Accueil
Envoyer à un ami
Version imprimable
Partager

Jean-Charles Marchiani: eroe o scruccone?

Face parlà è traparlà, a liberazione di Jean-Charles Marchiani. Ricunnisciutu culpevule di "trafficu d'influenza via una personna depusitaria di l'auturità publica", hà toccu 2,7 milioni d'€ in l'affare di l'Angolagate. Si trattava d'un cuntrattu d'armamentu trà u gruppu publicu francese Giat è a sucetà tedesca RenK. À 65 anni, ferma un annu di prigiò à l'anzianu prefettu...



Jean-Charles Marchiani: eroe o scruccone?
U fattu di u rè?
Dopu l'affare Clavier-Rossi, dopu a passata nant'à a fine di a publicità nant'à a televisò publica è tira avanti è tocca, pare chì Nicolas Sarkozy s'inchjudessi in u so palazzu di l'Elysée senza tene contu di u parè ne di i so ministri ne di e ghjente. L'amnistia di Jean-Charles Marchiani hà tutti l'attributi di u fattu di u rè. Secondu u parchettu di Parigi, Marchiani ùn currispundia micca à u prufilu di e ghjente chì serianu capace à benefizià d'una grazia presidenziale. S'ellu ùn hè micca statu liberatu per ragione ughjettive, serà per via di a so amicizia incù Carlu Pasqua, è via incù NS? Tandu sì, seria una decisione inghjusta. Chì hà soldi è amicizia torce u nasu à a ghjustizia...

Un ghjornu lione, u lindumane scruccone?
In quantu à l'amichi di Jean-Charles Marchiani, ramentanu à sicutera u so eruisimu. Ùn hè ellu chì hà permessu a liberazione d'ustagi francesi à u Libanu è in Busnia? A dice Kauffmann à U Figaro : Marchiani est un héro ! Ùn ci scurdemu ch'ellu hà messu a so personna in periculu per a Republica. Quale hè chì ne pò dì altrettantu? B. Hamon, S. Royal, M. Aubry, O. Besancenot? A quistione hè di sapè s'è u so eroisimu passatu li permetterà di francà si di e lege. Dopu toccu u so quota di devuzione à a Republica, omu si puderà permette tuttu?

Tutti manghjoni?
Soprattuttu, pare chì l'affare Marchiani caschessi propiu male per a vita publica. U PS si trova affangatu in letiche interne, dopu a cumedia di u cungressu di Reims è di a froda presunta, ghjunghje l'affare Julien Dray... U risicu hè ch'elli n'avissinu una techja i citadini di cuntà e cazzarole di l'unu è di l'altru. Hè cusì ch'ellu colla l'estremisimu.

È voi, chì ne pensate di J-C. Marchiani?

u 28 di Dicembre 2008
Sbanditu



1.mandatu da estrimei u 28/12/2008 09:11
Hè cusì ch'ellu colla l'estremisimu.
chi estremisimu?i terroristi tutti in priggio ! a legge he a legge! e a legge he u putere chi a face ! e a face per ellu! i so nemichi (i chjamma terrurusti) i mette in priggio , e i s'amichi... i cappia.
quant'a mè , Marchiani e Pasqua hanu i mezi d'esse di l'amichi -e quessa l'amicizia , he di quelle chi conta - e po c'he stu "département des Hauts De Seine" induve ci so amici di gran valore e induv'ellu si prepara u serrione per u principe "Jean"
avà, o Sbandi , ammenti a Dray,allo , allo , siè un pocu ragiunevule! s'ellu ci'ole a impriggiunnà tutti i pulitichi chi so dubbitosi in scruccuneria ,per fà a piazza , li ci'ulerà a cappià tutti i nucenti. e tandu cumu si face "pour la sécurité"?

2.mandatu da machja u 28/12/2008 19:12
So quessi i" corsi" chi ci facenu una gattiva riputazione !!!!

3.mandatu da Mamma Natale u 29/12/2008 00:28

MArchiani hà un talentu scemu per neguzià, qualità chì aiuta à esse un bon scruccone dinù, lol




4.mandatu da zitellacciudiucismonte u 29/12/2008 21:42
A francia ringrazia sempre i so harki ...

Novu cumentu :