A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

In Corsica ùn avemu micca petroliu, ma avemu u bettonu

Piana, Coti Chjavari, Figari... Hè u grande ritornu di a pressione di u bettonu.



"Iè ma capisci, ça va créer des emplois". Ma per quale ?
"Iè ma capisci, ça va créer des emplois". Ma per quale ?
Ciò chì face chì i turisti anu u laziu di scopre a Corsica, hè a nostra natura salvatica è u nostru liturale più o menu priservatu (o ciò chì ne ferma), unicu in u nostru scornu di Mediterraniu.

Ma quandu l'astutoni averanu arruvinatu u pocu chì ci ferma, a Corsica serà sempre attrattiva ? Quandu a Corsica s'assumiglierà à a Côte d'Azur, chì serà l'interessu di u stu paese ?

Oghje hè u situ di a Testa Vintilegna, cumuna di Figari, chì hè minacciatu. Ma e cumune di Piana è di Coti Chjavari facenu pressione per rende custruttibili terre chì eranu prutette.

A Testa Vintilegna hè u sìmbulu di a lotta contr'à a speculazione è a pressione immubiliaria in l'anni novanta. I prugetti chì ùn si sò pussuti fà vinti anni fà sò di ritornu.

Hè per quessa chì u Cullettivu pè u rispettu di a lege liturale è parechje organizazioni pulitiche chjamanu à una merendella dumenica 21 aprile à partesi da 10 ore nant'à a Testa Vintilegna.

Dopu, ùn ci vulerà micca à pienghje.


u 17 d'Aprile 2013
U Webmaestru



1.mandatu da Lisandru u 17/04/2013 13:04
Sviluppu mafiosu, cume sempre

2.mandatu da buzz a saetta u 17/04/2013 13:35
eiu ùn ci puderaghju esse ci, ma pensu chè tutti i corsi chì tenenu caru stu paese devenu esse prisenti.

3.mandatu da stumacatu u 17/04/2013 14:24
Un locu di piu, salvaticu e bellu, chi mi piaceva assai, di persu...

Hè trista à di, ma fatte puru cio che vo vulette : hanu decisu e ci saranu construzione.

Paesu di m...

4.mandatu da ANTO u 17/04/2013 16:50
A manca hè cume a dritta di nanzu :prima u "buziness" .
http://www.blog-anto.be

5.mandatu da henry smart u 17/04/2013 22:26
Ci vole à esseci dumenica, punta è basta !!

6.mandatu da Altu Taravu u 18/04/2013 00:40
Poveru paesi, dumenica ci saremi!

7.mandatu da jean de navare et des environs u 19/04/2013 13:49
A corsica un'hé piu a corsica dipoi parechji anni ,forza ché no simu ubligati di riccunosce la. Cambia d'identita d' agropasturale ,simu passati terraimmobiliare ci si hé i soldi in verru a fa é e mentalita cambianu in listessu tempu ché l'usi aduprati
A maio parte di l"eletti so appughjati per e maffie ,chi u so micca qui pé nunda volenu impone un certu svilippu é fa pressione nanta l'eletti ,chi elli ohimé so veri pantin,chi in listessu tempu si techjanu anch'elli,cun a pulitica les copains d'abord é l'altri fame nera ,u ti voli micca sottumette tripa.
Participa a un'elezzione oghje a chi ghjovera s'ellu un'hé di mette in piazza ch'ellu sia per una banda o un'altra ghjente chi volenu fa affare é chi si tazzanu cumé cani famiti ,e l'eletti chi daretu chjamanu a fa pianta a viulenza ,no ma piglianu veramente i corsi per baulli o qué .
Eiu serebbi per e prussime elezzione di sta in casa é di fighja a a television a séria maffiosa hé guasi listessa affare.
Ci si hé po dassi una candella in stu bughju luminosu ,a famosa muralisazione di a vita publica ??
u pappagallu a ma detta

8.mandatu da Follorucciu u 19/04/2013 17:34
Iè Jean, hè vera, mà ti scordi d'agghjustà qualcosa : a cumplicità e u silenziu di certi...

9.mandatu da bastiacciu stortu u 20/04/2013 09:42
da qui a poccu i Corsi seranu cumè i Navajos .... indè è risèrvè......!!!

10.mandatu da stumacatu u 21/04/2013 11:44
"Indè e riserve"...?

Lampati fora d'u so locu, si !!

11.mandatu da a capra u 21/04/2013 21:13 (da un teleffuninu)
Mancu una parolla pe a mimoria di dume gallet... tuttu si perde ancu nanta a piazzetta!

12.mandatu da henry smart u 22/04/2013 00:00
Bella messa oghje in Riventosa per Dume, un omu generosu, militante di prima trinca à tempu di l'universale è di u lucale ! un omu simplice chi c'ha da manca, chi omu u cunnisciamu da un bellu pezzu o da pocu !!!

ps: un vale a pena di crea pulemiche inutile cu a piazzeta. Pensate chi ghje un'impresa cu centu persone chi travaglianu notte è ghjornu.

13.mandatu da il futuro e' nella natura u 24/04/2013 20:11
Mi raccomando sta bettunizzazione non si deve fare!!!
Sti luoghi devono rimanere riserva naturale!
Ogni anno ci faccio passeggiate d'estate in pieno rispetto di questi tesori!
Il litorale e la legge vanno rispettati!
Non è così che si muove l'economia e si crea lavoro per i giovani Corsi!

14.mandatu da lola u 13/05/2013 12:27
Heureusement que les patriotes corses se sont battus depuis 40 ans pour sauver notre terre de la spéculation, de l'état français, des clanistes de "droite" et de "gauche", de la banque Rothschild (désert des Agréates, une grande partie occidentale des Agriates, propriété des familles Casabianca et Rothschild, était vouée au tourisme. Un projet de 1 000 lits avait même été étudié aux abords de la marina de Malfalcu. C'était sans compter sur le Conservatoire du littoral qui a acquis ce territoire comprenant le vaste Domaine de Cavallare)., de l'escroc Flatto Sharon (Plaine orientale et Testa Vintilègne), dans les années 1970, ils ont fait marche arrière grâce à Aléria et aux mouvements patriotes qui ont suivi. Aujourd'hui encore on voit que les spéculation essaye de revenir en force en Balagne, à la Testa Vintilègne, grâce aux même élus claniste, ou à leur fils (qui prennent toujours leurs ordres à Paris ou auprés de leurs "amis" corses un peu sulfureux.....) Mais il y aura toujours un patriote ou une patriote corse qui se lévera, pour que nous ne devenions pas les "indiens de la Méditerranée". On ne peut compter que sur le peuple corse, ni sur les élus clanistes de "droite" et de "gauche", ni en l'état, Valls, et ses préfets aux ordres !

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city