Accueil
Envoyer à un ami
Version imprimable
Partager

I basgiadori fora !

Quessa po a mossa ùn l’averete pussuta nè ignurà nè mancu schisà : sti poc’anni ci hè statu a generalizazione imbattèvule di a basgiata trà di l’omi Corsi…
Un tantu chì basti !



I basgiadori fora !
Soca l’aspettu mediterraniu o ancu maffiosu (diceremu piuttostu maffiusellu) di i basgiacci in trà d’omi hà seduttu à unepochi. À unepochi è ancu à tutti sì ! Avà ne simu tutti à basgiate spripusitate. Ci basgemu tutti à vòline più, è più si hè azezu è barbutu, più si puzza, più si hè sfacciatu, è più si basgia à n’importa quale. È basgia chì ti basgia, à labbre pulpose sempre di più stinzate versu u primu catinu chì ti sbarca in faccia.


Quantu ci n’hè chì li sciaccate dui basgi senza mancu sapè quale sò, è ancu peghju certe volti, cumu si chjàmanu ? Aiò o zitè, fèmula finita avà cun tutti sti basgiucci di feminette. S’elli ci vèdenu da quassù, quelli di Pontenovu… Ch’anu da pensà i Sampieru, Paoli, Sambucucciu è Cardone ? A v’aghju da dì, ci anu da piglià à tutti per finochji.


Alè o zitè, fèmuci onore è circhemu di ritruvà un pocu di sensu, di stintu è di maccìsimu : tucchèmuci a manu, cum’è i veri Corsi azezi è puzzicosi ch’è no simu.

Eviva a strinta di manu à l'usu Corsu !

u 7 di Marzu 2009
Ussamà Ben Lazezu



1.mandatu da altore u 07/03/2009 17:03
eeeebeeeh! pensava esse l'ultimu à pensà cusì ! mi face gran'piacè st'articulu! mi vuleria quantunque permette una piccula critica... indè noi u "pd" ùn hè micca un finochju cum'è in faccia ma un "rottu 'n culu"... ghjè vera passa menu bè ma bon... in stu duminiu custì ghjè à spessu u casu...

2.mandatu da in cauda venenum u 07/03/2009 17:52
HE VERA QUESSA CHI UNA TRENTINA D'ANNI FA E ANCU A PENA DI PIU L'OMI UN SI BASGIAVANU MICCA STU FATTU HA FATTU A SO APARIZIONE MI PARE A L'ORIGINE DI U MUVIMENTU NAZIUNALE CUME CUCINI E FRATELLI QUELLI CHI SI RICNICIVANU IN UNA CERTA DIMERCHJA S'ABBRACCIAVANU STRADA PIGLIENDU STA MANERA DI DISSI BONGIORNU S'HE ALERGATA .
MA O ZITELLI UN CI BASGEMU MICCA NANT'A BOCCA E SENZA A LINGUA
I MO AMICHI I PIU CARI L'ABBRACCIU CUME FRATELLI FORSE FACE 1000 ANNI O PIU L'OMI SI TUCCAVANU ALTR'AFFARE CHE A MANU I TEMPI SCAMBIANU

3.mandatu da Piratella u 07/03/2009 19:35

In più, sò à spessu basgi di Ghjuda!

Allora o masci, i vostri basgi teniteli per noi altre!

4.mandatu da capicursinu u 08/03/2009 10:51
Eviva, per una volta chi ci n'hé unu chi pensa cume me!
Seria ora di pienta appena sta cumeria finuchjesca di u 'on se basgie entre fratè'. Chi vergogna, quantu ipucrisie, hé bella piu sincera una strinta di manu.
Avà hé decisa, u prossimu chi vene a basgiami li sciaccu una capata!

5.mandatu da Nimu u 08/03/2009 13:43
Eiu à u liceu tuccavu sempre a manu à i mo amichi, è pò mi macagnavanu dicendu ai paura d'esse "PD" o cosa à noi ci poi basgià un avemu prublemi d'identità sessuale etc.
Allora avà li basgiu cusì un mi facenu cagà.

Ma ghjè vera chi pè mè l'omi si toccanu a manu è basgianu e damicelle.
E l'omi un anu micca à cuntà tutti i sò sintimenti è stati di l'alma.

6.mandatu da ZIU ANTO U PURCAGHIU u 08/03/2009 17:13
Mi suvengu di babbone quandu gjiugjianu tutti i pinzuti in casa a u momentu di l'estate."Bonjour pépé è basgji ! ! bonjour pépé è torna basgji ! ! ! Babbone a dettu" o quedi zitté ' dimuci bongjiornu una volta é doppu basta".Eiu stavu vargugniosu e faluvu a piatami in cantina.cusi un basgjiamu più a nimu.E nimu un si basgjianu piu micca in casa nostra. . . . .Oghié prefericu a basgjia quachi bedda donna .Iéééé......

7.mandatu da U-blogu.com u 08/03/2009 17:55
O Ussama ben lazezu, possu fatti un basgiu per questu articulu? lol A prestu.

8.mandatu da a ranochja u 09/03/2009 12:18
U veru corsu hè basgiarinu è mammarecciu!

9.mandatu da henry smart u 09/03/2009 18:52
Un a sò quandu s'hè affacata sta moda di basgià tutti quelli ch'è no cunnisciamu. Aghju 35 anni è quandu era à u liceu ùn ci basgiavamu micca. Versu 18 anni emu principiati à basgiassi trà "paisani", amichi fidi di zitellina. E pocu à pocu s'hè allargatu u chjerchju è ci simu fatti surpati in u sbollaru di basgi ! Chì ne pensate voi ? Site d'accunsenti nant'à l'epica..
Dopu cù u tempu m'hè sò avvistu chì i giovani cullegiani si basgiavanu di più in più prestu. Avà simu ind'a trappula: passemu una serata cù qualchissia è ci basgiemu u lindumane. Per quelli di a mo generazione mi pare ch'ùn sapemu più cumu fà. Stende a manu è ammuscià à l'altru o basgià cù stu sintimu bizarru di qualcosa ch'ùn hè micca nurmale.

10.mandatu da heliofobu u 09/03/2009 19:29
Iè, O Henry, avemu listessu età, è pensu che tu si ghjustu annant'a l'epica...
Mà, oghje, cume si po fà ? Ci si pare d'esse guasi dispetosi quandu tucchemu la manu a qualchisia !

11.mandatu da talavesu u 09/03/2009 20:03
o beddi zittedi basgiasi era segnu d affizioni
se tutti basgiani a tutti u vole piu di nudda
demuci una bedda strinta di mani e basgiemu
solu parenti e amichi veri ma micca vinti volte u jiornu

12.mandatu da mamacorsicamamicaquidadipatrick u 10/03/2009 07:47
allora un vi bagiu mica stamana ! aé pediu par vo

13.mandatu da prisuttu u 10/03/2009 19:30
ah quantunque ! face piacè di leghje i vostri cummenti, site d'accunsentu per dì ch'ellu ci hè un veru prublema cù "les bises" !

avà si "face a bise" (a dicu in francese perchè hè un affare di pinzutu) à u primu catinu scuntratu !

basta d'una serata in buatta è ci basgemu ! n'importa chè...

14.mandatu da EIU u 10/03/2009 20:32
Hè vera chi certe volte hè un casticu di basgia l'omi chi si cunnoscenu pocu.
mà Marchioni avia basgiatu Mitterand anch'ellu

15.mandatu da fratellu ficatellu u 10/03/2009 21:40
U babbu di a patria è grossu minutu si basgiavanu annant'e culle, un'era tantu megliu...

16.mandatu da Culomba1 u 13/03/2009 21:01

Porta un "badge" : (cumu dì u "badge"?)

"Stop : aghju u sida".

Tandu sì ch' anu da stà luntanu da tè!

U badge u cacci quandu ci hè un bellu pezzone di pettu à tè, ben intesa...

17.mandatu da avà basta u 13/03/2009 23:30
ci vole à fà i t-shirt :

"s'è tù mi basgi, ti mengu"

"la bise c'est pour les gaulois"

"u veru corsu ùn face micca a bise"

ecc....


18.mandatu da More à Azzana u 10/04/2009 17:04

O Culomba lascia u to badge, fammi piuttostu un basgiu!

19.mandatu da basgiumane u 14/05/2009 15:20
nanzi si basgiava a mane di i sgio .par asempiu ,a sgio cameddu ,u bappone di camillou !!!

20.mandatu da Culomba u 14/05/2009 18:45

è sta mane à u forum di RCFM, Antone Marielli vulia basgià i pedi di u Merre di Galeria!

Bò, ùn anderebbe sin'à stu puntu, ma u feliciteghju listessu stu merre....Ch'ellu teni forte è chì tutti i Merri seguitessinu u so esempiu.

21.mandatu da piratella u 14/05/2009 22:45

ùn si dicerebbe micca piuttostu i "basgiarini" ?

Facciu a mo estrisoi sta sera...lol

22.mandatu da Piratella u 23/05/2009 00:04

Sti basgi generalizati facenu pensà à l'usi Maffiosi...e dopu ci stunemu di a nostra magina fora!!! LOL

23.mandatu da heliofobu u 23/05/2009 01:01
In "Le prophète", i nostri mafiosi incarcerati un basgianu micca l'eroe Arabu quantunque ?! Loool

24.mandatu da inlamacchja u 24/05/2009 00:07
AH ah basta basgiacci!!! no semu micca finochji! solu a li femini e ghjustu da un basgiu!
un possu più incuntrà li mei amichi chi elli subitu mi basgiani!!! e basta strignimuci la manu e bho' ..un salutu

25.mandatu da donna u 24/05/2009 16:53
Hè vera chì issa moda di i basgi maschili hè appena strana, fora di i chjerchji stretti di a famiglia è di i fratelli di core. Eppo ùn vi ne fate, ancu per e donne, accade ch'ellu fussi propiu un castigu di basgià à certi omi… Di quelli chè no vi lascemu vulinteri. Ma un altru affare hè cambiatu : certi giovani corsi sò cusì allisciati chì ci hè da dumandassi; parenu guasi femine…

26.mandatu da Pariginu campulorese u 27/05/2009 10:23
Autant je suis content d'entrer dans le site de "A piazzetta" pour dénoncer ce con d'Audiard et son film toujours à la con sur les corses...Autant je suis déçu de cette discussion d'un autre age!
Chi vole di questi discorsi?
Chè problema cè ch'i l'omi si bascianu ?
Tu parles d'un problème!
Ci vole evolua appena o zitteli! E vera che i francesi si bascianu troppu. U capiscu ben perchè anc' a me mi dispiacce. Ma di fa di questu tuttu un problema nun vale la penna no?
E altra dumanda...Perchè tanta sciocchezza davanti un sentimentu affettivu entre due omi?
Eu pensu che certi corsi hannu un problema cu " l'affetivu"! "
Esse omu nun vole di chè nun cè sensibilità!
E a me questa ghjente che si difende troppu dei so sentimenti, mi fa paura!

Allez...Vi basciu a tutti

27.mandatu da Colomba u 04/09/2009 16:39

INFINE UNA RAGIO in "betonu" : ùn ci vole più à basgiassi, nè mè ancu à abbracciassi, nè menu à tuccassi a manu!!!

A GRIPPA A o ghjente!!


28.mandatu da U Pastore Arrabiatu u 06/11/2009 22:02
In paese, simu tutti parenti. Un ci basgiemu micca, ci femu "l'accolade". Un he listessa cosa !
Ch'elli ci facenu i smack, i "poutou" tutti quelli...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta