Accueil
Envoyer à un ami
Version imprimable
Partager

I candidati di a diritta sò i più belli

In a seria di i studii chì ùn ghjovanu à nunda, eccune unu micca male. D'appressu à una inchiesta finlandese, l'omi pulitichi di diritta sarianu più belli ch'è quelli di manca. Eccu perchè riescenu megliu à l'elezzioni. Veramente ?



I candidati di a diritta sò i più belli
Ci vole à crede chì l'osservatori di a vita pulitica in u nordu di l'Auropa s'annoianu appena. Trè ecunumisti finlandesi è svedesi anu avutu a cunclusione chì i candidati di diritta sò più belli ch'è quelli di manca.

Da leghje : Pourquoi les candidats de droite sont les plus beaux nant'à u situ di u Nouvel Obs.

Anu dumandatu u so avisu à 2.500 persone nant'à u fìsicu di parechji candidati, è hè a diritta chì hà vintu. È cum'ellu si sà chì à l'elezzioni u fìsicu hè di più in più impurtante... U Figaro à di siguru ripigliatu st'infurmazione capitale.

D'appressu à i circadori, si pò pensà chì cum'elli sò ricchi, sò dunque belli è attenti à u fìsicu. È cum'elli sò ricchi, anu menu a voglia di sparte e ricchezze. Dunque sò di diritta.

Invece, quelli di manca facenu di più attenzione à l'argumenti è menu à l'apparenza. Ùn hè micca Ange Rovere chì dicerà u cuntrariu.

Dopu à 2000 anni di demucrazia, eccu induve ne semu. In un mondu chì hè di più in più quellu di l'apparenze è di e fiure, si face di più in più attenzione à a chigna, u surrisu, a giuventù, i capelli lisci è pettinati... ma per ciò chì hè di u discorsu è di l'argumentariu, aspetteremu.

Bon, di siguru stu studiu assai seriu ùn parla micca di a Corsica è ùn mintuveghja micca nè i centristi nè i naziunalisti. Ùn hè micca siguru ch'è no appiamu avutu listessi risultati ind'è noi...

È voi, chì ne pensate ?

u 27 di Farraghju 2011
U Webmaestru



1.mandatu da ANTO u 27/02/2011 15:26
Allora u nannu chi ghjè a u pudère hè di manca ,parenu folè !

2.mandatu da skeletor u 27/02/2011 19:57
hè per quessa chi JF BATTINI vene di piglià a so carta à l'UMP

3.mandatu da Alexferox u 28/02/2011 16:39

Un libru, unu solu à cumprà : "Blythe Masters." di Pierre Jovanovic. per capisce a crise financiaria di 2008 e a crise alimenaria chi ci aspetta, licca dumane mà oghje. O ghjente, fate l'hortu et preparatevi a scurdabbi di i Carrefour e altri Casino. Ropa gattiva per a salute e u porta-foglie ! Per quelli ch'hannu i mezi cumprate argentu e oru, per l'altri pregatevila bonna :-)) ! Un burlu micca, leghjite e fate leghje stu libru !

4.mandatu da ochju di pernice u 01/03/2011 18:34
I canditati di manca so sempre azzezi ,tuttu va di male in peghju,hanu paura d'anda a travaglia,in fine so assai techji ,dunque a chi posa pensa male!!!!

5.mandatu da J G u 21/05/2011 08:37

i canditati di a dirrita sô i più belli ? ? ? e per quessa allora chi DSKAZZU e di a manca malgradu tutti i so solli ! ! ! ha l'eleganza e a distenzione d'un phacochère , pocu séducteur quessu s'ella un hé una cinghiala chi si pama per ellu un vegu micca éo ! ! !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta