Accueil
Envoyer à un ami
Version imprimable
Partager

I pratichi sissuali : masci vs femini…

Omini-donni : in lettu, u sessu ùn faci più a difarenza !



Lighjendu i nutizii nantu à a paghjina attualità di google, cum’è tutti i mani, sò cascata nantu à un articulu propiu intarrissanti, ricacciatu da u situ di Libé’ : « Sissualità : Un studiu impurtanti palesa un avvicinamentu di i cumpurtamenti » trà omini è donni. Si tratta quì di una inchiesta nantu à un finominu di sucetà, è più pricisamenti nantu à l’attitudini sissuali di i Francesi oghji dì.

Cunnilinghi, masturbazioni, bigamia, fideltà, umusissualità, Internet… Una dicina di circadori ani scavatu tuttu ! Si vidi in issu studiu chì i cumpurtamenti di l’omini è di i donni si cunfundini di più in più. Ciò ch’ùn impidisci micca à i più ghjovani di pinsà sempri chì «l’omini ani di più bisogni sissuali ch’è i donni». È parchì, soga ?!!?!!

L’Enquête sur la sexualité en France hè stata publicata u 13 di marzu… Quiddi chì ùn coprini mai ani da aspittà davanti à i librarii par cumprà issu libru, circhendu à capì parchì ùn coprini mai… Forsa, si sintarani menu soli sapendu chì ci ni hè altri chì sò in a stessa situazioni… Saparanu ancu quantu iddi sò ! Waouu waouu !!

Ghjochi sissuali…

Più ch’è nanzu, i ghjochi sissuali si diversifichighjani è supra à tuttu ind’è i donni. In u 2006, 60 % di i donni dichjarani essa ci masturbati (90 % di l’omini) inveci erani 16 % in u 1970. Dichjarani più spirienzi umusissuali chì nanzu. A suchjata è u cunnilingu sò duvintati pratichi currenti (pà i dui terzi di l’omini è di i donni). Inveci a sudumia ùn hè micca intruta « in u ripertoriu urdinariu di i coppii». Un terzu di i 18-24 anni si hè cunnittatu nantu à siti di scontri. In u 2006, un omu nantu à dui fighjula di modu rigulari un filmu X, è una donna nantu à cinqui. I scontri trà coppii ùn si sò micca sviluppati, è u ricorsu à a prustituzioni hè stabili dipoi u 1992.

I tempi sò cambiati, i pratichi è i ghjochi sissuali sò cambiati, i mentalità sò cambiati, no dinò semu cambiati… Ùn ci hè ch’è nantu à Infcor, a banca di dati di a lingua corsa di l’Adecec (ancu assa ch’iddi ci sò !), chì nunda o guasgi nunda hè cambiatu nantu à u lessicu di u nosciu sughjettu : circheti puru paroli francesi da traducia in corsu tali è quali « cunnilingus », « fellation », « masturbation », ùn ci sò micca… È puru, aveti da truvà a traduzzioni è a difinizioni di « sodomie »… Da rifletta ci !!!

Eccu un bigliettinu micca scrittu, pà una volta, da un masciu : hè a boci di una femina chì si sprimi quì, chì difarenzi trà omini è donni a piazzetta ùn ni faci micca… ! Infini, mi pari !

Iè, a parità ci hè quì dinò… Ci hè daparttuttu ! Chì avà par no, i donni, ci facini legi nantu à a parità è ghjurnati di a donna (8 di marzu) par dà ci l’imprissioni ch’è no semu cunsidarati quant’è l’omini, ma cuntinuighjani à pagà ci 20% di menu ch’è iddi pà u stessu impiegu !!!

Qualchissia m’hà dittu chì i donni ùn manifestaiani micca a brama di sprima si com’è l’omini… Bon ci voli à dì chì si pagà pà essa « publicata» quì, ma què hè nurmali, innò ? (Taroccu !) S’è no fussimi tippi si saparia… Ùn hè ?!! Allora !!!!!!

Di più, aghju intesu una volta chì i donni ùn sapiani micca scriva di modu « macagna »… È ancu puru, di tutta minera, aghju intesu dinò chì ùn ci ni era micca chì t’avianu un liveddu equivalenti à quiddu di l’omini… Ùn la sapeti micca chì l’urtugraffia, a sintassa, a macagna è l’usu di u tonu satiricu, ma supra à tuttu a riflissioni, sò duminii risirvati da/di l’omini… !!

Comu ? Difarenzi trà l’omini è i donni ùn ci ne hè ?! Ancu assa chì ci ni hè. Ùn aghju micca a vodda di essa un omu (cf. inchiesta più sopra !) !

È pà a to infurmazioni, o Sgiò Misuginu, tù chì piddi i difarenzi di i donni pà dibulezzi, circa puru a difinizioni di a parola misandria è ai da capì ch’è tù ùn se più solu… Certi donni sarani più virulenti ch’è tù incù i to difarenzi !!!

Missaghju pà l’omini : quiddi chì si amuffani lighjendu issu articulucciu mi darani un argumentu pà dì chì sò i tippi chì ùn ani micca u sensu di a macagna… Sarà un uccasioni di fà bugiardà quiddi chì pensani ch’iddi t’ani u munupoliu di u scherzu !!!

u 13 di Marzu 2008
Berta



1.mandatu da Petru-Anghjulu u 14/03/2008 12:15
A ognunu a so piazza in a suceta...

2.mandatu da ribella u 14/03/2008 16:28
Sera veramente finitu u tempu chi Berta filava, pè puntelli cume sempre , un c'hé che da fighja i candidati in testa di e liste!

3.mandatu da ribella u 15/03/2008 17:26
E di e pratiche chinesi à u TIBET chi ne pensate?
A risposta hè forse a listessa.

4.mandatu da u panzarottu u 17/03/2008 16:41
U peghju, sò e pratiche di i monachi tibetani. Pare ch'elli serianu... cum'è Pasquale Paoli...

5.mandatu da ribella u 18/03/2008 13:22
Liberta!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta