Accueil
Envoyer à un ami
Version imprimable
Partager

I guignols à a CTC

Eccu una videò messa in linea nant'à Youtube. Semu felici d'amparà chì i nostri eletti si ralegranu di i e so elezzioni degne di Bokassa. Per infurmazione, li vuleriamu ramintà ch'intantu, u populu ellu, strazieghja di più in più, ch'ellu cuntinuveghja u sottu sviluppu di a Corsica, chì a nostra giuventù hè addisperata, ch'ellu diventa sempre più duru di truvà un travagliu, chì l'internu si viota, chì a nostra lingua è a nostra identità si morenu, chì u nostru ambiu hè minacciatu, ch'è no ùn semu più maestri di a nostra terra, chì e nostre coste sò bettunizate, chì a mafia s'impatrunisce di tuttu, chì l'acculturazione di u populu s'accelereghja, chì...

Ma spartemu a so gioia. Jerôme è Antoine anu fattu 85 è 90 per centu. Ange hà fattu menu, ma hà una scusa : "avia un'opposizione". Bravi !




u 16 d'Aprile 2008
U Sgaiuffu



1.mandatu da stumaghatu u 16/04/2008 20:22
chi scumpientu sti tippi....

ma fidighjate cum'elli so cuntenti !

50 anni ch'elli so à u putere, vendenu a corsica à i strangeri, u nostru populu si ne va à caternu, è elli, so felici...

BASTA A CUMEDIA

2.mandatu da u corsu u 22/08/2008 20:08
santini,chi putenza e passatu in calvi , contra a ellu c'era una pochi di suméri:800 voce.

3.mandatu da Fafanellu u 23/08/2008 11:58
I servi d'u culunialisimu sò fieri, sò belli, sò ricchi, t'ani amichi, si techjani...è l'alizzioni sò sempri un piacè pà pudè veda com'ella hè bella a notra dimucrazia ! Pudemu dinò ramintàsi chi à l'Università c'era un'unica lista ! Evviva a dimucrazia ! République bananière sempri viva !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta