Accueil
Envoyer à un ami
Version imprimable
Partager

In Pieve, e stàntare aspettanu u bus

In u paese di u Nebbiu, avà ci truverete un agrottu per prutege e trè stàntare prestoriche. L'avisi sò spartuti in quant'à l'estetica di u bastimentu, ma omancu sò oramai prutette...



In Corsica u bus ùn passa micca da per tuttu, ma avemu agrotti muderni per prutege e stàntare.

U ritrattu face surride, ma pone u veru prublema di a prutezzione di e stàntare. In Paddaghju, in Cauria, i detaglii di e sculture di e stàntare smariscenu sott'à l'azzione di u tempu. È ci vole à crede chì tuttu u mondu si ne impippa.

Bah iè, c'indignemu di Daesh chì sciappa e statue è minaccia a cità antica di Palmira, ma noi, simu capaci di prutegelu, u nostru patrimoniu ?

In Pieve, e trè stàntare (chì si chjamanu Bucentone, Murella è Mùrtola, di u nome di i lochi induv'elle sò state trove) si n'andavanu di male è c'era urgenza. Hè digià benissimu ch'elle sianu à l'agrottu, ma forse s'averia pussutu fà un bastimentu appena di più esteticu.

Nant'à u net, l'avisi sò diversi. Ghjudicate da per voi :

Ritrattu : Cateddu Muntaninu

Nanzu, eranu in paese, vicini di a chjesa :

In Pieve, e stàntare aspettanu u bus
Ritrattu : elizabethpardon.hautetfort.com

In u so articulu di u mese d'aprile di u 2014, l'autore di stu blog ci dice à prupositu di a stàntara di Bucentone chì :

"c'est un menhir anthropomorphe, mais ses motifs sculptés - arcades, nez, oreilles, pectoraux... ne sont plus lisibles : les trois statues ont été "protégées" par un enduit de résine (pour consolider la roche) qui a eu un effet inverse et catastrophique !"

Omancu avà seranu (appena) prutette. È per l'altre stàntare di Corsica, aspettemu chì u bus passi à piglialle ?


u 21 di Maghju 2015



1.mandatu da Giacomoni u 21/05/2015 08:25
Trè stantare o stantari trovi in territoriu cumunale di A Pieve messi in piazza di a chjesa San Chirgu (o Quilicu):
Murellu, versu Bocca à Murellu, cunfina di A Pieve cun Casta di Santu Petru di Tenda.
Mortula (incalcu nant’à Mor) chì vene da A Mortula, quaiò in centru di a piaghja di Nebbiu.
Bucentone, chì ghjera quassù in Bucentone monte vicinu à a bocca San Ghjabicu (San Ghjapicu, Saiabicu, San Ghjacumu) di Tenda. ‘Ssu stantaru hè statu rottu quandu l’anu falatu in paese.

Avà ùn temenu più i tempurali !

Luigi G.

2.mandatu da Azezu rancicu u 25/05/2015 17:34
Va bè prutegge e stantare ma... quandu passa u bus?

3.mandatu da O CORSU RIFLETTI u 26/05/2015 09:45
Circà un bus custì ghjè quantu à circà un bus in Perpetuu l’aliveti o in Bus tanicu.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta