Accueil
Envoyer à un ami
Version imprimable
Partager

I ministri sò venuti in vacanze in Corsica è semu cuntenti per elli

Ùn ci hè mai statu tantu ministri in vancanze in Corsica. U paese li piace, u sole dinù. Pè u restu, ci vulerà à aspettà.



Ùn ci hè mai statu tanti ministri in vacanze in Corsica. Un quartu di u guvernu, ci dice Corse-Matin.


Certi ne anu prufittatu per fà appena di cumunicazione cù i media nustrali.

Hè u casu per esempiu di Benjamin Griveaux, secretariu di statu pè u ministru di l'ecunumia è di e finanze, chì hà visitatu l'usina di l'acque di San Ghjorghju.



Hè statu cuntentu. Hà dettu ch'ellu era "une très belle réussite industrielle" è "un autre visage de la Corse, loin des atouts traditionnels de l'île comme le tourisme ou le bâtiment".

Ma hà tenutu à ùn dì nunda nant'à a pulitica di u guvernu pè a Corsica.

"Les discussions entreront dans le vif du sujet en décembre, après les élections territoriales, assure le secrétaire d'État" scrive Corse-Matin.

Originaria di Sotta, a secretaria di statu à l'egualità trà donne è omi, Marlène Schiappa era in casa soia. Ma per ella dinù, nisuna traccia d'un discorsu novu.




Abituatu à passà e so vacanze in Quenza, Nicolas Hulot hà tenutu à vede i disguasti di u focu.


Ma nunda di novu per ciò chì hè di mezi suplementarii di lotta contr'à i fochi.

A ministra di a salute Agnès Buzyn hè andata à vede l'ospidale di Bastia.


A so visita era siguramente simpatica, ma quì dinù nunda di novu per ciò chì tocca à mezi suplementarii.


Infine, u porta parolla di u guvernu, Christophe Castaner s'hè cuntentatu d'una riunione di campagna in Bunifaziu.


L'apperitivu era simpaticu. È hà finitu per dì chì : "Je vais être clair, ce n'est pas au milieu de ses vacances qu'on s'occupe de la Corse".


Ritrattu Twitter / @OrsucciJC
Ritrattu Twitter / @OrsucciJC
Semu felici pè u so brunzagiu. Pè u restu, aspetteremu...

u 20 d'Aostu 2017


Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta