Accueil
Envoyer à un ami
Version imprimable
Partager

I Simpson fora ?

Puderia esse a fine di a seria americana. Hè a crisa è ancu Homer pò perde u so travagliu...



I Simpson fora ?
Facenu 23 anni chì i persunagi gialli di i Simpson sò nant'à i screni di televisiò, è forse semu vicini di a fine.

Un cunflittu oppone a catena chì pruduce a seria, a 20th Century Fox è l'attori chì facenu e voci di a seria. Sin'avà, ùn si sò micca cuntrati. A Fox vole calà di 45% e paghe di l'attori, chì accettanu di calà di 30%.

Puderia dunque a fine di a cunnisciutissima famiglia americana è u puverettu d'Homer puderia ritruvassi disimpiegatu. Hè veramente a crisa à Hollywood postu chì si tratta dinù di piantà a seria Dexter.

Homer Simpson è Dexter, ferà u mondu in più à Pôle Emploi.

In Corsica avemu l'abitutine. Cun 13.000 disimpiegati è a disoccupazione chì hè crisciuta di 7% st'estate, a situazione cummencia veramente à fà paura (da leghje l'articulu di Corse-Matin).

Ma bon, cuntinuvemu à crede chì u turisimu ci salverà è ch'è no diventeremu tutti ricchi in dui mesi d'estate...

u 6 d'Utrovi 2011



1.mandatu da U Palatinu u 06/10/2011 09:47
Pensu ch'e s'e i Simpson piantanu, ùn seria micca veramente una perdita tamanta. Senza disprezzà quelli à i quali piace, ùn aghju mai capitu l'intaressu veru di stu cosu ch'ùn s'assumiglia mancu da luntanu à a catarsis di u reale ch'ella si pretende esse.

2.mandatu da lingua vituperia u 06/10/2011 10:15
Ci vole da girà un filmu è cusi fà calà i prezzi; basta à truvà a listessa facciaccia d'omeru da fassi ghjucà à a risa...
eiu votu pè fred poggi chi sà cusì bè dà lezzione di murale à a fine

3.mandatu da ANTO u 06/10/2011 14:55
un so mancu cio ch'elli sie campu listessu !

4.mandatu da volpone u 06/10/2011 16:28
" a catena " ?????????????????? O lingua francaouï...

Novu cumentu :