Accueil
Envoyer à un ami
Version imprimable
Partager

I partigiani di "le français pour tous"

U 25 d'aprile, a CTC si prununzierà nant'à u prugettu di cuufficialità. U populu dice vulè salvà a so lingua. È i so eletti ?



Nant'à u striscione di Bastia 1905 : "CTC : u 25 d'aprile, state à sente u populu, vutate a cuufficialità per salvà a lingua corsa".
Nant'à u striscione di Bastia 1905 : "CTC : u 25 d'aprile, state à sente u populu, vutate a cuufficialità per salvà a lingua corsa".
Nanz'à a partita Bastia - Lille, un striscione cupria tutta a lungura di a tribuna Sud di Furiani. Nantu si pudia leghje : "CTC : u 25 d'aprile, state à sente u populu, vutate a cuufficialità per salvà a lingua corsa".

U messagiu s'addirrizza à l'eletti di a CTC chì u 25 d'aprile anu da dibatte di u prugettu di cuufficialità, purtatu da Pierre Ghionga. Nant'à u situ CNI, prevene digià : « Ceux, qui sont contre la coofficialité, sont contre la langue corse ».

Nant'à stu prugettu, s'hè intesu di tuttu : dangereux, discriminatoire... è avemu ancu avutu i nostri indignés (avemu l'indignés chè no meritemu).

Purtantu, in stu prugettu ùn ci hè nunda di chè spaventassi. Jean-Baptiste Luccioni (Corse social démocrate) parla ancu di "révolution de velours" in Corse-Matin.

Nò, l'abitanti di stu paese ùn seranu micca furzati d'amparà u corsu à colpi d'Assimil, ch'elli ùn s'inchietinu.

Ma di siguru, cum'è da per tuttu, ci sò l'accaniti di u "français pour tous".

Una lingua hè in traccia di more ? Chì pò fà ? Elli rispondenu "discrimination". È perchè micca Apartheid postu chè no ci simu ?

Li parlate d'una lingua minacciata, chì ancu l'UNESCO a dice ? Elli rispondenu "On ne sauvera pas le corse par la contrainte". Di siguru. Ma hè "par la contrainte" chì a Francia l'hà stirpata.

Ma a pruposta a più rivuluziunaria hè siguramente quella di François Tatti : "Obligation de l'offre, liberté de choix". Detta altrimente vole dì... ùn scambiemu nunda. Postu ch'ella hè a situazione attuale (u corsu hè insignatu in tutti i stabilimenti, ma ùn hè obligatoriu). Eccu cum'ellu si piglia a ghjente per buchje di pomi...

È sapemu dinù chì u sistema attuale ùn marchja più (circa 80% di l'elevi facenu corsu in sesta, si ne perde assai in scola di quarta, è guasi più nunda in liceu), è ch'ellu ci hè bisognu d'andà più luntanu sè no vulemu salvà ciò chì ferma di sta lingua.

"Oui mais c'est pas la cooficialité qui sauvera la langue corse" (bella scusa per ùn fà nunda) rispondenu in ultimu argumentu addisperatu. Nò, quessa a sapemu. Ùn sò micca e stituzioni chì anu da salvà u corsu. Tuccherà à u populu di sceglie s'ellu vole parlà è salvà a so lingua ("rien ne vous empêche de parler" dicenu i sempiterni azezi). Ma dop'à duie centu anni di travagliu accanitu pè stirpalla è disprezzalla, ci vole un "pianu Marshall" pè salvà ciò ch'ellu si pò salvà, chì a situazione hè pessima.

Ci vole à sapè ch'ellu ùn hè micca impussibule ; hè l'esempiu di u gallese chì torna à vince i locutori dop'à una morte assigurata.

Ma per quessa ci vole a vuluntà pulitica. Ci vole à crede dinù chì parlà duie lingue hè una ricchezza, ch'ella hè un'arnese straordinariu d'integrazione di l'altru, è un'apertura reale nant'à u mondu latinu (700 milioni di locutori), è micca una chjusura.

I Corsi ne sò cunvinti (da leghje : 90 % des Corses sont pour le bilinguisme nant'à CNI).

È l'eletti ? Videremu u 25 aprile.

u 22 d'Aprile 2013



1.mandatu da filanciu u 22/04/2013 21:45
Tatti, Mineo, Michel Stefani, a CGT, le gros Berlinghi du SNES..... Un jour vos petits enfants vous demanderont pourquoi vous avez laissé mourir la langue corse. Et vous aurez l'air bien con en disant "mais tu comprends, tu vois pas que c'est discriminatoireuh !!!"

L'aghju scritta in francese per chi sta povera ghjente capisca.

2.mandatu da carbone2a u 22/04/2013 22:42
Ma c he assai corsi chi piglianu a carta di a cgt, ci n he ancu assai corsi chi vutenu per u pcf ! So numerosi i corsi chi si n impipanu di tuttu !

3.mandatu da Indria u 23/04/2013 00:24
Se semu in una demucrazia, cù 90% di a ghjente à prò di a lingua, Tatti è tutti l'altri devenu esse spazzulati.
Se elli paralizeghjanu l'affare, allora vole dì chi ùn c'hè demucrazia.

4.mandatu da Ghj. u 23/04/2013 01:10
si u prugettu di cuufficialità ùn hè micca vutatu, vulerà di ch'ellu ci vulerà à mette i pattoni.

i nostri eletti anu una grossa responsabilità davant' a elli. averanu da lascià passà sta scenza storica di fà infine qualcosa di pusitivu in a so vita ???

Zuccarelli, Tatti, ATTENTI A VOI

5.mandatu da ANTO u 23/04/2013 05:03
So di l'avvisu di Filanciu ,u némicu hè internu !Mandemu i cumunisti indè Putin !

6.mandatu da Gallura u 23/04/2013 06:36
In bocca al lupo dalla Sardegna!!!

7.mandatu da guigliutina... u 23/04/2013 08:32
A quelli chi parlanu di "dicriminazione" quandu si tratta di parlà corsu, dimuni qu'elli anu a raggio.....cusi un averemu più dà cuntrastà inutilmente....eppo li dicu di capia appena a custituzione francese, ùn hè una Bibia quantunque....

@ Anto Mancu Putin un né vole più di sti cumunisti...un né vole più nimu d'altronde, fora di a franciaccia paese di Ropespierre.....

8.mandatu da guigliutina... u 23/04/2013 08:34
* dimuli

9.mandatu da Capicursinu rancicu u 23/04/2013 09:58
Stu Michel Stefani di merda, ch'ell'andessi a campà in un paese cumunistu è ch'ellu si fessi tumbà quallà chì li staria bè !!

10.mandatu da Indria u 23/04/2013 11:21
Stefani : 6%
Tatti : 6%
Sò elli chi hanu da decide ?

11.mandatu da henry smart u 23/04/2013 13:32
Ghjovi, ci vole à esseci, davanti à l'assemblea !

12.mandatu da bastiacciu stortu u 23/04/2013 14:02
In Corsica ,e linguè prioritariè annu da éssè u francèse e l'arabu ... ô Corsi simu lecchi...!!....

13.mandatu da Pietro Mastroleo u 23/04/2013 14:08
Trovate una soluzione al male intrinseco ed isolatelo una buona volta per tutte

14.mandatu da buzz a saetta u 23/04/2013 14:28
Sò d'accunsentu cun tè o Henry. Chè tutti quelli chì ne anu a pussibilità andessinu ghjovi davant'à a CTC cù e sciarpe di Parlemu Corsu da appiccicà nant'à e griglie.

15.mandatu da Lisandru u 23/04/2013 16:34
Eiu mi dumandu s'elli so cusi coni o s'ell' u facenu appostu. Sta lingua hè intraccia di moresi cu locutori di menu in menu numerosi, colpa à u sviluppu di a francisata cu i genitori chi dicenu a i so zitelli "mais ça sert à rien le corse" è elli parlanu di discriminazione. Ah ma quandu i francesi ci impedianu di parlà corsu cu colpi di bastò o di regule in ferru à scola un era micca un fattu di discriminazione ? Innoooooo, chi què ghjè nurmale "la seule langue de la republique est le français voyons" tutt' u mondu a sà.

16.mandatu da Goldoraku u 23/04/2013 17:37
Ie so d'accordu cu voi ! Ci volu chi a mane a bon'ora tutt'a ghjente si ritruvessi davant'a a CTC !!!

17.mandatu da maestru-shinigami u 23/04/2013 20:29
C he qualqui eletti corsi chi si credenu boni suldatti francese parlendu di a lingua corsa cum una minaccia per u francese, ma podessa chi deverianu sulamente esse "elettu di u populu corsu" e defende i corsi, a so lingua e a so cultura !! Chi vargogna !

18.mandatu da Ubabbu u 24/04/2013 07:07
Bellu articulu. Possu micca dì megliu. Cuntinuate u vostru travagliu. Quandu, un ghjornu a lingua serà viva, speremu,ci serà una statua per a Piazzetta nantu à e piazze di e notre cità.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta