Accueil
Envoyer à un ami
Version imprimable
Partager

Insulte è ghjesteme in corsu

È voi, chì hè a vostra insulta o ghjestema preferita ?



Insulte è ghjesteme in corsu
Rassicuremu in furia in furia quelli chì penserianu chì st'articulu saria un incuragimentu à parlà di manera sporca è scrianzata. Nò, si tratta solu d'interessacci à e ghjesteme è à l'insulte in lingua corsa, tante ch'elle sò nùmerose è ricche.

Eppo, hè sempre megliu di sfugassi è di mughjà in corsu ch'è di lampà un "rodidon puton merdeuh..." nò ?

Una ghjestema (o ghjastema in Corsica Suttana) si traduce in francese da juron, blasphème è imprécation. Allora eccu quì una piccula selezzione ch'è vo pudete arricchisce scrivendu un cummentu. E più belle seranu publicate in u prùssimu nùmeru di A Piazzetta induve ci seranu dinù e ghjesteme preferite di qualchì persunalità...

Vai à fatti leghje ! A spiegazione hè chì quellu chì si face "leghje" hè spiritatu (possédé par le diable) è ch'ellu hà bisognu di fassi scunghjurà (exorciser). U prete chì in i tempi scunghjurava leghjia e parolle nant'à un libru chì si mettia sopr'à u capu di u malatu... L'avete vistu u filmu L'Exorciste ? Eh bè custì hè listessa.

Per definizione, una ghjestema mintuveghja a religione : Cristu ! Signore ! Ghjur li chjodi ! (di a Croce di Cristu...)

Parechji sò e ghjesteme cumposte cun "sangue" : Sangu lu Cristu ! Sangu la Madonna ! Sangu la Miseria ! Sangu lu Tonu ! Sangu lu porcu ! Sangu lu Satanassu ! Sangu lu Macumettu !

In u libru di Sebastianu Dalzeto u babbu di Pesciu Anguilla mintuveghja a ghjestema aiaccina Par lu porcu mundacciu !

Insulte è ghjesteme in corsu
Un'altra manera di ghjestimà hè di falla per eufemisimu. Si trasfurmeghja u nome ghjestimatu. Per esempiu Per la madoscula ! invece di Per la Madonna ! O ancu Cristallacciu latru per ùn avè micca à insultà à Cristu.

Cunniscite tutti a fòrmula ch'è tù... chì permette assai spressione varie è ricche, ben'chè a sorte bramata sia sempre a listessa. Tutte amentanu a morte :

Ch'è tù sbotti (que tu éclates)
Ch'è tù sprufondi
Ch'è tù schjatti cum'è una fasgiola !
Ch'è tù imbuffi !
T'impàlini !
Ti portini in quattru !, Ch'elli ti mettinu u custume dumane ! Ch'è tù esca di a to casa à pedi in davanti ! traducenu listessa idea...
Ti facini un teghju ! (vale à dì una sepultura).

In Corsica suprana a ghjestema "ch'è tù sia" si prununzia "ch'è tù scia" :

Ch'è tù scia cecu
Tù scia manghjatu !
Tù scia fucilatu !
Tù scia arrabbiatu !
Tù scia brusgiatu !


Quale ùn hà mai prununziatu ch'è tù crepi ? o megliu : ch'è tù crepi a bocca aperta ? Per cambià, pudete dì dinù :

Ch'è tù brusgi !
Ch'elli ti piccinu e cerbelle !
Ch'è vo stèrpite !
Ch'ù tù cunnosca fame nera !
Ch'ellu ti ghjunga Morand !
Ci manda à l'epica quandu u generale francese Morand facia tumbà, imprigiunà è brusgià paesi sani.
Cerbelle à manate !

Farrandu Ettori cita un bellissimu Ti manghjini i corba (o i ghjacari) in u vangaronu ! è dinù Ch'elli ti stinzinu i pidochji !

Una prigantula di Sant'Andria ch'ellu si dice à i minuti chì ùn rigalanu nunda face : Ch'elli ti venghinu zini in culu quant'ellu ci hè petre in stu muru.

Ch'ella s'imprunichisca a to casa ! ci manda à u peghju ch'ellu possi accade in Corsica : a fine d'una sterpa, d'una famiglia.

E spressioni Civa ! Trippa ! o Piola ! s'impieganu in u sensu di "bien fait pour lui !".

In quant'à l'insulte, a lista hè longa :

O piduchjò !
O mignòculu !
O faccia di merda !
O cughjò !
O mullizzò !
O catinu !
O closcia !
O ciavatta !
O canacciu !
O piduchjò !
O lonzu vestutu !


Di siguru, insulte è ghjesteme nove sò inventate ogni ghjornu è mudernizate. Avemu digià intesu :

Ch'ella ti venga a cacarella è micca PQ !
Ch'ellu ti venga u chauffe-eau défectueux à tè è à tutta a to famiglia !

Nunda c'impedisce d'altronde d'inventanne nove :

Ch'elli ti lampinu à u MEDEF.
Ch'ella ti venga a faccia di Paul Natali !
Ch'è tù ti disceti cù u nasu di Jean-Christophe Angelini !
Ch'ella ti venga a chigna d'Emile Zuccarelli !
Ch'è tù porti u catogan d'André Paccou tutta a to vita !
Ch'è tù finisca à l'UMP !
Ch'è tù porti u képi !
Ch'è tù fessi l'apperitivu cù Jean-Jacques Panunzi è Marcel Francisci tutte e sere sin'à a to morte !
Ch'è tù scia lampatu à Fukushima !
Tù scia plasticatu !
Ch'è tù ghjochi in Mafiosà cù Moundir è Joey Starr !
Ch'ellu ti venga Etienne Daho !
Chì a to casa di paese diventi a résidence secondaire di Brice Hortefeux !
Ch'ellu sia Franck Ribéry chì porti a to cascia !
Chì a to mamma finisca à Confessions Intimes nant'à TF1 !
Ch'è tù ti chjami Kévin !


Avà tocca à voi. Ghjastimate puru lascendu un cummentu !

Insulte è ghjesteme in corsu

Insulte è ghjesteme in corsu
Da leghje dinù :

Chì tù sia... : Petite anthologie d'imprécations et autres souhaits venimeux di Paul Milleliri (Albiana)

Anthologie des expressions corses di Fernand Ettori (Rivages)

Injures corses, Araziolu è Pierrick Juin (Albiana)

Insulte è ghjesteme in corsu

Insulte è ghjesteme in corsu

Insulte è ghjesteme in corsu

Insulte è ghjesteme in corsu

Insulte è ghjesteme in corsu

u 19 d'Aprile 2011
U Sgaiuffu


Da u più recente à u più anzianu | Da u più anzianu à u più recente

1.mandatu da circinelludiguagnenativupèliguagnesusosanguaversatu u 19/04/2011 09:19
Da ziteddu, babbu mi dicia sempri "ch'è tu sighi tu neru !!!"... dolci ricordi di ghjuventù... ;-)


2.mandatu da orsucciu u 19/04/2011 10:40
"Chè tù crepi a bocc' aperta!" par me :) Esci solu solu in stadiu calchi volta...

3.mandatu da Gastone u 19/04/2011 10:58 (da un teleffuninu)
Kè tù diventi francese

4.mandatu da Bustanicu, paese di Cardone. u 19/04/2011 11:08
" Basgia a porta ! " Si dice aspessu indè i ghjoni oghjinchi, ma poca ghjente sà chi quelli chi basgianu a porta, sò i morti, ié quessi basgianu a porta di a so casca quand'elli sò messi in terra, dunque sta spressione rivene à dì " Chè tù crepi ", avite a raghjone, hè sempre a morte ch'hè pregata infine, di tutta manera c'emu da passà tutti !

Ci n'hè parecchje altre :
" Vai à fà ti un frullu ! "
" Chè tù brusgi ! "
" O casgiò ! "
" O salzicciò ! "
" O cacatu ! "
" O suchjò ! "
" Spezzia di peddenacciu ! "

È tante è tante ch'anu da nasce à u filu di l'emissione di telé è di e mode, ah amichi ci serà da campà ssi !

5.mandatu da estrimei u 19/04/2011 11:49
ghjistemme ci n'he parechje !
quessa a cuniscite : che tu cummunga ,che tu cummunga si!-so ch'ella volle dì , nu a so -
e peghju ghjestemme toccanu a a religione e , spessu , so lampate a a un torcine chi scrochja , una porta chi un chjove , una ferra chi svia.
cristacciu s'impieggava assai nepochi di tempi fà.
e una longa: puttana , carogna , brutta, puchjuculla e purcella

6.mandatu da estrimei u 19/04/2011 11:54
una bella : ch'ella ti ghjunga a morba!
ch'elle ti si secchinu e dite (o a lingua )
crepatura
ch'ellu ne resti quant'u n'aghju in manu

7.mandatu da Michè u fliccu u 19/04/2011 12:03
inculati

8.mandatu da Carghjisanu u 19/04/2011 12:05
Eu aghju "crist' in cristu!"

9.mandatu da lingua di puttana u 19/04/2011 12:16
Chè tù lecchi palle quant'è t'ai ghjorni
Ch'ella ti ghjunghi a cacarella in punta
Puttanaccia madonna inculata da tutti i santi di a creazione

10.mandatu da Grossu panzutu u 19/04/2011 12:48
A l'usu anticu ci seria: "che tu lecchi di tribiera" "che tu creppi a bocca aperta" o "che lu ti venga u sfragetu!" ma se no femu ind'u mudernu si po di: "ch'elle ti crescinu e mustacce di thiriez" "che tu scia mutatu a la courneuve" "ch'ella ti scalli a dncg in casa" o "ti ghjunghjissi a mafia russia in paese!"

11.mandatu da pampasgiolu u 19/04/2011 12:56 (da un teleffuninu)
Duie belle :
-lampati in mare spezziu di trunc'e ghjetta.
-O Cazzu marinu.

12.mandatu da osantu u 19/04/2011 13:02
Porcu bambinu ! putana madona ! san Ghjiseppu curnutu ! Ô chi santa famiglia indiavulata !!

13.mandatu da saveriu u 19/04/2011 13:36
Ch'è la valgi una bòtte d'ànghjuli e Cristu cume tappu.

14.mandatu da cipolla u 19/04/2011 13:46
ghjustu per aghjunta un picculu :
che tu scia tintu spezia di prisuttu incustumatu.

15.mandatu da Marcellu u 19/04/2011 13:51 (da un teleffuninu)
Intese in Niolu :
Chè tu scia cecu, l'ochji manghjati dà i corbi!
Ch'ella ti ghjunca à sete!
Chè tu fermi seccu!
Ch'ella ti venga a rogna!
Civà!

16.mandatu da circinelludiguagnenativupèliguagnesusosanguaversatu u 19/04/2011 13:56
à Saveriu, intesu una chì s'assumiglia:
ch'eddi falessini tutti l'àngnuli d'u paradisu ind'una botte è Ghjesu Cristu pà tappu !!!

17.mandatu da ba u 19/04/2011 14:10
O cacavellu!

Testa di lumaca!

18.mandatu da ba u 19/04/2011 14:18
ch è tù scia di u vilenu e di u toscu

Ch è tù ti tronca u collu

19.mandatu da ba u 19/04/2011 14:22
"Ch'è tù schjatti cum'è una fasgiola !" è "Ch'è tù ti disceti cù u nasu di Jean-Christophe Angelini !" so belle ghjasteme


20.mandatu da saveriu u 19/04/2011 14:24
Ch'è lu venga un calafone e chi e ghjalline ghjunginu a pizzicà e stelle.


O speziu di connu vestu a omu.

21.mandatu da saveriu u 19/04/2011 14:26
vestutu invece di vestu

22.mandatu da marianto u 19/04/2011 16:58
che tu voghi a l'infernu a l'abraghji i piu suttani
che tu perdi l'abbaghju cum'è i cani
chei tu schjoppi cum'è una ballota

23.mandatu da ceccu u 19/04/2011 18:09
://














Che tu ingronchi cume i straglieri in lu focu

Ch'ellu piovi saracche
Ch'ellu ti venghi u phyloxera




24.mandatu da 0 u 19/04/2011 20:39
testa di casgiu merzu !
và fà incula !
aghju a vergogna... haha

25.mandatu da pazzetta u 19/04/2011 21:36
ch'è tù finisca in un placardu di a CiTiCi!!

26.mandatu da Pochimpreme u 19/04/2011 21:36 (da un teleffuninu)
Eiu aghju intesu "Cristacciu", "Madonaccia incesa" per e ghjasteme (mi scuseranu).

Osinò "putana goba" ò "putana ladra".
"Che tu scià manghjatu per i topi" (u più cunisciutu)
"Vai à fatti inculà", "Figliolu di putana"
"che tu sia stintu",
"meza goia" "goia secca" "faccia di culu" "testa di cazzu"

Dinù "ti cacciu u sonu"

Eccu.

27.mandatu da pazzetta u 19/04/2011 21:48
ch'è tù scià Khadafinitu

Ch'è tù scià cundannatu à fighjulà l'Eurovision sana sana per sente à Vassily fà u cervu corsu

Ch'è tù scià muderatu è curnutu dopu à l'elezzione

Ch'è tù stia senza purtevule pè u sempre !



28.mandatu da Pochimpreme u 19/04/2011 22:26 (da un teleffuninu)
Che tu abbia a gratta in culu l\'unghje sofice è i braccii tropu corti !

29.mandatu da Alanu u 20/04/2011 02:12 (da un teleffuninu)
Chè tù finisca giacubbistu

Chè tù scià manghjatu da Jean-Guy Talamoni

Tù scià imbusciatu da Panunzi

30.mandatu da Alanu u 20/04/2011 02:20 (da un teleffuninu)
Ch'ellu ti venghi Ange Fraticelli

31.mandatu da tachepuntaopuntetachaunsoghupiu u 20/04/2011 08:52
...un sa mancu indu piscia a capra !

32.mandatu da Enrico u 20/04/2011 11:58
Ahahahhaha ghjà bastani li ghjastimi chi lampu in Gadduresu... Abà meddu è meddu in Corsu!!!

P.S. Chi ni falessia l'alcu di l'aria!

33.mandatu da Cathal Brugha u 20/04/2011 12:12
Ch'ellu sprufondi Mahomet !

34.mandatu da sasha u 20/04/2011 12:45
Site propiu eccessiunali, vi leghju spessu, micca quant'eiu vuleria... U corsu che vo' parlate e scrivite ghjè quelu chi m'hé statu imparatu da a mo'caccara è nunda che pe' quessa avete tutta a mo' simpatia, senza cuntà è vostre macagne chi so' da more di rise. Vi ringraziu pe' issi mumenti meravigliosi che vo' mi date è un' risigheghju micca di mandavi à favvi leghje!

35.mandatu da sasha u 20/04/2011 12:47
è quessa nino': "che tu sterpi!"

36.mandatu da Grossu panzutu u 20/04/2011 12:52
Ti caschinu li capelli d'una maladetta ghigna!!

37.mandatu da sasha u 20/04/2011 12:59
è quessa dino': "che tu sterpi!"

38.mandatu da ANTO u 20/04/2011 14:42
Quella chi m'hè sempre parsa a piu terribile hè "chè tu varga errante " e qualchi volta si agghjusta "cume a cascha di Magumettu "

39.mandatu da Lavinia u 20/04/2011 19:42
In a prigantula di Sant'Andria, si dici ancu: " Chì vo t'abiiti tanti chjirchjoni, quantu eddu ci hè peli in u piloni..."

40.mandatu da mamone u 20/04/2011 21:55
Mamone diciva : "che tu cha spertivicatu(a) ,che tu cha ceccha; chi lu ti gjiunghi u pirivivi ,chi tu cha ceccha ,chi tu sia sbrambagha ,chi tu voga a bolle inde a pecce ...e tante belle cose!!!!

41.mandatu da Sam Buccuc-Dalandeaux u 21/04/2011 00:28
O testa di cazzu!, Vai à fatti un giru à u sole
Vai à fatti leghje

42.mandatu da sasha u 21/04/2011 10:31
A mo' caccara dicia: " che tu scia ceca è orba"

43.mandatu da circinelludiguagnenativupèliguagnesusosanguaversatu u 21/04/2011 11:03
u me preferitu:
" vai à fatti trè salti ! "...

44.mandatu da Merdusò u 21/04/2011 11:11
Ch'è tu scia sprufuntatu !
Per la Madoooonna !
Christacciu !
Faccia di scrachju !

Chi piacè du parlà cusì :)

45.mandatu da estrimei u 21/04/2011 11:52
inde noi : vai e tirati dui salti

46.mandatu da fiumorbacciu u 21/04/2011 12:24
porcu putana cazzu goba miseriaccia che ti manghji un topu Ch'ella ti ghjunghi a cacarella

47.mandatu da dondiegodellavega u 21/04/2011 20:34
Tù scia inculatu dà Fanfan Vendasi !!!!!

48.mandatu da saveriu u 22/04/2011 15:16
Sangu lu sacramentu.

49.mandatu da gesuincroce u 22/04/2011 20:50
è què cumu a sentite cù st'acquaccia di merda chi impedisce e prucessio di sorte: "ch'ellu piovi cazzi è ribumba in culu à tuttu u mondu...bone pasque à tutti

50.mandatu da gesuincroce u 22/04/2011 20:56
O faccia à Derrick.....O porta pantaloni.....O faccia à Sopalin.....O sbonda casgio...

1 2
Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta