Accueil
Envoyer à un ami
Version imprimable
Partager

Inalzamentu di l'acqua : marine solùbile è porti muntagnoli

Sprupòsiti ? Chì u mare cullessi in Boziu ? Chì u Monte Ritondu falessi in piazza à a ghjesgia ? Innò.



Ritrattu : corsicainfurmazione.org
Ritrattu : corsicainfurmazione.org
Dicìa a paghjella di l'amanti siguri :

« Quandu lu primu battellu
Cullerà per la Rasgina
Chì u paese di la Mazzola
Serà portu di marina
Tandu t'abbanduneraghju
La mio cara medicina ».


Ci simu o guasi.
Cambia u clima, colla u mare, l'acqua salita si rode u liturale, a costa rincula è Nettunu si lampa à l'assaltu di e pèndite. L'innamuratu chì cantava pò appruntà e so valisge.

Ma, serà una gattiva nutizia sì e marine spariscenu ?
Addìu i turisti, i camping trapupulati, e vacanze superficiale à fassi abbrunzà nant'à una servietta « palmi à u ciuttà di u sole », à fà Sudoku, à leghje Paolo Coehlo ; À vèdeci dinù, i cuncorsi di Miss Mini Short ind'è buatte, e camisge arrabiate di i DJ's, è paillotes « pedi in l'acqua » chì servenu figatellu di zebru è quinoa « made in Corsica », a musica electro bip-bip da stridà « ohimè », e butteghe chì vendenu cullane di curallu in plàsticu è e cultelle di pastore per affittà u Kiri.

Da l'altra parte, certi diceranu chì ballà scalzu è mezu spugliatu à tagliu di mare hè più sensuale ch'è una veghja à u fucone è chì un zitellucciu chì si face un castellu di rena cù paletta è rastellu, ci ralegra u core. Riflettemu una cria.

À longu andà, chì hà da diventà a civilizazione pasturale ? Si ferà a muntagnera in scooter di mare, a bastella à l'àlighe serà a spezialità niulinca è anderemu à piscà u cignale cù u tuba. Eccu.

Di sicuru i nostri eletti anu da abbraccià a cumplessità di u fenòmenu. Ogni decisione nantu u PLU a ci dimustrerà. Ùn anu micca da lascià l'Isula di Granitu diventà l' Isula di Zùccheru quantunque ? È u paese di Sambucucciu sdrughjesi in lu Mare Terraniu cum'è una pìllula effervescente ?

Da leghje :
Corse-Matin : Le littoral corse toujours plus vulnérable
U Levante : Corse, plaines orientales : alerte à la submersion marine
U Levante : Corse orientale: murs et digues de protection se multiplient sur les plages
U Levante : Érosion du littoral en Corse : Prévenir pour ne pas avoir à guérir ou pleurer

u 26 di Ghjenaghju 2015
Zenbucucciu



1.mandatu da claude e u 27/01/2015 09:01
eccu a verita, u fronte a lasciatu a piazza a un astru, u fronte di liberazione naturale di a corsa. chi sa. ellu ci ghjunghjera a fa sparisce e case

2.mandatu da Altu u 27/01/2015 09:24
chi u mare si ne porti tutte ste casacce di conni e i pinzutacci chi so nentru

3.mandatu da Altu u 27/01/2015 09:24
chi u mare si ne porti tutte ste casacce di conni e i pinzutacci chi so nentru

4.mandatu da Altu u 27/01/2015 09:24
chi u mare si ne porti tutte ste casacce di conni e i pinzutacci chi so nentru

5.mandatu da Altu u 27/01/2015 09:24
chi u mare si ne porti tutte ste casacce di conni e i pinzutacci chi so nentru

6.mandatu da sardu u 27/01/2015 14:23 (da un teleffuninu)
Bravu altu, DECISU!!
chi succederà fra tantu tempu, un preucupate vi!

7.mandatu da arena u 27/01/2015 17:38
a saperà u pinzutu, ùn la dice : "chassez le naturel, il revient au galop" o megliu" chassez le naturiste il revient au bungalow" ?

8.mandatu da claude e u 27/01/2015 23:41
a piazzetta guardate l articulu nantu a corse matin : 'le greta corse obtient le lobel langue francaîse d integration' . cume dice l altru : tuttu va be

Novu cumentu :