Accueil
Envoyer à un ami
Version imprimable
Partager

Imprigiunati per avà manghjatu figatellu crudu ?

"L'affaire du figatellu" ùn hè ancu à compie. Avemu amparatu sta settimana chì i ministeri di a salute è di l'agricultura ricummandanu d'ùn più manghjà figatellu crudu. Nanzu chì quellu di l'interiore è di a ghjustizia piglinu a seguita ?



Imprigiunati per avà manghjatu figatellu crudu ?
Hè dunque officiale. N'aviamu parlatu pocu tempu fà : manghjà figatellu crudu hè periculosu è risicate di chjappà l'hépatite E. I ministeri di a Salute è di l'Agricultura anu fattu un cummunicatu, o piuttostu un "mode d'emploi" di u figatellu : ci vulerà chì a frasa “à consommer cuit à coeur” sia purtata nant'à l'etichette.

In piena psicosa nant'à a grippa messicana, eccu chì avà hè u figatellu hà da fà nasce l'angoscia.

Si parla ancu d'un prugettu di lege per impedisce a cunsumazione di figatellu crudu. Quellu chì saria chjappu in traccia di manghjanne rìsica 2 anni di prigiò è 10 000 euri d'amenda. A pulizza hè pronta à fà falà e bastunate.

Ma a resistenza s'organizeghja. Un pruduttore d'Alisgiani s'annerba : "Cumu ? Sò i pinzuti à amparacci cumu ci vulerà à manghjà u nostru figatellu ? Ch'elli vènghinu à circammi, l'aspettu !"

In Vallerustie, spiega un purcaghju : "Anu fattu n'importa chè cù a robba purcina. Cù i porchi chinesi, u business di u figatellu hà pigliatu a suprana nant'à a qualità. Vi rendite contu, ci hè ancu una usina di figatellu industriale in a banlieue di Marseglia !"

Allora, nanzu di cede à u spaventu di u figatellu cuntaminatu, resistite ! Sceglite bè a vostra carne purcina è ùn appiate paura di dilla : "anch'eiu manghju u figatellu crudu !"

u 22 di Maghju 2009
U Sgaiuffu



1.mandatu da capinera u 22/05/2009 21:36
a saperà Audiard di manghjà u figatellu crudu cio ch'ellu face : stronzi d'oru !! n'aghju mandatu un chilo à barbier, ch'ellu crepessi!!!

2.mandatu da estrimei u 23/05/2009 08:53
he u vallerustiaccia chi ha a a raggio !
si a carne purcina era fatta cum'ellu si deve 'ncu porci alevati a usu nustrale, un ci serianu tutte ste carnavalate !
ié , o Sgaiu',so d'accunsentu 'ncu tè, nanzu di ghjitta soldi , fate casu a a robba che vo cumprate!

3.mandatu da in cauda venenum u 23/05/2009 10:08
DI CIO CHI HE FATTU IN CORSICA MANCU 10% HE FIGATELLU POCA MANGHJERIA QUELLA DI A SCIARCUTERIA CORSA MAGUGLIE E CUMPAGNIA IN CORSICA CULTURA AGRICULTURA MERDA OGUALE

4.mandatu da filidatu u 23/05/2009 11:37
hè vera chì tutta 'ssa carne purcina industriale hè un stumacheghju §
Avà una piccula currezzione mi pare chì a parulla "banlieue esisti in corsu si dicerebbe e furagne

5.mandatu da Capicorsu u 24/05/2009 15:32
Ma cosa ghjè issu puttachju di a ghjente chì manghja u figarettu crudu? Ci vole à esse tonti, nò? A diceanu i vechji chì u figatellu agna ch'ellu fussi bè cottu. In Capicorsu, noi chì emu u capu in senna, u figarettu u manghjemu cottu è di porcu nustrale. E quelli chì compranu porchi in China, ùn hanu chè da vende u so figarettu quallà, à i Chinesi. Eppo quale hè chì sà sè, ciò ch'elli vendenu i Chinesi per maghjale, ùn fussi carne di cane???? Aghju da piattà u meiu in qualchì scornu bughju. Un si sà.

6.mandatu da heliofobu u 24/05/2009 16:19
Ghjè vera chi, sarebbe piutostu u fitone di li nostri amichi suttanacci chi si manghja crudu, innò ?

7.mandatu da u casinchese u 24/05/2009 19:03
Sò d'accordu cun ciò ch'ellu dice u nostru amicu di e Vallerustie,hè una vergogna per noi altri pruduttori è cunsumatori di truvà figatellu pruduttu in cuntinente,ma chì vulete nimu s'accuncià per fà un IGP (Indication Géographique Protegée) allora tandu ùn ci vole micca à lagnà s'è d'astri ci chjappanu u marcatu...

8.mandatu da hank appata u 24/05/2009 20:41
TUTTI AVEMI MAGNATU FICATEDDU CRUDU !!!!

9.mandatu da Cathal Brugha u 25/05/2009 12:14
I francesi mi facenu ride.

Piutostu chì d'accupà si di i nostri figatelli ferianu megliu di piantà si di metti i so ciucci inn'i congelateur.

Ma forse ghjè una quistione di priurità...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta