpra ci n'hè chi vendenu !Ci hè un'organismu chi si chiama Safer chi ghjè incaricatu di cumpra u terènu agriculu quand'ell'hè in vendita ,ma so tutti manghjioni sottumessi a i clani e un s'opponenu micca si u cumpratore hè amicu o ricumendatu !

6.mandatu da corsu u 26/05/2010 16:34
o anto hai raggio e i corsi un mettenu a pressione a a safer fora s'ellu he un giovanu corsu chi vole cumprà tandu a ghjelusia face forza POVERA A NOI

7.mandatu da Küg u 26/05/2010 16:52
Portovec, 22300 Côtes-d'Armor

ecc. ...

8.mandatu da Bustanicator u 26/05/2010 17:10
Thermostat 9 + grill...

È ùn vi scurdate d'esse infame cù i turisti st'estate !
Un turistu pigliatu à pattoni = un passu per a nazione !

9.mandatu da Ghjacumu seguela u 26/05/2010 19:08
Vi feremu una picula isula artificiale à u largu di Bastia

10.mandatu da saveriu u 26/05/2010 21:07
Chi hè esse Corsu ? Cume!! ,ma ghjè esse accugliente incu tutta 'ssa ghjentè ,nò?
So i Corsi di l'avvene quessi, ghjè u melti-pot chi ci'aspetta i ricci(d'auropa) in muntagna e in bord'i u mare, l'arabi i portugesi e tutti i"fratelli di a strada" inde e cità.
Evviva a Corsica di dumane.

11.mandatu da PEPETRU u 26/05/2010 23:51
So d'accordu cu seguela;l'idea di lisula artificiale mi si pare bè!!

12.mandatu da Curscincu u 27/05/2010 06:18
A vi dicu, quella casa di bourdier un he ancu fatta.... Qualchi plastichi a s'ada piglia! E po sinò culleremu tutti in niolu chi c'e a piazza e chi tandu quassu fresteri un ci n'he...

13.mandatu da FONZY u 27/05/2010 10:02
ci vole à piantà cù u mitu di i plastichi. nò, stu pinzutu ùn serà micca plasticatu, cume e millaie di residenze segundarie di Corsica ùn seranu micca plasticate.

hè mortu "Zorro".

a suluzione, ci vole à circalla in altrò. ci vole à mubilizassi, cambià e lege, impedisce di sviluppà tutte ste casacce di fresteri

14.mandatu da orsu ribellu u 27/05/2010 10:40
ùn ci vole più fà di rigali ci vole plasticà !!!!!!!!!!!!!!!!!!!!

15.mandatu da orsu ribellu u 27/05/2010 10:48
ùn ci vole più dà i permessi di cunstruisce. quessi chi danu sti permessi so veramenti conni !!!a ghjente avà pensanu qu'à i soldi ùn ci n'hè pocu veri corsi . a nostra natura si n'hè v'hà pocu à pocu .

16.mandatu da Tempi è tempi u 27/05/2010 12:09
O Fanzy u tempu di cambià e legge in stu paisacciu,megliu à mette 2 ò 3 plastichi aspittendu...

17.mandatu da FONZY u 27/05/2010 13:23
iè, à mè ùn mi dirangianu i plastichi, ma ci vole à esse onesti. ci vai tù à metteli ?

ùn ghjova à nunda di fà u rivuluziunariu nant'a internet è di passà u so tempu à mughja EVVIVA U FRONTE

20 anni di prigiò à Fresnes per un pane di plasticu è tuttu u mondu chi in Corsica si ne impippa, à chi ghjova ?

18.mandatu da orsu ribellu u 27/05/2010 18:21
o fonzy sta a sente.c'hè a ghjente chi mettenu i plastichi alora chi li mettenu .

19.mandatu da orsu ribellu u 27/05/2010 18:26
ùn aghju micca detu chi so un rivuluziunariu , o fonzy

20.mandatu da Carlinu Rocchi u 27/05/2010 18:27
Per custruisce ci volenu i permessi dati da i meri chi so stat'eletti da quale? Ie, o figlioli, a nostra Cursichella vena manghjata da u soldu. E quelli chi hanu i soldi so raramente i poveri Corsi chi a maio perte un po piu cumpra per stà in casa soia.
O i nostri eletti pighjanu cuscenza di u prublema e u reguleghjanu (aghju cunfidenza in 2014) o sino "simu pè i portaghi".

21.mandatu da Milanista delusu.. u 29/05/2010 08:52
Mà stu pinzutu, l'averebbi fata quessa incu a situazione di l'anni 80/90 ?? innò , averebbe avutu a paura !! .....E quandu sentu certi parlà di PACE....."i coloni elli ùn a facenu a pace"...

22.mandatu da Milanista delusu.. u 29/05/2010 09:03
Forse ùn bastanu più i "pachetti"....chi si ne piglianu à i beni materiali.....u FLN algerinu l'avia capitu ellu.....!!!

23.mandatu da ARC u 29/05/2010 10:57
O Carlinu , chi ci serà di cusi pudente in 2014 ?? Penserai à l'elezione...e chi ci si puderà fà à CTC....?? Legge e regulamenti che permetterebbinu di cumbatte sti fatti, a Francia ùn ne vole sente parlà induve ella chi cunsidereghja tutti i "citadini francesi uguali".. per ella saria"Discrimination"...e tutti i collabolhd facenu pressione nantà u "muvimentu" per ch'ellu ùn sia più "naziunalistu"......hè colpa dinù dà i capizzoni chi ci hannu purtatu qui, pè ùn esse malvisti in i "Sérails" francesi...

24.mandatu da Sanguinariu... u 30/05/2010 14:05
I "Corsi Fora" e quelli chi s'opponenu "nentru"... !!

25.mandatu da scimitu u 23/07/2010 00:00
Nos ancêtres luttaient, maintenant les jeunes préfèrent s'en mettre plein les narines ou discuter pour savoir celui qui a le plus beau caleçon Pull In.

b[La difference est là les amis ]b

26.mandatu da orsu ribellu u 27/07/2010 18:52
ai raggio o scimitu. u peghju ghjè sti zitelli chi anu cu u nome corsu mà sino ùn là sanu mancu parlà corsu facienu mancu un sforzu per amparalu .in casa o a a scola

27.mandatu da jp u 04/10/2010 23:59
Salute à tous,
Je suis corse et je ne parle pas corse...
Exemple : quand j'ai voulu faire ma petite maison sur la terre de mon grand-pere, je ne suis pas arrivé à trouver facilement un seul entrepreneur pour faire ma petite maison de 55 m2, car "ils" avaient mieux a faire avec les gros riches du continent qui font des villas de 300m2, pareil avec les commerçants (corses) qui me traitaient comme une merde, voyant que je n'étais pas un richard...
voilà ..aujourd'hui en corse, il n'y a que la tune qui compte, le paraitre, les gros 4x4 (de merde) etc etc..ca m'a un peu dégouté...ca a changé la corse...
je n'ai pas le choix ...je passerai ma retraite en corse parce que je suis fier d'être corse. mais putain de merde de mentalité de tune...
ou y sont les vrais corses ? j'espère qu'il en reste, je suis optimiste...et pour ceux qui ont LA CHANCE de vivre en corse...Y'a pas que la tune ! la fraternité, le village, la famille....



28.mandatu da mourad u 16/01/2011 01:50
terra corsa ai stranjeri..corsi fora

29.mandatu da Ramu u 07/04/2012 16:42
I cookies fora!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta