Accueil
Envoyer à un ami
Version imprimable
Partager

I catini di l'annu 2009

Cum'è annu passatu, A Piazzetta vi permette di ricumpensà i catini chì anu fattu l'attualità. Quandu si tratta di fà u peghju, ùn sò micca i candidati chì mancanu...



I catini di l'annu 2009
In 2008, hè statu Christian Clavier à avè ricevutu u più voti da a parte di i lettori di A Piazzetta. Ci sò stati più di 900 voti (iè hè assai, ma a froda hè autorizata) è hè statu l'attore à riceve u più voti (20%) davant'à Christophe Barbier, u PADDUC è i famosi "obamistes ajacciens" (tutti circa 9%).

L'elezzione hè aperta per u catinu di u 2009, avà tocca à voi ! Eccu i candidati :

Thierry Henry : Cù a so manaccia, hà eliminatu l'Irlanda chì meritava di vince. Ma sopr'à tuttu, invece d'esse l'eroe chì hà mandatu i Bleus à a Cuppa di u Mondu, l'attaccante hè passatu per un latru è un falsone. A Francia masoscista s'autoflagella. Ancu Jacques Attali dice a soia : "Je me sens Irlandais, parce que ce peuple magnifique, uni dans la défaite comme il l'eut été dans la victoire, est privé d'un avenir ludique, qu'il méritait mieux que la lamentable équipe de France." A Francia si tazza à prupositu di a manu d'Henry, è noi ci campemu...

Roman Polanski : Hà mancatu di pocu u so trasferimentu à u centru penitenzariu di Casabianda cun Emile Louis.

Jacques Séguéla : Dopu à a so casa in Cala Longa, a Rolex, u vechju macuccu a si caccia cun internet "la plus grande saloperie inventée par les hommes". Hè ora d'andà, o Ghjà...

Diego Maradona : I grandi ghjucadori ùn facenu mai grandi intrenori. Hà lampatu à i giurnalisti argentini : "Venite à suchjammi avà". Grossa classa...

Jean-Pierre Treiber : Ci hà fattu crede ch'ellu campava in infernu in a furesta, allora ch'ellu era à u caldu in un appartamentu cun abbunamentu à Canal Sat. Di siguru hè ellu a faccia di l'annu...

Christophe Barbier : Nunda ch'è di pregacci un avvene à l'usu i Ch'tis : "Alors, peut-être, verra-t-on un jour 20 millions de Français applaudir dans les salles de cinéma, comme ils l'ont fait pour les Ch'tis de Dany Boon, le chaleureux spectacle des valeurs humaines de la Corse". A si mèrita, u so tìtulu di catinu intersiderale.

Rachida Dati : À cosa ghjova Rachida Dati ? Forse una risposta in 2010 ?

Christine Lagarde : Ci hà mustratu chì e donne pudianu esse ancu più mostruose ch'è l'omi.

Ségolène Royal : Speremu ùn più sèntenne parlà in 2010, è ancu menu in 2012...

Nicolas Sarkozy : Grossu palmarès in 2009 ! A so più grande bugia : "travailler plus pour gagner plus." Ci aviate cridutu, voi ?

A Grippa A : A psicosa di l'annu.

Barack Obama : Bon, appena và bè, ma u premiu Nobel di a Pace senza fà nunda, ancu noi a pudiamu fà.

Michael Jackson : Cumu semu gattivi ? Ùn v'hà micca faticatu à voi, MJ quist'annu ?

Frédéric Mitterrand :
A so piazza in Casabianda, a si mèrita anch'ellu.

Jean Sarkozy : Jean-Jean, u più grande pistunatu di tutti i tempi.

Johnny Hallyday : Peccatu, ci hà fattu sperà...

u PADDUC : Hà fattu nasce una grande mossa quist'annu, da Association régionale de gestion de la race de porc “nustrale” à Union des Marocains de Corse-du-sud, eranu tutti in u cullettivu anti-PADDUC. A Corsica scopre ch'ella hà una "sucetà civile" chì si mubilizeghja. Prublema : u restu passa à u segondu pianu è malgradu u ritiru di u pianu cuntinuveghjanu di vèndesi terreni è i casali di bettonu si mulitplicheghjanu da per tuttu. Allora ?

David Guetta : U peghju, hè chì certi giovani pensanu veramente ch'ellu hè corsu perchè passa spessu à l'Acapulco...

Diam's : Era megliu quand'ella ùn cantava micca.

Susan Boyle : Listessu ch'è Diam's. Ma in più di quessa, grazia à ella tutti i goffi pensanu ch'elli ponu riesce a so vita. Maladetta tele-realità chì face sperà tutta a miseria umana.

Christian Clavier : Nunda ch'è pè i 400.000 euri di a surveglianza di a so villà.

Thomas Dutronc : Hà inventatu u cuncettu di "pippol bravu" è noi ci cridimu...

Didier Wacognes : U catinescu ghjudice di u prucessu d'Yvan Colonna mèrita a so piazza quì. Ancu u giurnalistu di u Figaro chì seguitava u prucessu si ne ridia... per divvi.

Salim Arrache : Hà inventatu u cuncettu di razzisimu per fà scurdà ch'ellu ghjoca cum'è un pede.

Eric Besson : Perchè hè difficiule di fà peghju cum'è omu pulìticu.

Raymond Domenech : In listessu tempu, un tippu chì riesce à mettesi a Francia sana contr'à ellu ùn pò esse ch'è un tippu bè !

Paul Giacobbi : Ci hà gunfiatu tutta l'estate cù u so transferimentu à diritta cun Sarkozy. In fin'di contu, parte cù u PS à e territuriali. Per avà ùn si sà ancu s'ellu vole vince cù a diritta o cù a manca. A frasa di François Hollande : "Je ne considérerais pas une victoire avec Paul Giacobbi comme une victoire". Arf...

I "mous" vs i "duri" : L'idea di l'annu : u naziunalisimu si sparte in "duri" è in "molli". Sta simplificazione arrangia à tutti è eviteghja di pigliassi troppu u capu. Pare tutta un'idea marketing di Séguéla.

Quelli di A Piazzetta : Perchè ci faticanu anch'elli...

u 10 di Ghjenaghju 2010
U Sgaiuffu



1.mandatu da Guy u 10/01/2010 21:29
È Dieudonné ?

2.mandatu da brice 2 terre u 10/01/2010 22:49
altre pruposte :

a brise de mer
brice hortefeux
u gruppu NOTTE

3.mandatu da Kalliste u 11/01/2010 01:01
Eu votu per sta grippa !!! U guvernu un ha ticchjadu tutti sti manghjioni di laboratoires pharmaceutiques ??? 94 millioni di picadure !!! Ma vi rendite contu ?? Tutyi sto soli ghjitatti ??? Custi l hannu trovu !!!! In vece di finanza a ricerca contra u cancaru !!! Un hé pediu quessu ??? Che di tosse a pena e Ave a frebba a quaranta qualchi ghjorni ??? Aio massa di manghjoni che vo site tutti..

E u secondu prezzu per a cumpania Easy Jet !! manghjoni e mezzu !!! Un ne ghjunghjenu micca abbastanza pumadaghji ??? Che cridete ?? Chi hannu da viaghja per nunda e spende baiocche qui ??? So fusciatti !!! Parate i vostri orti !!! Chi pumate un ne fermera tantu !!! A corsa a i corsi e l impieghi per i corsi !

4.mandatu da Fiumorbu u 11/01/2010 08:26
Eu votu per polansky e mitererand ,ci vole a manda stu copiu in casabianda.Podassi una bella storia damore a nasce!
Dopu votu dinu per stu lonzu di séguela ,so typi cume elli chi facenu che nostra isula si betunizeghja.
Ci vole a micca smintica i people cume guetta che dopu ci né chi si credenu impurtante perche lanu vistu a lacapulco

5.mandatu da Bustanicu in excelsis deo u 11/01/2010 14:07
Ùn capiscu micca ciò ch'ellu vene à fà Maradona nant'à a lista di i catini eiu ! Per una volta ch'ellu ci n'hè unu chì manda i giurnalisti "amoureux du beau jeu et du fair play" à spassu, ùn ci avemu micca da lagnà nò ? Aiò aiò !

6.mandatu da miccaèbastiacciuinnizza u 11/01/2010 17:03
ha votatu ! scelta difficiule cun catini simile ! jean-jean, Mr "j'aime la keurse" Clavier,diams pè a so classa in joging, sego"fratellanza"...

Mitterand chi ci ha spiegatu in modu cusi schiettu ch'ellu andava fin'in Thailanda pè scialassela cun "ghjuvani cazzotadori di 40 anni"! tamantu catinu!

7.mandatu da For ever Rebbia u 11/01/2010 17:47 (da un teleffuninu)
Iè ma u Maradona intrenore un ha nunda a chi vede cù u ghjuvadore.

Avè in a so squadra Messi, Tevez è un sò quantu "fuoriclasse" è strazià cusì à l'eliminatorii, ci vole veramente à esse mozzu.

Diego intrenore ci capisce quant'è Roland Gransart.

8.mandatu da Acqualacciu u 11/01/2010 23:16
Iè mà ci sò dinù l'outsider : Jean-Martin Mondoloni, Alain Orsoni...

9.mandatu da ZzZzZzZz... u 12/01/2010 01:33
alain orsoni, camille de rocca serra, jean-christophe angelini, frédéric thiriez, jean christophe angelini è corse-matin

10.mandatu da Ziu santu u 12/01/2010 10:08 (da un teleffuninu)
è a corala di Pat flower ?

11.mandatu da malus u 12/01/2010 17:44
Guy Bedos digià in pista per u catinu di u 2010...

12.mandatu da filidatu u 12/01/2010 22:17
eo aghjusterebbe à jean marc Raffaelli di corse-matin per u s'articulu tantu pietosu chì ci hà cumossi à tutti nant'à a morte di u cane di guy bedos

13.mandatu da ghjacaru u 13/01/2010 12:02
guy bedos 2010

14.mandatu da Antò u 13/01/2010 12:39
Per eiu, u primu hè "Ni culu" Sarkozy !

15.mandatu da Marboeuf u 16/01/2010 14:15
Difficiule di scelglie,l'abuminevule gruppu Notte è a chorala di nerpie di Pat Flower...

16.mandatu da puttanisimu u 16/01/2010 21:20
alain orsoni, gilles simeoni, jc Angelini, Edmond simeoni; jean guigui Talamoni, max simeoni, paul Quastana è barak obama

17.mandatu da erculu u 18/01/2010 01:21
quelli di Corse-Matin, in particulare NADIA AMAR, u gradu ZERU di u giurnalisimu

18.mandatu da a panzetta u 18/01/2010 01:22
è Antoine Giorgi, induve u mettite ?

19.mandatu da A murena chjarasgina u 20/01/2010 13:58
Eiu votu pè Maître Lemaire, l'avucatu di Mme Erignac, u gran difensore di i diritti di l'omi,è filgliolu di Jean Lemaire, l'avucatu chi difendeti, à a Liberazione, u maréchal Pétain, à u so prucessu di 1945:
http://fr.wikipedia.org/wiki/Jean_Lemaire_(avocat)

20.mandatu da jean curconi u 22/01/2010 01:52
ECCU, NADIA AMAR DI CROCE-MATIN

21.mandatu da Accusentu u 24/01/2010 20:11
À l'epica di u MCA è di l'UPC (83,84) dicianu dighjà "les durs et les modérés", Leo BATTESTI (tandu avia un discorsu altru cà oghje) avia fattu sta cacciata, chì m'era piaciuta "les nationalistes ne sont pas des caramels".

Hè capita chì e "nuzione" duri è molli sò inventate da "ghjurnalisti", è dopu i naziunalisti i piglianu à contu soiu : ciò chì hè un segnu di a debbulezza ideulogica è pulitica.

Un segnu in più.....

22.mandatu da pichjettu u 05/02/2010 13:27
i "mous" vs i "mous" !

Novu cumentu :