Accueil
Envoyer à un ami
Version imprimable
Partager

In Ascu, una vacca ùn ne pò digià più di i turisti

Vacca 1, Turisti 0. Annu passatu c'era statu l'episodiu di u sumere di U Spidali. Avà tocca à una vacca aschese di sprime a so scuntentezza di vede i turisti impuzzicalli a vita.



In Ascu, una vacca ùn ne pò digià più di i turisti
U contu Twitter Corse Tourisme l'avia purtantu prevenuti ch'ellu ùn ci vulia micca à vene.

Stu luni matina, hè Corse-Matin chì annunzia a nutizia : Une vache chasse des touristes à Asco. L'infurmazione hà sucitatu una grande inchietutine in u mezu di i turisti. In i campings di a regione, sò tutti abbambanati.

Ch'averanu fattu sti poveri turisti per mette in zerga a vacca d'Ascu ? L'averanu pigliata in ritrattu ? Serà a techja di a cumbinazione saccadò-tongs-calzette ? O forse li averanu parlatu male ? Averanu cacciatu un numeru di L'Express o una sciarpa rossa di Christophe Barbier ?

Aspettemu l'inchiesta di a pulizza. Per avà, nisuna vacca hè stata arrestata.

u 2ndu di Ghjugnu 2014



1.mandatu da aschese u 02/06/2014 12:16
Quì aspittemu u GIGN

2.mandatu da turchinu u 02/06/2014 12:37
E vacche corse anu tenutu a capacità à rivultassi

E l'omi ?

3.mandatu da oscarucciu u 02/06/2014 14:27
E vera Turchinu, e so cunvintu chi sta vaccina era di razza corsa ( e omancu meza corsa) e micca di ste razze "limousine" o " charolaise" chi un sentenu di nunda ( e so poche adatte a i nostri elpali..) mà a ghjente un si po piu rivultà.....ci si vole l'autorizazione di certi "capizzoni" francesi....

4.mandatu da FBI u 02/06/2014 20:13
forse vene da Siria, nò??

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta