Accueil
Envoyer à un ami
Version imprimable
Partager

I sapientoni battenu a sega à i sumeri (ma ghjè pè a scenza)



I sumeri anu da sparisce. Ùn parlemu micca di i baulloni, di e narpie, di e zucche, di l'imbecili, di l'abruttiti chì bollenu ma di i nostri cumpagni à quattru zampe, quelli chì runcavanu à più pudè in lu chjosu di a nostra zitellina. D'altronde l'asinu è u connu ùn si pone cunfonde : l'unu arreca e legne o e castagne è l'altru ci arreca a pena in capu o u vòmitu.

Tutte e razze sumerine (da a China à u Poitou) sò minacciate ma i sapientoni di l'INRA anu trovu una manera d'arricoglie li « ovocytes d'ânesses » (ok, ùn battenu micca a sega à i sumeri ma...) è dunque di permette a ripruduzzione di e razze. Ùn cunniscimu micca i detagli ma ci pare esse una bella nutizia.

Seria un peccatu chì u sumere nustrale sparisca nanzu chì a « razza corsa » sia ricunnisciuta da i « haras nationaux »…
U destinu di u sumere s'assumiglia assai à quellu di u populu corsu. Simu fratelli di lotta.

Da leghje nant'à u situ di l'INRA : Une première mondiale pour la sauvegarde des races d’ânes sauvages et domestiques

A pagina Facebook di l'associu A Runcata
Ritrattu Flickr Scrambledspirit
Ritrattu Flickr Scrambledspirit

u 19 di Marzu 2016
Zenbucucciu



1.mandatu da intallonecisoisumeri u 19/03/2016 19:24
troppu forte o Zenbù

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta