Accueil
Envoyer à un ami
Version imprimable
Partager

I grevisti di Corti : "vulemu sveglià e cuscenze"

Per una volta, una manifestazione naziunalista ùn s'hè micca finita in baruffe. A greva di a fame di i giovani militanti di a Ghjuventù Indipendentista in Citatella di Corti hà surpresu à tutti. E so rivendicazione sò quelle chì sò state vutate da l'eletti di a Corsica è a so azzione ci pone parechje dumande : chì fà di pettu à u silenziu di u statu ? È chì ponu fà i Corsi oghje, chì si sentenu minacciati più ch'è mai, per fà sente a so voce, mentre ch'ellu cresce l'addisperu ? L'avemu postu unepoche di dumande. Eccu e so risposte.



Perchè fate sta greva ?
Perchè avemu digià pruvatu guasi tutte e forme di mubilizazione è chì oghje, a gravità di a situazione ci cunduce à andà più luntanu.

Pensate veramente ch'elle ùn c'eranu più d'altre suluzione ?
Manifestazione ci n'hè statu, incù o senza azzuffi, reunione è addunite dinù. A risposta hè sempre a listessa, u disprezzu. Sta volta quì pigliemu rìsichi fìsichi da fà capì à a ghjente chì ghjè ora di sorte a Corsica da a situazione attuale.

Ch'aspettate ?
Dumandemu un incontru incù un rapresentante di u Statu cumpetente, è chì puderà fà avanzà e nostre rivendicazione. Dumandemu dinù à l'eletti di mubilizassi per a prima volta in carrughju di manera unita.

Ùn avete micca paura d'una ricuperazione pulitica ?
Tutti quelli chì anu vutatu e misure ch'è no difendimu sò venuti à vedeci. Dunque ùn pudemu teme una ricuperazione. D'altronde, noi stessu simu un muvimentu puliticu, è e nostre idee sò chjare. Simu è staremu a Ghjuventù Indipendentista.

In Corsica e riazzione parenu pusitive. Ma nunda in i media francesi. Allora chì hè a via avà ?
A mediatizazione cuntinuveghja è cresce in i media, ancu francesi è internaziunali. Ma u nostru scopu hè dinù di sveglià e cuscenze in Corsica, è què pare ch'è no simu in traccia di riesce.

Si dumanda a ghjente dinù chì si pò fà per aiutavvi.
Simpliciamente di vene à susteneci in Corti, è fate passà u missaghju ind'è vostre famiglie è i vostri amichi è fà ch'ella ùn ghjovi à nulla a nostra azzione.



Un'addunita di sustegnu hè prevista sabbatu, à partesi da 7 ore di sera in Citatella.

u 25 d'Aprile 2015



1.mandatu da patriziu u 25/04/2015 15:20
BRAVI.

tutti in Corti sta sera per susteneli. HE ORA DI MOVESI

2.mandatu da luca u 26/04/2015 03:46
E bellu ciò chi facenu sti giovani e per una volta senza violenza ma c'è una cosa chi ci vole a capì u statu ùn e micca qui per aiutaci a salvà a nostra lingua se la vullimu salvà ci tocca a noi di falla campà

3.mandatu da pantalacci carole u 26/04/2015 15:45
je soutien les jeunes

4.mandatu da claude u 26/04/2015 20:20
indipendentisti chi dumandenu un 'statut resident' un ci he micca un prublema ?

5.mandatu da è mi ritirgu u 26/04/2015 23:47
ha ragio claude. ci vole andà piu luntanu ch'e u statutu di residente. chi ghjè 5 anni di residenza? nunda.

6.mandatu da estrimei u 27/04/2015 08:07
"indipendentisti chi dumandenu un 'statut resident' un ci he micca un prublema ? " dice Claude , seranu indipendentisti micca naziunalisti ?

7.mandatu da u frullu u 27/04/2015 08:08
chì ponu fà i Corsi oghje,?
moviti e u celu t'aiutàra!
u statu un hé cumpetente, per fà l'avvene di u populu

svegliàte e vostre cuscenze

8.mandatu da Ghjuvanluca u 27/04/2015 09:38
Sustegnu da Cagliari Fratelli.

9.mandatu da Roby u 29/04/2015 20:11
Perché censurate?? io sostengo e voglio bene al popolo Corso e alla Corsica, e odio il francesi.

Novu cumentu :