I media corsi nant'à e rete suciale

Qualchì settimana fà, France 3 cunsacrava un'emissione à e rete suciale ma si sbaglia in i so sciffri.

Avemu dunque turnatu à fà i conti di l'abbunati d'ognunu pè e pagine Facebook è i conti Twitter, eccu i risultati.

In fine di contu, u media corsu chì arregistreghja a più forte audienza nant'à e rete suciale hè u situ... Corsica Infurmazione chì cunnosce un grande successu nant'à Facebook.

Corse-Matin hè primu nant'à Twitter ma hà pocu fans nant'à Facebook.

Finalmente, A Piazzetta si porta abbastanza bè nant'à Facebook (terzu daretu à Corsica Infurmazione è Alta Frequenza) è nant'à Twitter (terzu daretu à Corse-Matin è Via Stella).

Alta Frequenza marchja forte nant'à Facebook.

Corse Net Infos hè di più in più seguitatu è reattivu nant'à u net, hè in traccia di diventà una riferenza pè l'attualità.

France 3 Corse hè assai presente nant'à Twitter. RCFM s'hè infine lanciatu è hè di più in più reattivu à l'attualità, ma hà pigliatu u ritardu nant'à l'altri.

D'altri media cunnoscenu un bellu successu cum'è Corse Sports (più di 6000 fans nant'à Facebook). U Journal de la Corse è u mensile Corsica ùn anu micca conti nant'à e rete suciale.

Eccu u ritrattu di a situazione à u 23 marzu 2013. Ma cum'è sempre, a verità d'un ghjornu ùn serà micca quella di dumane, talmente e cose vanu in furia in u duminiu d'internet.