Accueil
Envoyer à un ami
Version imprimable
Partager

Induvinate a prùssima scruccuneria

Dopu à a droga in eliccòtteru, e manghjerie di u Cunsigliu Generale, i 300.000 eurò di preservativi è di "brumisateurs", circate à truvà chì serà a prùssima scruccuneria !



Induvinate a prùssima scruccuneria
Circhemu à fà un picculu riassuntu di ciò chì l'attualità ci hà offertu st'ultime settimane :

  • un eliccòtteru calcu à droga cù un anzianu presidente di càmera di cummerciu à bordu
  • una fucilata d'infernu à a Brasserie des Marronniers, in Marseglia
  • un scruccuneria tremenda à u Cunsigliu Generale, ligata à u bandittisimu internaziunale
  • un braccasgiu di e casce d'un macciu di u Sporting
  • una di ste manghjerie porta nant'à a compra di preservativi pè 150.000 eurò

Ci vole à ricunnosce chì i nostri trafficoni anu l'imaginazione. Per fà i so culpacci sanu esse originali. Chì tanti mascine à soldi, tràfficu d'arme, di droga è di burdelli. Oghje, i voyous nustrali s'empienu e stacche à colpi di preservativi fittivi è di falsi brumisateurs pè i vechji.

Ci vulia à falla !

Davanti à tanta putenza, difficiule d'imaginà chì puderà esse u prùssimu colpu...

  • Una manghjeria à colpi di cazzerole, di fattoghje è di pulendaghji made in Taïwan ?
  • E suvvenzioni pè a cultura di cannabis, guarantitu senza OGM ?
  • A fabricazione di bandere di a testa di moru, di magliette di u SCB è di "bleus de Chine" in l'attelli di Cosa Nostra o di a N'dranghetta calabrese ?
  • Una scruccuneria internaziunale di figatellu chinese pè i Corsi di a diaspora, fatti cun pezzi di pneus à u Gabon ?
  • I battelli di SNCM attaccati è messi à l'abottu da pirati in jet-ski ?
  • Un tràfficu internaziunale di false Meindl ?
  • Un'affare di Mouss'or falzificatu ?
  • Un trasportu di droga piattata in Birkenstock ?
  • Un tràfficu di cuccaina in e valisgie di u prefettu ?
  • Un trasportu di droga in e 4L di a gendarmeria ?

Cun elli, tuttu pò accade... È per avà a realità hè ancu di peghju ch'è quella di "Mafiosa", "Scarface" è "Les Charlots font des braquages" riuniti. À voi di truvà a prùssima malfatta !

u 19 di Nuvembre 2010
u webmaestru



1.mandatu da mrapu u 19/11/2010 08:50
E un "Hold Up eletturale" di Marina Le Pen à e prussime elezzione presidenziale..!!

2.mandatu da PULENDAGHIU u 19/11/2010 11:40
A a prossima fiera di a castagna in Bugugnà ,faté attenzioné di un cumprà droga in li sacchetti di farina castagnina.E ancu impulighiatté fatté di aschish nustralé.

3.mandatu da orsucciu u 19/11/2010 11:50
Trafficu d'erba trà Aiacciu è Sedan, Dijon, Laval...piattata ind'a barba d'Antò Lippini! =D

4.mandatu da anto u 19/11/2010 14:23
A prossima scruccuneria hè dighja in ballu ,hè u guvernu di Fion III.E capotè di u cunsugliu genérale serveranu pè fa i figatelli pè a "diaspora " e d'u mercatu pinzutu .Si mai un so mica boni si ne serveranu pè altra cosa !Ha ci avvianu prumessa :"le changement ....",parenu fole !!!!

5.mandatu da famiglia adams u 19/11/2010 14:29
e s'ellu s'ampara chi u veru sceffu di a brise de mer era Jean-Paul Israel ?

6.mandatu da PNCRI u 19/11/2010 15:55
E s'ellu s'imparava chinu veru sceffu di a Corsica di u Fronte era u Squale (B Squarcini)

7.mandatu da corsu u 19/11/2010 16:06
e u squallucciu jc angelini ?

8.mandatu da ghjè a vita !!!!!!!! u 19/11/2010 18:11
I più grossi scrucconi,so stati i nostri capinaziunalisti,m'hannu arrubatu i mo vint'anni, e tutti i mo sogni di ghjuventù.

9.mandatu da Ali gator u 19/11/2010 18:53
A più grossa scruccuneria ùn hè quella di i regiunalisti chi si facenu passà pe naziunalisti, (Cume E.Simeoni d'altronde) è chi hanu sempre ingannatu u populu corsu ancu pè l'elezzione di marzu scorsu..

10.mandatu da per ride u 19/11/2010 20:50
A Realità?

- L'arrubbecciu di notte di u "Secours Populaire"- AIACCIU
- l'arrubbecciu di a manghjuscula di i "Restos du coeur"- BASTIA
- l'arrubbecciu di l'urna ...micca eletturale, ma funeraria ind'un campusantu-Ghisunaccia
-A scruccunaria cù e carte di banca -CORTI
-U tipu chì tomba a moglia è in più davanti à a figliola (cù a vitameza ch'arruvinata)

A CORSICA hè à l'abbottu, i sgiò sò quelli chì si danu u più di rimenu pà rubbà u più (cù cunsequenze mischine par elli), ma sò numarosi ind'è i mizani è più sottu à bendesi è à arrubbà.

Ghjè UN VERU PRUBLEMA DI CIVILIZAZIONE ch'è no campemu.

Corci sò quelli chì ùn rubbnu micca:

- Sò sempre più povari
- Quelli chì si facenu scruchjà rubbendu chjamanu a so sulidarità.

Semu in lu bughju, ma ciò chì conta hè a salute!

11.mandatu da Robin wood u 19/11/2010 21:27
Iè O per ride, Giacobbi, natu à Courbevoie, mà un veru corsu....cume averebbe dettu

RCFM...

Inno, ùn hè un prublema tuttu que, ghhè ghjustu un' evoluzione, cume in altro..

Accitemu di ùn esse Santi (cume Federici..) è di fà cume tutti l'altri populi.

12.mandatu da estrimei u 20/11/2010 08:23
e noi chi "simu in l'ortu e zappemu 'ncu i frati ", simu nicentri ? simu nucenti ?
forse chi a a piezza d'aspettà a limusina, so mettiamu i termini a i nostri elletti quand'elli sortenu di u suminatu ?
so mettiamu da cantu l'appasci cunisciuti - ancu s'elli so i nostri "amichi " -
si noi tutti aviamu sta pratica , forse chi a sucietà s'appughjeria nantu a regulle piu ghjuste e piu rispettuose!

13.mandatu da corsu u 20/11/2010 17:08
quale chj ha dettu chj quelli di u commando eranu vigliacchj : l'avugadu g simeoni chi difende l'eroe y colonna !!!!!

14.mandatu da Ladru pè a vita.. u 20/11/2010 19:22
Hè verità o Corsu...ùn avia bisognu di minà piulate à l'altri pè difende u so clienti..mà

imagineghja appena si Femu a corsica avia fattu l'unione incu Giacobbi u prugressistu..


U peghju ghjè chi pè ghjunghje à u putere minaranu e piulate à u populu soiu.. è l'hanu

digia fatta in vutentu a muzzione d'accitazzione di a culunizazione scritta dà pacou ..!!

15.mandatu da cernobilu u 20/11/2010 19:31
a prussima ? l'indipendentisti chì si facenu passà per naziunalisti .... l'eletti giacubisti chì si facenu passà per demucratichi ... l'eletti di diritta chì si piglianu per giacubisti (in corsica suprana) ... Bucchini chì si piglia sempre per un cumunistu ... a piazzeta chì si piglia per a piazza d'arme, innò, a piazza d'E... FIllon chì si piglia sempre per ellu ... è unipochi di sumeri chì anu l'impressione, quand'elli scrivenu quì, di pigliassi à u seriu ... Per finì i manghjoni -chì elli ùn scrivenu micca quì - chì si piglianu tuttu . Eviva Veolia, eviva EDF, eviva a CTC, eviva u Papa ...

16.mandatu da Ladru pè a vita.. u 20/11/2010 20:05
EVviva a francia !! ti nè si scurdatu o cernobilu, mà u cesium hè un veru velenu..

17.mandatu da Poca vergogna.. u 20/11/2010 20:29
un affare hè sicura, si naziunalisti d'oghje si facenu passà pè Bobo-ecolo-regionalistes,

tandu ùn sarà micca una scrucuneria...mà ghjustu una teribule verità....mà ci hè ancu

quellu di à LDH chi si face passà pè corsu..

A bona sera à tutti, una pulendatta m'aspetta..!!

18.mandatu da u generale u 20/11/2010 20:34
A prussima scruccuneria serebbi chi Giacobbi dumandessi l'indipendenza di a corsica e una volta ghjuntu a ave la, chi a francia cuntinuessi a manda i soldi in corsica.
I scrucconi so a l'assemblea di corsica ,ghjunti cun aiutu di qualchi corsi

19.mandatu da Ladru pè a vita.. u 20/11/2010 20:47
Bellissimu "scenariu" o generale...ùn ci pudia esse megliu..."Le beurre et l'argent du

beurre" dice u pinzuttu..mà senza Rbeuu ...!! spergu..!!

Ghjustu una cosa, so ghjuntI (a a ctc) incu l'aiutu di numerosi corsi..


20.mandatu da Arritti.. u 20/11/2010 21:03
A più bella scruccuneria ùn hè statu u "Statut particulier" è a creazione di a CTC..

ghjè tandu chi i manghjoni di tutti i partidi si so mossi pè ghjunghje ci.. senza ella

stariamu assai megliu, cume indè u 70.

21.mandatu da estrimei u 21/11/2010 08:07
A più bella scruccuneria he che no simu , noi astri , u Populu corsu , chi lascemu fà.
un sapemu che arrabiacci per vince un ellezzione e po dopu , laggà e chjavi di a casa , senza mai fiighjà so chi si passa nentru .

22.mandatu da per ride u 21/11/2010 09:42
Semu in la merda...nera!

U peghju hè pà i chjuchi, eiu socu maiò.
Ùn avianu cà di magnà a suppa.

23.mandatu da Sciagura.. u 21/11/2010 10:33
ùn ti nè fà per ride, in 2012 tuttu sarà compiù una volta pè sempre...eppo i miraculi eo ùn

ci credu..!!

24.mandatu da u ricciu u 21/11/2010 11:34
a prussima risicheghja d'esse pè e prussime territuriale,tuccherà à noi di ùn facci arrubbà i nostri voti dumandendu à i candidati naziunalisti(di tutte e tendenze.duri o molli!)di precisà nant'à chì via volenu mette a Corsica,cumu vedenu a Corsica di dumane,è piglià ingagiamenti,ancu scritti,nant'à ciò ch'elli metteranu in ballu s'elli ghjunghjenu à u putere(si pò sempre sunnià,innò?)
Per contu meu,un'affare hè sicuru,a prussima battaglia vitale di u populu corsu hè quella di a grande guerra di 14.......2014 ben'intesu,allora o corsi....TUTTI À LA MOSSA!!!

25.mandatu da ingannatu u 21/11/2010 11:44
A "mossa" hè stata digia fatta è a via mustrata incu u votu di a muzzione pro

immigrazione ...2014 !! mette falsi naziunalisti à u putere ùn mi garba tantu.. l

26.mandatu da MARCUCCIU u 21/11/2010 12:26
PORCA MISERIA ! ! ! !

27.mandatu da imbecille u 21/11/2010 16:01
so i patroni e l'impresarii che hannu bisogna di man d'opera senza ella un si po custrui i case seconde .u sviluppu di u turismu si face grazia a culunisazione di pupulamente.
per pianta sta culunizazione ci vole a pianta a custruzione di ste case secunde

ghe finalmente a dritta chi t' ha interressu a sta culunisazzione !!!!!

di piu mette e so soldi a nizza e in pariggi !!!

28.mandatu da ingannatu u 21/11/2010 17:14
@ Imbecile , ci vole à piantà u turisimu... a dritta n'hà bisognu.. mà a manca dinù, pè

fane nuvelli corsi, è pè sguassà i veri, soli legitimi in terra soia..

a culunozazione hè u megli alleatu di u statu francese, mà quessa i nostri capizzoni ùn l'hannu ancu capitu.

29.mandatu da Ornano u 21/11/2010 17:36
A più bella scruccuneria hè di fà crede chi senza a corsica a francia puderebbi campà indipendante è ricca...

30.mandatu da estrimei u 21/11/2010 19:08
" Induvinate a prùssima scruccuneria " dici o webmaestru ?
forse ch'ellu si ne scuprerà nepoche da qui a pocu ??
ma so sicuru chi so stemu bocc'e ochji chjosi s'hanu da multiplicà chi a fame c'he. (a fame di i scrucconi)

31.mandatu da estrimei u 21/11/2010 19:18
Giacobbi ha dettu eri sera ch'ell'un puia cuntrullà tuttu .
simu bè ! prepara un astr'articulu o webmaestru !


avà si ch'aghju capitu : he per quessa chi e "salle des fetes ", i basconi ("piscines") nascenu cume i funghi in paisolli induv'ell'un c'he mancu 100 personne.

32.mandatu da pro-Ghjenuvese.... u 21/11/2010 19:22
Stu Scruccunacciu di Pasquale de Paoli, Chi ci hà fattu crede chi sta terra era a nostra è

chi ci vulia ancu à more per ella..poca cunneria no ??

33.mandatu da Malfattore u 21/11/2010 22:58
Fà crede chi a peghju razza è a peghju mafia in francia so i corsi, ùn sera una grossa

bugia quessa.. allò allò, cusi ùn, fideghjanu astru restu...nè astri periculi maio..

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta