Accueil
Envoyer à un ami
Version imprimable
Partager

I gendarmi mancanu di plasticà... a posta !

L'affare pare tiratu da una BD di Pétillon, ma hè verità : Un pacchettu chì cuntenia materiale splusivu hè statu trovu da a posta. Prublema : u speditore era... a gendarmeria naziunale.



Sta volta ùn avemu inventatu nunda, basta à leghje u giurnale di dumenica scorsa :

Hè statu trovu da a posta un pacchettu splusivu. Ci hè vulsutu à chjamà i servizi di a pulizza è i deminori per fallu schjattà.

Prublema : u pacchettu hè statu mandatu da... a gendarmeria naziunale !

Si sò fatti sente l'impiegati di a posta chì torna appena ci passavanu è sò passati vicini da una catastrofa.

Ma quantunque, una posta chì averia fattu l'ogettu d'un plasticu venendu da i gendarmi, ùn ci mancava più ch'è quessa.


In sta storia ci fermanu calchi interrugazioni :

I gendarmi averianu rivendicatu l'attentatu ?
Si tratta di i gendarmi canale stòricu o canale abituale ?
Emile Zuccarelli averia fattu un cumunicatu pè cundannà u l'attentatu ?
A DNAT averia perchisissunatu a gendarmeria, purtendu in Parigi i gendarmi, mani liate è ochji fasciati ?
Chì n'averia pensatu Bernard Bonnet ?

Tante dumande senza risposte...

u 9 di Maghju 2008
U Sgaiuffu



1.mandatu da Antò u 09/05/2008 12:14
Eiu pensu chi ci vole a fà prelevamenti ADN per tutta a giandarmeria...

2.mandatu da ribella u 09/05/2008 17:22
Seranu terruristi i giendarmi ?
E ! si ponu chjamà cusi i sullati chi accampanu u paese chi era a prima nazione democratica di u mondu !
U paese induve sò nati i diritti di l'omi !

3.mandatu da Studientinu u 10/05/2008 01:31
I diritti umani, a Francia ùn le cunnosce... I giandarmi in priggiò !

4.mandatu da CRUCHOT u 10/05/2008 01:54
allora ùn ci hè micca che u FLN chi plasticheghja e poste ?

5.mandatu da Grasselli u 10/05/2008 15:16
Dapoi u tempu ch' è no dimu ch' elli sò coni sti gendarmi....

Novu cumentu :