Accueil
Envoyer à un ami
Version imprimable
Partager

Jean-Chri, pippol di l'estate 2008 !

Cum'è tutte e mane, sò andatu à cumprà u mo Corse-Matin, impaziente di sapè quale saria u pippol di u ghjornu. À quale tuccheria oghje ? Roland Magdane ? Michel Fugain ? Laurence Parisot ? Lova Moor ? William Leymergie ?

Surpresa ! Per una volta u pippulacciu era corsu : era Jean-Chri !



Jean-Chri, pippol di l'estate 2008 !
Chì tippu stu Jean-Chri ! Avete da vede ch'ellu riescerà ancu à passà un ghjornu in Voici o Entrevue. Chì putenza ! Sò siguru ch'ellu ùn paga micca l'entrata à Via Notte è ch'ellu face a bise à i videurs.

Riesce à fassi piglià in fottò è passà dopu à i più grandi pippol chì venenu in Corsica, hè veramente chì u tippu hè forte.

Chì caminu parcorsu dapoi u tempu induve Jean-Christophe Angelini era u capimachja di a CSC à l'università... Ellu sì chì hà riesciutu ind'a vita !

Tempi fà, quand'ellu era naziunalistu, dicia ancu ch'ellu ci vulia à salvà a nostra lingua è a nostra cultura, minacciate da a francizazione di a sucetà. Pensava anch'ellu "vegogna à tè, chì vendi a terra"... I numichi eranu quelli chì vendianu terre è anima per fassi dui soldi.

Ciò chì si passa in Balagna, in Portivechju, in Bunifaziu hè spaventosu. A nostra terra si ne parte vinduta à i ricconi, mentre chì u picculu populu hè lamapatu fora da casa soia talmente collanu i prezzi. E regione turistiche diventanu riserve pè ricchi, abbandunendu a so identità corsa per dassi à un tuttu turisimu divastatore.

Stu ritrattu hè statu pigliatu in u cosu chjamatu "Playa Baggia"...

Ma dimmi o Jean-Chri, spergu ch'è tù ùn ti si micca scurdatu di a filetta. Rassicuratemi...

u 1mu d'Aostu 2008
U Sgaiuffu



1.mandatu da Un certu ... u 01/08/2008 12:49
À u prezzu chellu vende i miloni è e patecche indè a so buttega pò fà u people a vi dicu eu.

2.mandatu da Scuzzulatore u 01/08/2008 13:14
o, cume vo site gattivu incu l'amicu ghjuvan-cristo...

guardetti bè , un beve micca nè 51,ne casa,ne perrier ...ba bè !!
ellu bia l'acqua Corsa chjamata OREZZA...

Pà su fattu patrioticu , vi dumandu a tutti di pisavvi e fi fà una grande'ola' pà u nostru fratellu G-C Angelini

3.mandatu da dj manzu u 01/08/2008 13:23
ghjè una honta ! o Jean-Chri, bei puru un mouss'or !

4.mandatu da SABRINA A PALASCESE u 01/08/2008 13:36
salute a voi fratelli di lotta
vi scrivu chi per i corsi chi n'è annu una teghja di i pinzuti eiu so moglia di pastore è pensu chi simu megliu l ivernu ch'è l'estate d'avanti a a u fucone incu amici. ch'ellu veni sittembre prestu è ch'elli aspettinu puru chi i ghjamu per vulta chi. A prestu Sabrina

5.mandatu da eiu u 01/08/2008 14:36
ce qui est rassurant c'est qu'il change pas notre ami jc... a l'assemblee comme en conference, comme en garde à vue, comme avec des people, toujours le meme air gogol !!!!!

6.mandatu da drobnjacku u 01/08/2008 15:18
d'accordu cù Sabrina. a Corsica ch'elli ci prumettenu tutti hè quella di e paillottes, di u tuttu-turisimu induve ùn seremu boni ch'è à diventà i servi di i turisti.

ma chì piazza pè l'agricultura, l'allevu, l'identità, a cultura, a lingua ???

o Jean-Chri, ciò ch'è tù si diventatu !!!! andà à fà u pitre cù ste merde chi venenu ind'è noi...

a prussima tappa ? Cù Daniel Auteuil in Cavaddu ? piglià u caffè cù Kouchner ? à "Mérouville" cù Karl Zéro ???

7.mandatu da castagnu u 01/08/2008 15:32
gattivi che vo site e ghjelosoni ghjuvan cri un'ha mai tombu a nimu e po a anc'hellu dirittu di fassi fa una pipa d'orezza bella intesa

8.mandatu da Cumpalliols u 01/08/2008 16:00
Quale hè, a zitella accant'à ellu ?
A so moglia, o micca ?

9.mandatu da Hè più bella, a vita di Jean-Chri... u 01/08/2008 16:20
à fiancu à i pippoli... Hè Ninon di a seria plus belle la vie nant'à France 3...
S'ella era stata un antra, Mélanie, averebbe pussutu capì, ma quessa, ghjè goffa! A si meriterebbe d'esse nant'à Facciaccia book...

10.mandatu da più goffa a vita u 01/08/2008 16:24
dop'à a DST, avà sapemu chì Jean Christophe Angelini neguzieghja ancu cun Charles Frémont...

MAFFIA FORA !

11.mandatu da Baretta misgia u 01/08/2008 16:28
'ssu cosu qui,"Playa Baggia" a sapeti ciò chi d'hé ? Hé Palombaggia revisited by angelini's family, par fà "tendance" !!
Aghju ancu vistu in Balagna un locu sbatizzatu "Yukindu"!! Infatti hé (o era ) u ghjuncàghju !!
Par fàlla à l'accorta si pò di chi 'ssa ghjenti qui t'hani pocu ghjudìziu e chi u spìritu culletivu u si mettini in bunetta !!

12.mandatu da stralampatu u 01/08/2008 17:50
st'affare di "playa baggia" hè d'appressu à mè peghju ch'è tuttu è hè riccu d'insignamenti.

sott'à a pratesa di "fà turisticu" è di fà piacè à a mansa di lasagnoni chi si facenu brunzà a so facciaccia à u mare, si face a scelta d'un nome ridiculu è struppiatu, si nega a so identità è e so radighe.

s'ella hè quessa a Corsica ch'è vo ci prumettite...

ùn aghju nunda contr'à Angelini, è ci hè assai ghjente chi ùn u tenenu micca caru, pè raggioni oscure. ma serà più ghjelusia ch'altre cose.

ma più và più li vecu un destinu à l'usu Alain Orsoni : à principiu paria simpaticu, parlava bè, presentava bè (sempre megliu ch'è Charles Pieri o Olivier Sauli !) è intelligente

ma dopu ci semu avvisti ch'ellu era un trafficone malignone chi facia sopra tuttu i so affari.

spergu sbagliammi...


13.mandatu da Cumpalliols u 01/08/2008 19:41
Playa Baggia hè Palumbaghja !
Aiò !

Mai ùn averebbe induvinatu, eiu

14.mandatu da estrimei u 01/08/2008 21:27
ma di stu locu , un he micca Angelini chi ne ha a cuncessione?
quandu u Populu corsu serra cuscente chi l'adopru di lochi publichi per u benefiziu di nepochi, he un arrubbecciu ; e chi u turisimu deve esse adupratu 'nu u sollu interressu di u Populu corsu ,forse l'affari anderanu megliu.
u Populu Corsu rispunsevulle di i so voti , di i so diritti , di i so duveri , di a so lingua ,di u so PAESE he a piu bella suluzione .

15.mandatu da vamos a la playa u 01/08/2008 21:53
Juillet 2007 Corse: La démarche à[ suivre pour s'offrir, légalement, une paillote… illégale!
http://www.amnistia.net/news/articles/corsdos/paillote/paillote_112.htm

16.mandatu da money money money u 01/08/2008 22:06

17.mandatu da Angelini jean cri-cri u 01/08/2008 23:02
Scriveraghju in lingua di moliere , cusi i mò amichi pipoli capiscerannu. .

Vous etes vraiment jaloux,

oui et alors je bois une orezza avec une actrice et alors . ..

Je discute avec ceux de la DST et alors....

Je déjeûne avec des responsables de Veolia... et alors


18.mandatu da marinella u 02/08/2008 01:02
et alors ....DST traditore
PIPOL...Sullaghjone
VEOLIA...KYRNOLIA... E CC....ECC...fora ....FORA....FORA...

L'ACQUA ...U SOLE...I PORTI....SO I NOSTRI A SO GESTIONE DEVE ESSE FATTA DA E MERIE E DA A C T C
DEVENU ESSE SERVIZII PUBLICHI CORSI ! DA DI IN CORTI DUMENICA !

19.mandatu da vamos a la playa u 02/08/2008 10:44
Iddu o mancu, sa fa à festa cun belli zitelli e a colpu d'acqua acitosa.
A da riesci a èssa briacu é ùn puddarà micca andà incù Quastana é u so muvimentu "strada diritta".
Di qual'hé u sciortu cula darettu annantu u stenditoghju? Di jean Biancucci ? Umbhè!! hé bedu ingrassatu !!

20.mandatu da Baretta misgia u 02/08/2008 13:33
U "pseudo" baretta mìsgia hé dighjà presu da qualchisìa. U di làsciu, hé u soiu !
Scusami o amicu !

21.mandatu da beurk u 02/08/2008 16:09
ma quantunque, chi catinu stu JEan Christophe Angelini....

22.mandatu da Stremu Fichindianu u 03/08/2008 12:49
Bon,Juan-Cristo si piglia per un pipolu !! Ma ellu almenu beie acqua d'Orezza è ancu se a so strada ùn pare più tanta diritta,pensu ch'ellu puderà viaghjà senza misurà a strada dopu à stu ritratttu...

Ma pinsate puru à Polo Quastana chì chjama u so partitu Stada Diritti;eiu l'averebbe chjamatu a Giraglia,chì quand'ellu sorte d'un aperitivu,ci vole à esse forte per seguitallu ................

23.mandatu da luna rossa u 05/08/2008 13:08

È in più... cumu si dice "tenir la chandelle" in corsu??? -)

24.mandatu da SERRA u 05/08/2008 14:36
Tutti ghjelosi di jean christophe , un avite che inviglia !

25.mandatu da ghicciu u 05/08/2008 20:08
aiò, ghjelosi di chè ?

vi pare degnu di qualchissia chi si dice naziunalistu è chi vole ghjucà un rollu impurtante nant'à a scena pulitica corsa, d'avè una paillotte chi si chjama "playa baggia" è d'offresi una fotto in e pagine "people" di sta merde di giurnale ?

è passu nant'à a qualità di a seria "plus belle la vie", bellu esempiu di cio chi a cultura frencese face di peghju

hè ellu chi duveria sentesi vergugnosu si !

26.mandatu da Micca Male !! u 07/08/2008 11:11
Pè vultà à u sughjettu,u troppu stroppia !!

Dopu à i scontri in Pariggi cù ghjente belli strani è pochi ricumandevuli,avà u nostru capimachja virtuale (parlu per i modérés,i mous cumu omu dice à spessu ;-) si piglia pè un pipolu è lecca i culi di e lufiette di a televisiò francese!!

Ci vulerebbe chì a Chjama è u PNC custruiscessinu un prughjettu novu in giru à G.Simeoni è d'altri Naziunalisti sinceri ch'ùn anu micca a voglia di fassila davanti à i Francesi!!!!

27.mandatu da ghicciu u 07/08/2008 12:13
serà siguramente più cumplicatu chè quessa, o Micca Male

per contu meiu aghju di più cunfianza in un tippu cum'è Gilles Simeoni, chì hè onestu, ch'è cum'è JCA chi mi pare piglià una via "affarista" è chi vole fassi piglià per un tippu simpaticu da i pinzuti (è so numerosi in PV !)

ma u muvimentu si po passà di un tippu chi hà fattu 45% di i voti in a so cumuna ?

ùn pensu micca...

28.mandatu da estrimei u 08/08/2008 08:11
o ghi ,
tu credi ch'elle so e cumblicculle ch'annu 'a salvà a Corsica?
eu so cunvintu ch'ell' he u Populu - u POPULU CORSU -,s'ell ' ha abbastanza cerbelu , chi s'ha da salvà .
l'ommi pulitichi,oghje ghjornu , so troppu abbituati a "salvassi " da per elli !

29.mandatu da Micca Male !! u 08/08/2008 12:14
Eccu ! GCA hà fattu e so prove in Purtivechju ma a livellu di a Corsica ùn pare d'esse tantu prezzatu...Eppo sti pochi tempi ùn face chè cunnerie...
Dipoi u tempu ch'ellu dumanda un aggiornamento,sarebe ora di lascià a piazza ;-)))))))))))

30.mandatu da Chjarasginu u 04/09/2008 21:53
O ghjenti un aveti ciarbellu un hè missa pussibule...
Capiscu chi di piglià una photo cu quidda zitedda un hè micca un qualcosa di fortu pà a pulitica è pà a Corsica... possu esse d'accunsentu.
Ma quandu vecu ghjenti chi dicenu chi GCA hè vindutu parchi maghja cu quiddi di KYRNOLIA, (ci so impieghi pa i corsi passendu) o ch'idddu parla cu a DST, o ch'iddu cunosce certi parsonni cumè Nivaggioni, mi dumandu.
Tutti i naziunalisti chi so stati a u capu d'un partitu ani fattu listessu, tandu, è parlu per mè, CGA hè quiddu chi a fattu un menu è in piu iddu o mancu dice cio qu'iddu face alora...
E po per u muvimentu naziunale v'aghja di, truveti omi, cunnisciuti o no, chi ponu fà megliu chi Angelini o Simeoni in pulitica.
Quale emu da sustene quiddi di u rinnovu, di corsica nazione, aio...

31.mandatu da prisuttu u 04/09/2008 23:45
o Chjarasginu, mi pari sinceru ma dì chi ci vole à scusà à JCA perchè tutti facenu listessu ùn hè micca un argumentu

stu Nivaggioni hè un scruccone, un ladru è un assassinu (tentative d'assassinat contre... un patron de boite de Purticciu... y a mieux non ?), nunda di più

perchè difendelu ? perchè sustenelu ? per quellu chi si vole esse u "monsieur propre" di u naziunalisimu... c'est loupé

per mè Charles Pieri, Alain Orsoni o stu Nivaggioni ùn valenu nunda è ùn portanu NUNDA à a Corsica.

per JC Angelini aspettu di vede, ma per avà, cun cio ch'ellu si passa, so dubbitosu.... spergu ch'o mi sbagliu

ma s'ellu hè per fà di a Corsica un affare cum'e quellu di "playa baggia", hè megliu à stassi in casa

32.mandatu da circinelludiguagnenativupèliguagnesusosanguaversatu u 05/09/2008 10:46
"Quale emu da sustene quiddi di u rinnovu, di corsica nazione, aio... "
è parchì micca ?!
O Chjarà ! O mancu eddi so chjari nant'à i so finalità, i so azzioni (Purtivechju... Tè! Chi ni dici eddu ?) è par avà so eddi chì pigliani i colpi !

"Ma quandu vecu ghjenti chi dicenu chi GCA manghja cu quiddi di KYRNOLIA o ch'iddu parla cu a DST...". Sti dui fatti sò veri o nò ? Si ? Bon ! U tuttu hè di sapè s'eddu hè nurmali o nò. Ma di dì ch'ùn hè vera, amicu chjarasginu, mi scusarè, ma...
Ciò chì hè sicuru hè chì ùn hè micca un nemicu di u nostru populu, ma ci vurria ch'eddu si spiccessi di vultànni un amicu...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta